1st. Saturday : Thlarau mi Awmtea (Lalrinawma), Samlukhai chuan Chief Minister, Pu Zoramthanga chu thlarau atanga a dawn nia ngaiin bangla atanga a rawn chhuak chu gate bulah Lal Saula anga hnawl a nih tur thu in a lo au khum. Awmtea hian Pathian tirh nia a inngaihna thu a sawi.
2nd. Sunday : Kumthar hnu a Pathianni hmasa ber a ni a, kohhran tam zawk chuan Sunday School hming ziah na ni atan an hmang
3rd. Monday : Sihphirah Covid-19 a hluar thar leh avangin chawlhkar khat awh khawpum lockdown kalpui tan a ni.
4th. Tuesday : Chief Minister Pu Zoramthanga leh EKI Energy Services Ltd. hotute chu CM pisa-ah inkawmin, carbon trading chungchang an sawiho.
EKI Energy Services Limited hi kum 2008 a Indore a din niin, Carbon Credits Project Management, Carbon Credits Trading etc.-ah India ramah chuan sulsutu an ni.
5th. Wednesday : Health Minister Dr. R. Lalthangliana chuan a Pisa-ah Central YMA hruaitute kawmin COVID-19 hripui chungchang an thlirho bakah leh hmalak zel dan turte an sawiho.
6th. Thursday : Col CK Nayudu Trophy, Ranchi-a khel tura thang mek, Mizoram Criket Assiciation tirh Under-25 team te chu hripui a lo hluar thar leh tak avangin an lo haw.
7th. Friday : Kawnpui-ah Brick phur (Ashok Leyland 1212) MZ01N-2691, Driver Lalchhuansanga, Saihapui khalh chu a chesual a, a chhung ah hian driver tiamin mi pathum an chuang a, hliam an tuar vek a ni.
8th. Saturday : Saikhawthlira Pu Hranglianthanga chenna in chu bungrua engmah chuh hman lovin a kangral. In kan lai hian a neitute tumah an awmlo a, a kan chhan hi hriat a ni lo.
9th. Sunday : Pathianni kalta atanga chin hriatlohva bo, Pu Johny Lalparliana Driver (Zemabawk) 4th IR, Luangpawl a awm mek chu a nawlpui a zawnna chu tih tawp a ni. Highway peng Luangpawl veng Mamit-ah hun tawp hi hman ani. He hun hi Pu H.Lalenpuia, President Luangpawl Branch YMA chuan kaihruaiin, hunserh Pu Roliana, Chairman, 4th IR kohhranin a hmang thung. Pu Lalparliana hian nupui leh fa pahnih a nei a ni.
10th. Monday : Ministry of Home Affairs chuan order ti chhuakin Mizoram DGP ni lai SBK Singh chu Delhi-ah a sawn a, Mizoram DGP thar turin Devesh Chandra Srivastava, IPS (AMGUT : 1995) a ruat nghal.
11th. Tuesday : Police constable, Pu Hmingthansanga, Thenzawla Police Training-na hmuna awm chu an ram vahnaah a ṭhianpain sa emaw tiin a kap palh a, ka pawh chhawn lovin a hmunah a boral nghal.
12th. Wednesday :
Mizoram-ah COVID-19 hrikai an pun leh tak avangin leh Mizoram-ah Omicron variant lo lut mai thei dinhmuna a din avanga hmalak zel dan tur chungchangah Chief Minister, Zoramthanga hovin Assembly Annexe Conference Hall-ah Political Party hrang hrang aiawhte, NGO leh Kohhran aiawhte, MJA leh Zirlai pawl aiawhte, AMC, Local Council leh Village Council aiawhte, Hospital leh Medical Association aiawhte chu an inrawnkhawm.
13th. Thursday : Mizoram sawrkar chuan Mizoram Civil Service (MCS) Officer thenkhat te awmna a siksawi a, mipui ngaihven hlawh tak Champhai DC, Maria CT. Zuali chu FCS&CA leh Planning & Prog. Implementation-ah Additional Secretary hna chelh tura sawn a ni a, a aiawh tur hian School Education Director nilai James Lalrinchhana chu dah a ni thung.
14th. Friday : Aizawl District Bawrhsap Pisa-ah Bawrhsap, Dr. Lalhriatzuali Ralte kaihhruaina hnuaiah Aizawl District chhunga COVID-19 hri darh zel chungchang thlirho na leh hmalak dan tur sawihona neih a ni.
15th. Saturday : Mizorama kum 18 tling chin vote nei thei te hming chuanna Final Electoral Roll 2022 chu Mizorama district tinah tlangzarh a ni.
Electoral roll tlangzarh tâka a lan danin, Mizoram puma voter awm zat chu 833,426 a ni a, he'ng zinga 404,967 chu mipa an ni a, voter nuai 428,459 chu hmeichhia an ni thung.
16th. Sunday : Football lama rampumi'na kan hriat lar, T Vanlalhluna (63), Dinthar lungphu chawlin a boral.
17th. Monday : Lalramthanga Zadeng (44), Hortoki chu Zodin (Rajdali) khaw bulah hna thawkin thingzai a pu a, a chung lam atanga Railway Company hnathawk te'n thirphek lian leh rit tak an tihtlak palh chuan a delh a; a hmunah ka chhaw lohin a boral.
18th. Tuesday : Mizoram Pradesh Congress Committee chuan kumi'n atan Congress Bhavan (an pisa) an hawng. He hunah hian party President, Pu Lalsawta chuan an sawrkar leh hunah thuneihna neih belh ringawt lam nilovin Mizoram siamthat leh tihhmasawn zawk an tum thu a sawi.
19th. Wednesday : Lunglei Zotlang Tourist Lodge a COVID19 sample test na RT-PCR Laboratory-ah Swab Sample test tan a ni.
20th. Thursday : Aizawl DC, Dr Lalhriatzuali Ralte chuan CoVID-19 positive hmuhchhuah a pun zel avangin Sihphira veng thenkhat chu
Containment Zone/Area-ah a puang.
21st. Friday :
Serchhip Kawlri tlang-a ‘Historical Village’ din tuma hmalakna kal mek chu Serchhip bialtu MLA leh MZU-a mithiam te chuan a hmunah tlawhin a hmunhma te an en ho. Serchhip Vengchung-a Serchhip Heritage Society te hmalakna hian Serchhip Kawlri tlang-ah hian ‘Historical Village’ din tumin hmalak mek a ni a, ruahmanna pawh chi hrang hrang siam a ni tawh.
22nd. Saturday : Mizoram pa lar leh hmingthang, mithiam leh Pathian rawngbawltu Pu Hranghrima (Dr. Lip) Lunglei chu Civil Hospital Lungleiah a thi.
Nikum October thla khan Covid-19 a kai ve a. Nov 4 ah a dam fel a. Amaherawhchu, Post Covid ah Pneumonia neiin, a ni kum lo tam tawh bawk nen, a bawksawp zui ta a ni.
23rd. Sunday : Kristian Thalai Pawl (KTP) Bial Conference chu January 21 a hman tan chu an tiak ta hlawm. Conference hi pastor bial hrang hrangah hman a ni.
24th. Monday : Covid hripui len tantirh atanga Mizorama hmuhchhuah tam ber ni thlengin mi 2223 zet hmuhchhuah a ni. Karkhat liamta, ni khan hri kai zat hian 1,846 a lo kai tawh bawk.
25th. Tuesday : Lunglei aṭanga buhfai phur truck chu Phairuangkai leh Lungsen inkarah chesualin a hmunah motor khalhtu, H.Lalmalsawma (Mala) Lunglei Ramthar veng a boral. Motor-ah huan hadyman nen'n chuang anni a, handyman hian hliam na a neilo thung.
26th. Wednesday :
Republic Day vawi 73-na chu Mizoram hmun hrang hrangah uar taka hman a nia, a lawmna puiber Sipai Lammualah chuan Governor, Hari Babu Kambhampati chuan India Hnam Puanzar pawtparhin Parade contingent ruatbik ten Hnam Puanzar zahna chibai an buk a chhanglet.
27th. Thursday : School Education Director, James Lalrinchhana chuan Govt. Mizo High School, Aizawl a Atal Tinkering Laboratory(ATL) siam thar a hawng.
School Education Director chuan he hunah hian tunlai khawvel hmasawnna nasa tak karah Science lama tuihalna zirlaiteah kan tuh a ngai a, hetiang atana Laboratory changkang leh tunlai thiamna hmanga thuam Laboratory tha tak Govt. Mizo High School in an nei chu lawmawm a tih thu a sawi.
Atal Tinkering Laboratory hi NITI Aayog, Govt. of India Flagship Programme pakhat Atal Tinkering Laboratory (ATL), Atal Innovation Mission (AIM) in a kalpui a ni.
28th. Friday : Vanduaithlak takin Pu Rengzika (78), Sihphir chu COVID19 vangin ZMC-ah a boral. January 19 khan hri a kai tih hriatchhuah niin hemi ni vek hian admit a ni a. Natna dang nei tel a ni.
29th. Saturday : January 20, 2022 a Mizoram lo thleng Mobile I-Lab, RT-PCR sample test theihna khawl chu Health Minister, Dr R. Lalthangliana leh H&FW Board Vice-Chairman, Dr ZR Thiamsanga ten a awm lailawkna hmun Lengpui CHC-ah an tlawh.
30th. Sunday : Lunglei High Powered Committee Vice Chairman, Pu Lawmawma Tochhawng, Lunglei East bialtu MLA chu COVID19 hri a kai tih hmuhchhuah a ni a. Mild symptoms a nei.
31st. Monday : COVID-19 hri len țan ațanga ni khat chhunga Mizoram hri kai hmuh chhuah tam ber ni a ni a, hri kai zat 2,531 a ni, kar hmasa Thawhtanni khan mi 2223 in an lo kai tawh bawk.
1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e. Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni. Feh haw'n kawngah lah hmeichhia chuan em khatin in lam mamawh an phur haw ...
Comments
Post a Comment