1st. Tuesday : Paate huan ka han sam leh. Khawl a chhiat avangin tan atanga reilote atangin chemin ka sam tawp. Kristian Tlangau January issue a lo thleng. Covid 12 an awm thar. Pi Varziki, Pu Ramzauva nupui, Theihaingaw chhu stroke avangin a thi.
2nd. Wednesday : Khawl part leiin Aizawl ka kal. Niza inhlawhnaa VMC kan nihnaah Rs 11,000/- ka la chhuak. Niza inhlawhna pawisa Rs 700/- kan dawng. Inchung ten scooty an lei thar. Covid thar 9 an awm. YMA library a dah tur steelrack ka chah thleng.
3rd. Thursday : Paa huan ka han sam leh.
4th. Friday : Paa huan ka han sam leha, ka zo. Zanah chanchinbu chhutnaah ka kal. Hei hi January ni 15 hnua kan chhut lehna hmasa ber niin board kan indin thar leh hnua kan chhuah lehna hmasa ber a ni bawk. Hrikai thar 14 an awm.
5th. Saturday : Inah ka awm nileng. Paa hnen atangin ka huan sam hlawh bang, Rs 9,300/- ka dawng, ka lawm hle. Thenawm, Pa Rinate chhung chu hri lak atangin an dam ta. Hrikai 12 an awm. Nu Tlani chu Durtlang damdawi inah dahluh a ni.
6th. Sunday : Chhunah Damvengah ka chhuak zuai tihloh chu ka tawm nileng. Thenawm, U Mazuala chu hri lak atangin a dam leh ta.
7th. Monday : Huanah antam chi ka va la a, tlem ka sam nghal. Hrikai 6 an awm. Zanah LIDCAS OB te Vice President, C. Parmawiate inah kan committee a, kumin chhung OB turin heng mite hi kan ruat nghal:
President : Lalchhanhima Varte
Vice President : C Parmawia
Secretary : Lalduhsanga Renthlei
Asst. Secy : Zonunsanga
Treasurer : R Lalsawmliana
Fin Secy : C. Lalthlengliana
Ka president leh dawn avangin ka lawm hle. Committee banah Sawmtluangate inah niza inhlawhna chungchangah hming ka zik sign. Hrikai 10 an awm.
8th. Tuesday : Loah balhla ka va tuk. Panhnah hmun tlem ka sam nghal. Atei Aizawl a kala, a riak nghal. Hrikai 7 an awm. (Met)
9th. Wednesday : Chhunah LIDCAS thilah Rinchhan vengah pipe kan zuk la. Pa Rina (saser) a thi a, ka hriat veleh kal nghalin vui thleng ka va awm. Heta ka awm lai hian Pu Taivela, Rinchhan veng a thi ve leh.
10th. Thursday : Huanah bean hmun vel kha fur thlai vel siam nan ka va tifai. Zanah Pauthianate inah ka fb thalo ka va siamtir.
11th. Friday : Huan ka va sam leh. Zanah chanchinbu chhutnaah ka kal.
12th. Saturday : Inah ka awm. Pca hnenah bike siam turin ka dah. (T. Buala ka hmu.)
13th. Sunday : Hrileng avangin inkhawm a awmlo. Chhunah Tetea leh Asangate inahh leh zanah UAteate inahte ka leng.
14th. Monday : Loah thlai hmun samin ka ruaklut. Neihbawia mi huan enkawltu chu thlamah thi a hmuh a ni a, Bawngkawn PS hrilh a nnih hnuah kuang nen ruang hi dahthlak a ni.
15th. Tuesday : Ka hna ngai ka thawk leh a, ka haw. Zanah kohhran finance commuttee te kohhran committee room ah kan comtt. Atei Aizawl a kal.
16th. Loah nimin lama ka hna te chhunzawmin ka riaklut leh. Zanah U Darate thlamah ka lengphei.
17th. Thursday : Ka hna ngai ka thawk leh a, ka riak leh bawk. Internet atanga phone civer ka chah chu a lo thlenga, ka lawm hle.
18th. Friday : Ka hna ngai ka thawk leh a, ka haw ta. Tlai atangin LIDCAS thil tur buaipuiin Athlaa workshop-ah ka kal. Kan peih tlai deuh avangin chanchinbu chhutnaah pawh ja kallo.
19th. Saturday : LIDCAS ten Berhvakawna Kawlawia lung chu kan zuk hung a, chhinchhiahna kan siam nghal. Sairang lamin an rawn ta chei chungchanga chhinchhiahna an rawn tar chu kan tih chhiatsak nghal. In thlen veleh Ni Sangpuii fapa thih thuin min deng nghal. Vui thlengin ka va awm ve. Atei Aizawlah a riak thla.
20th. Sunday : Zingkarah kumin atana hnasa ber turin Pathian ram ka lakhawma, heihi chawhnuah comittee room-ah kan chhiar zui. Chhunah Ateate inah kan huan zau OB te kan comtt. Chairman, Atea nen chiah kan kal. Social Reform & Action Committee ten zanah chhungtinte mahni ina tawngtai hun an buatsaih chu kan lo hmang ve.
21st. Monday : Huanah mau ka va sat. Zanah Library sub-commt. YMA te library building-ah kumthar duan committee kan nei. Atei a lo haw leh ta.
22nd. Tuesday : Loah banril turin kan meihawl rawh laia kan thung kih, lungli chu ka va hem phel.
23rd. Wednesday : RCa nu, Damveng chu kal thalo avangin UPHC-ah a thi. Nimin lamah ka chauh deuh avangin inah ka awm. Nanunga birthday a ni a, ka ngai hle.
24th. Thursday : Loah banril hem turin ka riak lut. Vawiinah erawh chuan luhka ka siam rih thung. Jan huan siamna chu Pu Dingluaia ram a lo ni daih mai. Zialo ka ti hle.
25th. Friday : Banril chu ka hem chhunzawm taa, ka riak leh. Lalaman nupui a nei.
26th. Saturday : Ka hna ngai ka chhunzawma, ka haw. Ka lehkhabu chhiar lai chu ka chhiar chhuak ta.
27th. Sunday : Hripui avangin inkhawm a la awmlo a, inah ka awm nileng. Kristian Tlangau January issue ka chhiar chhuak.
28th. Monday : Kan huan siamna Pa Faka ram nia kan ngaih, Pu Dingluaia ram lo ni ta chu ram neitu, Pu Dingluaian ramri thlenga tifai tura min ngen angin a hmar lam ka va sam leh.
1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e. Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni. Feh haw'n kawngah lah hmeichhia chuan em khatin in lam mamawh an phur haw ...
Comments
Post a Comment