Skip to main content

FEBRUARY 2022, SIH(PHIR) DIARY

1st. Tuesday : Varziki, (58) W/o Lalramzauva, Arpu Veng chu Synod Hospital, Durtlangah 'Stroke' natna avangin a boral. 2nd. Wednesday : V/C house-ah ni za inhlawhna pawisa Rs 700/- theuhin sem a ni. 3rd. Thursday : NREGS, mipui thawhkhawm hmangin khaw hnuai kawng (NR road) chu PCC flooring-a chhun a ni. 4th. Friday : Nu, naupai leh nausen pianghlim atanga kum khat leh a chanve inkarte chuan sub-center-ah vaccine an la. 5th. Saturday : Laltlanthangi w/o K. Lalnunsanga, Kawnveng chu luakchhuak leh luhai reh theilo avangin Synod Hospital-ah admit a ni. 6th. Sunday : Pu R. Lalngentluanga leh Pi Lalrempuii, Chhanhim veng te inneih champha vawi 25 na (silver jubili) a ni a, thenawm khawveng leh chhungkhat laina te nen hlim takin an lawm. Pu Ngentluanga te hian fanu pahnih leh fapa pakhat an nei a ni. 7th. Monday : LIDCAS OB te chu Vice President, Pu C. Parmawia te inah an committee a, hripui leng avanga a nawlpuia inthlan a theihloh avangin hruaitu tur te an inruat thar. President atan Pu Lalchhanhima Varte, Kawnveng chu ruat a ni. 8th. Tuesday : Lalramsanga s/o Ramdinliana leh Lalmuansangi d/o Lalfamkima (L) Venghlun te chu Venglai Kohhranah an innei. 9th. Wednesday : H.Lalrinliana, (83) F/o Lalsangzuala Kawn Veng chu an chenna Inah "Thin tha lo" avangin a boral a, Pu Taivela, (88) H/o Thangmawii, Rinchhan Veng chu an chenna inah vèk 'Lung tha lo' avangin a boral bawk. 10th. Thursday : SR & AC-te chuan Lalbiaknunga Khiangte s/o Chawngdailova (L), Kawnveng te nupa chu khawtlang duh loh zawng Heroin No 4 an zawrh avangin thla 6 chhûng atan Sihphir chhuahsan turin an ti. 11th. Friday : Chief Minister, Pu Zoramthanga bial fang chuan Sihphir pawh rawn tlawh telin khawtlang mamawh hrang hrang te sawipui a ni. Chief Minister bial fang hi Village Council member te bakah khaw chhunga party worker ten lo dawngsawng a ni. 12th. Saturday : Nenkhawdimi (74) W/o Chinkhanpauva Arpu veng chu an chenna inah Thin cancer avangin a boral. 13th. Sunday : Remruatfeli c/o H. Darhmingliana, Tlangveng pian champha vawi 23 na a ni a, chhungkhat laina te atangin duhsakna leh lawmpuina engemawzat a dawng. 14th. Monday : Neihbawih a Pi K. Thansiami, Durtlang huan enkawltu, Pu Lalnunnema (58), Lunglei chu thlamah thi a hmuh a ni. Kuang nen Tv Thanglianchhunga, VCM-in Bawngkawn Police Station-ah a zuk dah. 15th. Tuesday : Pryanka Kishore, IAS chuan khaw dai hmun thenkhatah MNREG pawisa hmanga hnathawhte a hmuna kalin a rawn endik. 16th. Wednesday : KTP Day a ni a, Venglai Branch te chuan an Kohhran School Class X Board Exam tura camp mek te chu KTP Day pual hian ei tur chi hrang hrang an pe. 17th. Thursday : Hri kai thar mi 28 kan nei a, dam mi 9 an awm. Tun dinhmunah enkawl lai mi 116 an awm mêk. 18th. Friday : Hri kai thar mi 37 kan nei a, dam mi 3 an awm. Tun dinhmunah enkawl lai mi 150 an awm mêk. 19th. Saturday : Andy Lalhruaikima, (37) H/o Zodinsangi Arpu Veng chu lungphuchawl in a boral. 20th. Sunday : Nikhat thil thu a hri kai thar tam ber ni thlengin mi 53 kan nei a, dam mi 16 an awm. Tun dinhmunah enkawl lai mi 185 an awm mêk. January ni 17 khan mi 40 in hri an kai tih hmuhchhuah a lo ni tawh bawk. 21st. Monday : YMA hnuaia Library sub-committee chu an building-ah kumthar atana hmalak dan tur hrang hrang te relin an thu khawn a, March Inrinni hmasa ber atangin Inrinni zing apianga library hawn thin an rel. 22nd. Tuesday : Pu Isak Lalremruata, kum 45 S/o Darthansanga, Phuaibuang khua chuan Pu VL Muana, Kawnveng huan a an vawk (thla 2 vela upa) dah chu a ru chhuak. 23rd. Wednesday : Rokungi (69) w/o H. Thansanga, Dam Veng chu "Kal tha lo" avangin UPHC-ah a boral. 24th. Thursday : Hri kai thar mi 20 kan nei a, dam mi 37 an awm. Tun dinhmunah enkawl lai mi 211 an awm mêk. 25th. Friday : H. Lalremruata s/o Darthantluangi, Dintharveng leh Zorinpuii, Muthi te chu Venglai Kohhran Biak Inah an innei. 26th. Saturday : Covid19 atangin mi 49 an dam a, positive thar mi 31 kan neih belh thung.Tichuan tun dinhmunah enkawl lai mi 213 kan la nei mek. 27th. Sunday :Kum 2022 chhunga Neihbawih Welfare hruaitu turte chu thlan a ni a, (Office Bearers) thlanna neih tur a ni a, Chairman atan Pu H Lalrinzuala chu thlan a ni. Inthlan hi ballot box (bawm) hunga neih a ni a, hmun thumah bawm hi hun a ni. 28th. Monday : V/C Secretary, Pu PC Lalrinliana chuan Aizawl City Local Council Executive metting thuchhuakin L/C a lehkha lakchhuah (eg tribal, income) man a bituk ang chu kan khua-ah hman ve tur a nih thu hriattirna a ti chhuak.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more