Skip to main content

THALAI TE U IN THATLAI CHEN ULA

 

Kar hmasa Inrinni khan branch YMA te chuan BT Picnis Spot-ah kumtawp comtt. an neia, he hunah hian kumin chhunga hmalakna hrang hrang te thlirletin hmalak zel dan tur bakah kumthar lama hruaitu thlan dan tur chungchang te an rel.


Thla hmasa khan YMA hruaitu thenkhat chu Chalfilh tlangah an kal thu hmangin editorial kan ziak a nih kha. Khami tum khan Chalfilh tlanga Tourism Deptt. hmalaknaa khualzin te hipna tur siam chungchangah Chalfilh tlang chu khawpui atanga a hlat em avanga mi tam tak tana tlawh a harsat thu sawiin Sihphir khua chu khawpui atanga a hnaih avanga khualzin te tan tlawh a awlsam avanga kan khaw awmna a lo fuh zia kan sawi a nih kha. 


Ni e, Sihphir khaw awmna hi khawpui atanga hnai te a ni a, khawpui mite khuan kalchhuaka nawmchen (picnic) hi nuam an ti thin. Sihphir hi kalchhuah ngai ve si, hlalo leh senso tlem te hmanga thlen theih a ni a, Sawiremtlang leh Sakawrhmuituai tlang kan nei te hi a vanneihthlak takzet tih hi hriatthar a, kan humhalh tlan a tul hle awm e. 


Kan khaw bul mai, Selesihah picnic spot a awm a, hmang pawh an awm neuh neuh reng niin a hriat. Tunhnaiah Pu C. Chhuanaawem a te chhungkuain Neihbawia hetiang hmun (BT Picnic Spot) an siam hi an fakawmin an ti ropui takzet a, khualkhua mai bakah tualchhung atang pawhin hmang kan awm deuh reng a nih hi. A ti thei chuan hmundangah pawh siam belh zel thei se kan khaw tan chhenfakawmna a awm nual ngei in a rinawm.


Thuhriltu chuan ‘Thalaite u, in thatlai chen ula’ a ti a, he thu hi a ngialngana sawi dawn chuan nawmchenna tihna a ni mai awm e. Pathian hian kan nawmchen hi a phal a, a phal mai niloin min duhsak zawk hial a ni. Chuvangin, kan hmunhma neih tha tak tak te hi Pathian hrechhunga thianghlim taka nawmchen na atana hman thiam i tum ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more