1st. Saturday : Covid-19 hrikai thar mi 17 hmuhchhuah a ni.
2nd. Sunday : Village Council chuan tunhnai a Zoram pum huapa zai hmanga kan khua min ti hmingtha tu, Lalsiampuii Ralte d/o R. Lalremruata, VCM chu lawmpuina thilpek shawl leh pawisa fai thahnem tak an pe.
3rd. Monday : Remsangpuia, (VL Nunzira) kum 39 S/o Vannguri, Arpu Veng (Thlertawi) chu ZMC-ah Covid-19 avangin a boral. December ni 18 Covid-19 a positive tih hmuchhuah a ni.
4th. Tuesday : Covid-19 hriin min nuai nat tak em avangin Zoram huap ang pawhin hmahruaitu kan ni deuh ngar ngar ta a. Zahthlak lamah pawh a kal chhoh tan tak avangin VLTF te chuan lockdown, January 9, 2022, Pathianni zanlai dar 12:00 thleng awh tur chu an kalpui tan ta.
5th. Wednesday : V/C ten Sairum ram lama mimalin an enkawl senloh ram valh vak vak mai te an enfiah a. 𝓨𝓜𝓐 𝓱𝓻𝓾𝓪𝓲𝓽𝓾 ţ𝓱𝓮𝓷𝓴𝓱𝓪𝓽𝓲𝓷 𝓪𝓷 𝓽𝓪𝔀𝓲𝓪𝔀𝓶.
6𝓽𝓱. 𝓣𝓱𝓾𝓻𝓼𝓭𝓪𝔂 : Sub-Center-ah nu, naupai lai leh nausen kum khat leh a chanve chin ten hri danna an la.
7th. Friday : Hrikai thar 17 an awm a, mi 15 an dam thung. Tun dinhmunah mi 124 enkawl mêk an ni.
8th. Saturday : Pu Lalthawma, (63)
H/o Pi Lalawmpuii (L), Chhanhim Veng chu Synod Hospital, Durtlangah 'Stroke' avangin a boral.
9th. Sunday : VLTF chuan chawlhkar khat zet lockdown an puan tawh chu hri inkaidarh dan chhui zui harsa, kaihhnawih ngah an la awm nual avangin thil ṭhenkhat her danglam hret ni 15, Inrinni zanlai thlengin an pawtsei.
10th. Monday : Covid-19 positive dam 29 kan awm a, hrikai thar 9 kan nei thung. Tun dinhmunah hri vei mek mi 110 kan la nei.
11th. Tuesday : Branch YMA chu Community Hall-ah kumthar duangin an thukhawm. He hunah hian branch tha ti chak turin section pali leh Sub-Committee 11 siam a ni a, khawtlang tana pawimawh dang thahnem tak an rel bawk.
12th. Wednesday : Tv H. Lalnunmawia s/o H. Laltanpuia, Neihbawi, Assam Riffle tanglai, Krismas chawlh hmanga lo haw chu a thawhna, Aizawl panin a let leh ta.
13th. Thursday : Pu H. Lalrema, (65) h/o Pi Lalbiakdiki, Treasurer, V/C), Kawn Veng chu Stroke natna avangin Synod Hospital, Durtlangah a boral.
14th. Friday : Lalzawnsanga s/o H. Lianmawia, Dinthar veng leh Lalngilneii d/o V. Lalhuma Lungdai te chu Venglai Presbyterian kohhran biak inah kohhran dan thianghlimin an innei.
15th. Saturday : Local Level Task Force chuan lockdown a puan chu ti tawpin khawtlang inkaihhruaina thar a ti chhuak.
16th. Sunday : Local Level Task Force chuan sorkar SoP bawhchhia a inneih lawmna tlang ruai an buatsaih avangin Pu H. Lianmawia, Dinthar Veng chu pawisa an chawi tir.
17th. Monday :Tv Danny Vanlalvena (35) S/o Ngurdawla, Tlang Veng chu Synod Hospital, Durtlangah 'Ril T.B' avangin a boral.
18th. Tuesday :
Village Council chuan Tv Lalnunhlua s/o Lalhriatpuia, Damveng, MCS exam tur chu a kal zelna atan Rs 10,000/- a pe.
19th. Wednesday : Pu C.Lalmawia, (78) H/o Pi Lunghnemi (L) Tlang Veng chu an chenna Inah 'Cancer' natna avangin a boral.
20th. Thursday : Hri kai thar mi 12 kan nei. Heng zingah hian V/C Treasurer, Pi Lalbiakdiki, kum 60 w/o H. Lalrema (L) pawh a tel.
21st. Friday : DC, Dr Lalhriatzuali Ralte chuan CoVID-19 positive hmuhchhuah a pun zel avangin Kawnveng leh Dinthar veng bakah, Damveng, leh Venglai hmun thenkhat chu nizan lamah
Containment Zone/Area-a a puan avangin hei hi kalpui tan a ni.
22nd. Saturday : Rural Industries Association chu kuang siamin an hnatlang a, kuang paruk siamin heti hian covid kuang pakhat leh a pangngai pahnih awm sa nen siam sa pakua lai a awm leh ta.
23rd. Sunday : Ramngaizuala S/o Lalkhawngaiha, Neihbawi leh
Lalramliana S/o Vanlalruata leh a nupui Vanlalzari, Tamlo veng te chuan khawtlangah buaina an siam avangin thla thum chhung atan hnawhchhuah an ni.
24th. Monday : Containment Zone-ah Covid Mass Test neih a ni a. Mi 667 test niin heng zing atang hian mi 18 ten Covid hri an kai tih hmuhchhuah an ni. Heng zingah hian hnamdang, hnathawka awm leh Venghlun mi HSS zirlai pakhat ve ve te an tel.
25th. Tuesday : Covid 19 positive dam 19 kan awm a, hrikai thar 27 kan nei thung. Heti hian hrivei mêk 191 kan awm.
26th. Wednesday :
Sihphira hrivei mek (active case) in a tawn san ber ni a thlengin Covid-19 hrikai in 206 a kai ta.
27th. Thursday : Covid-19 positive dam 18 kan awm a, hri kai thar 27 kan nei thung. Heti hian hrivei mek mi 215 kan awm.
28th. Friday : Pu Rengzika, (78) B/o Pu R.K Sangthanzama (Zamtea), Tlang Veng chu ZMC-ah 'Covid-19' avangin a boral. January 19 khan hri a kai tih hriatchhuah niin hemi ni vek hian admit a ni a. Natna dang nei tel a ni.
29th. Saturday :
Covid-19 positive dam 47 kan awm a, hri kai thar 7 kan nei thung. Heti hian hrivei mek mi 202 kan awm.
30th. Sunday : Branch YMA hnuai-a section hrang hrang te chuan kumin atan section hruaitu turte an thlang.
31st. Monday :
Taitesena section YMA OB thlan thar te leh nikum lam OB te chuan Treasurer thar, Nl Lalramnghaki te inah charge an inhlan.
1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e. Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni. Feh haw'n kawngah lah hmeichhia chuan em khatin in lam mamawh an phur haw ...
Comments
Post a Comment