1st. Wednesday : PCa bike ka siam tir. Zanah ka inkhawma (Eric Lalthazuala, Matluangite fapa chu inngaihna suala a tluk avangin thunun a ni.) Inkhawm banah Krismas committee kan thu. Hemu hma hian kohhran committee an thu phata ni. Atei Aizawl a kal. Lukhum lum min rawn hawna, ka lawm hle.
2nd. Thursday : Huanah thlai tlem azawng ka va la. Nizan kohhran krismas committee in Krismas ruaiţheh loh a rel leh tak avangin ka thawh lawm khawn tawh ho chu a petute hnenah ka dah let leh vek.
3rd. Friday : Loah nimbu sawrin ka riaklut. Covid hri kai mi 24 zet hmuhchhuah a ni. Nikhat thilthua Sihphira hmuh tam ber a ni.
4th. Saturday : Ka hna ngai ka thawk leha, ka haw. Covid hri kai mi 9 hmuh a ni. Lalrammuana nupui leh Lalhriatchhunga te heng zingah hian an tel.
5th. Sunday : Chawhma-ah Sunday school ka kala, chawhnu leh zanah pawh ka inkhawm. Zan inkhawm hi Bible Sunday zan a ni a, hemi pual hian thawh lawm hi a kala, thuchah chhiar chhuah a niin sermon pawh hemi pual tho hi a ni. Covid hrikai mi 4 an awm.
6th. Monday : Khua a chhiat nilen avangin inah kan awm. Ka lehkhabu chhiar lai chu ka chhiar chhuak ta. (26/11) Kristian Tlangau a lo thleng. URobuangi, Neihbawi veng chu lungphuchawlin a thi.
7th. Tuesday : Khua a duai avang leh Maawmi a nawm meuh loh avangin inah ka awm. Kristian Tlangau ka chhiar chhuaka, 'Val bo lo' by C. Lalhmingmawia ka chhiar tan bawk. Society-ah bur siamna tur ka va lei bawk. Covid hrikai mi pali hmuh a ni.Bonny, Au Awmpuia fapa leh Chhanchhuaha, arm wrestling-a kan thawhpui te an tel.
8th. Wednesday : Huanah thlai kuang bang ka va zawng khawm. Atei Aizawl a kal. Covid hrikai pali hmuhchhuah a ni.
9th. Thursday : Loah ka va feh a, kuhva hmun ka sam. Forest ramah khawmhma ka zuk la bawk. Ka nu, kar hmasa Thawhtannia covid kai chu a dam leh ta.
10th. Friday : Nimin ka feh ka chauh deuh avangin inah ka awm. Zanah chanchinbu chhutnaah ka kal.
11th. Saturday : Inah ka awm. Zanah ka inkhawm.
12th. Sunday : Chawhma-ah Sunday School kan kala, chawhnu leh zanah pawh ka inkhawm. Zalawra medal 6, Zalawra medal special 1 leh kum 25 chhung Sunday School zirtirtua tangzawn 1 hnenah te medal sem a ni. Tlai-ah community hall-ah kumthar YMA hruaitu turin heng mite hi ka thlang : Au, Lianfala, Marina, R. Soma, Pu Duhzuala, Tv Remruatate. Chuan OB nilai ho zawng tlingin pali ka thlang tling a nih chu.Au a tlin leh avangin ka lawm hle. Zan inkhawm banah U Ateate inah ka leng. Pavalai hoin an member te hnenah mawza an sem chu ka chang ve a, ka lawm hle.
13th. Monday : Loah kuhva hmun ka va sam. Zanah Pu Senate inah ka leng. 'Sentlang chanchin' (1848-2020) by D. Rothanga chu Rs 150/- in ka lei nghal.
14th. Tuesday : Loah panhnah hmun ka va sam. Zanah kan section YMA ten V/C house-ah kumtawp committee kan nei. Tan dawnah ka tawngtai.
15th. Wednesday : Ni hnih ka feh zawn avang leh hna ka tul lutuk lemloh avangin inah ka awm. Zanah ka inkhawm . Lalrimawia, U Biaka fapa inngaihna suala a tluk avangin thunun a ni a, Hmangaihsangite nupa chu dan chhunga lakluh anni thung. Atei Aizawl a kal.
16th. Thursday : Pu Zatluanngate insaknaah ka inhlawh.
17th. Friday : Pu Zatluangate insaknaah ka inhlawh leh. Zanah chanchinbu chhutnaah ka kal. 'A hmunah Krismas' tih ka article thar chu ka daha, editorial atan 'Masi' tih ka ziah chu editorial type a ti danglamin ka dah tel bawk. '2021 Sihphir' ami ka dah erawh kan edit nual thung. Ka editor chhunga kan kan hun hnuhnung kan thleng theia, ka lawm khawp mai.
18th. Saturday : Pu Zatluangate un saknaah ka inhlawh leh. Ni thum hlawh Rs 1,000/- ka la nghala, ka lawm hle. Maawmite chhung, Bilkhawthlir a mi Vanlalhuma chu Synod damdawi inah a thi.
19th. Sunday : Zanlai pelh hretah Vanlalhuma ruang chuan Sihphir rawn pal tlangin Naawmiten puanin an lo tuam. Zingkarah Pathian ram ka khawn. Chawhmaah Sunday School kan kal. Maawmi chu nakkuma buhfaitham khawn ve leh turin an ruat thu an puang. Chawhnu (bialtu pastor, C. Sapkaia chuan naupang pariat a baptis) leh zanah (nakkum rawngbawltu turte an puanga, apa chu pavalai pawla committee member a nih ve tur thu an puang. Keipawh Finance committee leh tantu listah te ka tel leh tur thu an puang) te ka inkhawm bawk.
20th. Monday : Pu Zatluangate in saknaah ka inhlawh leh. Atei Aizawl a kala, kawnghren min lo hawna, ka lawm hle.
21st. Tuesday : Pu Zatluangate in saknaah ka inhlawh leh. Maawmi kan huan kawng siama hnatlannaah a kal ve.
22nd. Wednesday :Zatluangate in saknaah ka inhlawh leh. Atei Aizawl a kal.
23rd. Thursday : Pu Zatluangate in saknaah ka inhlawh leh.
24th. Friday :Pu Zatluangate in saknaah ka inhlawh leh. Zanah ka inkhawma, kum 2019-2020 leh kum 2021-2022 academic session a board exam leh a chunglam pass thar mi 89 te lawmpuina citation semchhuah a ni. An zingah hian Ponty pawh a tel. Inkhawm banah Peterate room-ah urlawk zan kan hmang. Atei Aizawl a kal.
25th. Saturday : Chawhma, chawhnu leh zanahte ka inkhawm. Chawhmaah hian Maawmi leh Ateite an inkhawm ve a, zanah Maawmi a inkhawm ve leh bawk. Zan inkhawm banah Peterate room-ah chhangban kan kang. In luahtupa accident avangin a ke ruh a tliak.
26th. Sunday :Chawhmaah kan inkhawm. Krismas programe a hun hman a la nih avangin Sunday School a awmlo. Chawhnu leh zanah pawh ka inkhawm. Zanah hian Atei a inkhawm ve leh. Inkhawm banah Ateate inah lo zau OB te kan comtt. Tlaiah Ateate inah hian committee (tur) chungchang sawi hian ka leng bawk.
27th. Monday : Nanunga thih champha vawikhatna a ni a, inpuiah kan lengphei. Zanriah kan ei nghal. He hun hmang tur huan Mamite chu an chhungin an lo haw. Zanah ka inkhawm. Krismas program chu a zo ta. Krismas programa ka inkhawm kim theih avangin ka lawm hle. (Lungawina 22/4)
28th. Tuesday : Pu Zatluangate in saknaah ka inhlawh leh. Tlaiah inpuiah jan lengpheia, auten ar an rawn keng bawk nen, chaw kan ei ve nghal. Apan a fate pali, (Lalrintluangate chhiar telin ) leh ka nite pahnih chu a fate Rs 5,000/- theuh leh ka nite Rs 1,000/- ve ve te min pe a, kan lawm hle.
29th. Wednesday : Pu Zatluangate in saknaah ka inhlawh leh. Tlaiah an phone zawrh lai chu Rs 9,000/- in ka va lei. Rs 6,000/- ka pe phawt a, Rs 3,000/- dang chu ka ba hrih dawn a ni. Zanah Ni Biaki damlo kan zuk kan. 'Kumthar thutiam ka ti hlawhtling' tih thupui hmangin Sihphir diary ka ziah chungchang artucle ka ziak tan. Ka la zo lo.
30th. Thursday : Pu Zatluangate in saknaah ka inhlawh leh. Mamite an haw thla leh ta. Apate kumthar hman pahin an chhuk ve nghal. Covid hri kai thar 21 hmuhchhuah a ni. Kamis ka nei thar.
31st. Friday : Tlaiah Sawiremtlang atangin ni tla ka han thlah. Zanah inkhawmloin Mahlanite room-ah ar bawp kan ei. Kumin chhunga ka hun tawn chhinchhiah tlak zualte :
1) Tamlo veng wallfare inthlannaah polling officer-ah ka han tang. YMA section OB ka nih lai a nih avang a ni.
2) Sawiremtlang weekly editor-ah ka tang.
3) Dawr chhak chu a neituten an luah ve duh avangin kan chhuahsan.
4) Nimbu sawr tham ka nei ve ta.
1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e. Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni. Feh haw'n kawngah lah hmeichhia chuan em khatin in lam mamawh an phur haw ...
Comments
Post a Comment