Skip to main content

NOVEMBER 2023, SIH(PHIR) DIARY

 

1st. Wednesday : Tv K. Vanlalchaka s/o K. Vanengmawia, Kawnveng chu an motor siamna lamah inti palhin a kut tang pakhat a ti bung.


2nd. Thursday : Sihphir Kohhran Pavalai Pawl

(KPP) te chu Sihphir Vengthar KPP te

chuan an rawn tlawh.

 

3rd. Friday : Pu Lalrintluanga Pachuau s/o

Lalramliana Pachuau, Chhanhim veng

chu Covid hri len laia hri hlauhawm tak

kara Ambulance khalh a mi dangte a

tanpui thin avangin Health & Family

Welfare Department, Govt of Mizoram

chuan chawimawina an

hlan.


4th. Saturday : DTI, Neihbawi a zirlai te chuan graduation day an hmang. Tuntum hi batch 74 na niin zirlai 20 an awm a, an zingah hian Sihphir mi pakhat a tel ve bawk.


5th. Sunday : Tv Adama, kum 41 s/o Lalduhawma (L), Chhanhim Veng chu a chenna inah thi a hmuh a ni. A ruang hi a unaupa (cousin), Pu Laldailova, Dam Veng Inah lak a ni.    


6th. Monday : Pu Vanlalruata, Tamlo veng te ui chu Kawnveng a a infiam laiin Vairengte lam sumo in a chilhlum 


7th. Tuesday :  Khualkamlova, kum 90 H/o Chawngthanzami, Biak in Veng chu  'Kal tha lo' avangin Ebenezer Hospital-ah a boral.


8th. Wednesday : SR & AC chuan an room-ah Ramngaizuala (Lalbawiha) s/o Lalkhawngaihzuala, Neihbawih chhungte an ko a, a nu a kalin, hnawhchhuah lai, chhuak si lova, ina a la awm zui zel avangin a fapa hi Ningani (Nov ni 9) ni tlak hmaa Sihphir chhuahsan tura hrilh a ni.  


9th. Thursday : H. Lalduhawma, kum 65, Lalhlimpuii pasal, Zionveng chu Civil Dandawiinah Cancer vangin a boral.


10th. Friday : Govt. Primary School-I, Arpu veng te chu RT

Picnic Spot, Neihbawi-ah an intihhlim.


11th. Saturday : Branch YMA hnuaia Forest sub-committee te te chu Chalfilh tlanga Forest Department ten ramngaw an siam dan chungchangah Sihphir lama tih ve theih a awm em? tih thlithlai in an kal.  


12th. Sunday : Pu Lalawmawia s/o Upa Ch. Zalala,  Dam Veng chu an chenna Inah Lungphuchawlin a boral.  


13th. Monday : Pu Taivela (L) Rinchhan Veng, hriatreng nan a nupui, Pi Thangmawii tu leh fa te chuan chhiatni thatni a hman atan Combo set (₹ 11,650/-)  man chu YMA te an pe a, an chungah YMA hruaitu te an lawm hle.


14th. Tuesday : Melkaw chho kawng siam lai, hun engemawchen chawlhsan lailawk chu hnathawh chhunzawm a nih leh dawn tak avângin Sorkar phalna angin Road Block leh a ni.  


15th. Wednesday : YMA Central

Co-ordination Committee (CCC) chu Vaivakawn YMA Hall-ah neih a ni a, CEC Member ni lai, Pu R.

Lalduhzuala leh Branch aiawhin Tv. Zohmingliana

Hnamte, Secretary te an kal.


16th. Thursday : Taitesena section YMA chu adviser, Pu Lalrosiama te inah an Committee a, an hmalak tawhna te thlirletin an kal zel dan tur te an rel bawk. 


17th. Friday : Sihphir Presbyterian Kohhran enkawl lai, Damdep-I kohhran chuan Biak In thar

an hawng. Kohhran member pathumin an tel pui.


18th. Saturday : Venglai Presbyterian Kohhran chanchinbu, Logos chu power supply a that tawkloh avangin a chhuaklo.


19th. Sunday : Rev H. Lalzuiliana, Presbyterian bialtu Pastor chuan Venglai Kohhran tlawhin chawhma-ah zirlai khaikhawmin chawhnu lamah baptisma sakrament buatsaih lehin nausen pasarih a baptist leh a, zan lamah BSI Campaign in hun a hmang zui.


20th. Monday : YMA Conference Hall-ah Sihphir VC,  Venghlun VC, Selesih LC, Sihphir to Selesih Joint YMA Action Committee leh  Local Traffic Committee aiawh ten Sihphir to Durtlang inkar kawng laih mek chungchangah Joint Meeting an nei.


21st. Tuesday : Tv Lalnunhlua S/o Pu Lalhriatpuia, Damveng, North Eastern Police Academy, Meghalaya a training nei mek chuan zo felin passing out parade an nei.

  

22nd. Wednesday : Venglai Presbyterian Kohhran a sakrament department zirlai 25 te chu danchhunga lakluh an ni. An pual hian Lalpa zanriah sakrament theh nghal a ni.


23rd. Thursday : Hmarveng Presbyterian Kohhran Hmeichhiate chuan Khawruhliana ṭawngṭaina hmun an tlawh.


24th. Friday : Presbyterian Kohhran Hmeichhe din champha a ni a, tualchhung kohhran hrang hrang te chuan ruai nen hlim takin an lawm hlawm.


25th. Saturday : YMA chhang te chuan High School tualah sikni eng kut hlim takin an hmang.


26th. Sunday : Tamlo veng Welfare te chuan tunhnaia an veng nu boral, Pi Nomawii chu an ral.  


27th. Monday : John Lalruatpuia s/o

Tlangmuanpuia (L), Arpu veng leh

Lalruatmawii, Kepran te chu Sihphir Presbyterian Kohhranah

an innei.   


28th. Tuesday : Pu Lalduhsaka, kum 50 s/o 

Lalthansanga (L), Neihbawi chu  Aizawl Civil Hospital-ah 'Thawhah' avangin a boral.


29th. Wednesday : Kawnveng, kudam hlui hmuna

ni zung tha chakna hmanga thlai dahthatna (Solar cold storage) chu  bun fel a ni.  


30th. Thursday : Vanlalhruaii d/o H.V.

Lalthangliana, Tlangveng leh

Vanlalhmangaihzuala, Lamchhip te chu

Lampchhipah an innei.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more