1st. Saturday : Chawhmaah kan inkhawma, chawhnuah Ni Biaki kan zu tlawh. Zanah ka inkhawm leh bawk. Covid kai mi 17 hmuh a ni. VCP, Pu Ropuian kan in luahtute damloh avanga inluah man min rawn pek sak a tum chu ngaihdam kan lo tum hrim hrim avang leh midangin an pek lo dawn kha zialo kan tih deuh bawk avangin kan lo dawng duhlo. Zing chaw ei dawnin Maawmi rawtnain tawngtaina ka hmang. Hetiang hi kan hmang khat hle.
2nd. Sunday : Chawhmaah Sunday School kan kal. Pawl siamrem ni a ni a, pawl no 5 naah Joseph a pawl kan ni. Senior department atangin mi 12 an rawn insawn chho. 13 tur anni a, pakhat a kallo a ni. Hripui avangin Sunday School hi upa bial thena chawhma/chaw.hnu tiha then a ni a, Chawlhni tin a inchhawka kal tura ruahman a ni. Mahse, naktuk atang chuan hri avang bawk hian inkhawm a awmlo leh hrih dawn a ni. Ka article ziah lai, December ni 29 a ka ziah tan, 'Kumthar thutiam ka ti hlawhtling' tih chu ka ziak zo ta. Covid hri kai mi 6 hmuh a ni.
3rd. Monday : Pu Zatluangate in saknaah ka inhlawh leh. VLTF te chuan kan khuaah hri kai kan pun chak em avangin zanin zanlai atangin Chawlhni zan thlengin khawpum lockdown an puang. Covid hrikai mi 19 hmuhchhuah a ni a, covid avang hian Remsiampuia (39) s/o Vannguri, Arpu (Thlertawi veng) chu ZMC-ah a thi. He diary bu hi ka lei. (Ka ziah thinna lehkhabu)
4th. Tuesday : Huanah thlai chi ka va la. Mi pariat chyan covid an kai. YMA Committee member a ruatna massage ka dawnga, ka lawm hle.
5th. Wednesday : Awm fangin inah ka awm. Covid hrikai mi 13 hmuh a ni.
6th. Thursday : Dawngite huan sam tumin ka kala, khawl a nun hleihtheihloh avangin ka haw leh tawp. Liana ka siamtira, a tha leh ta e. Huan hi Rs 3,000/- in ka theka dawn a ni. In luahtu ten an damloh avanga sum lama harsatna an tawh avangin in an chhuahsan. Covid hri kai 2 an awm.
7th. Friday : Zingkarah in ka va enfel. Chawhmaah Au scooty in Zarkawtah khawl part ka zuk lei. Chawhnuah Dawngite huan chu ka han sam tan. Khawl part a chhiat leh avangin chemin ka sam tawp. Khawl part chhia hi nimina ka zu lei kha erawh a nilo. Hri kai thar 17 an awm.
8th. Saturday : Dawngite hyan ka han sam leh. Pa Lalthawma a thi. Covid hrikai mi 21 hmuhchhuah a ni.
9th. Sunday : Zingkar leh chawhma lamah ka leng zawka, a bak chu inah ka tawm nileng. Covid hrikai mi 6 hmuhchhuah a ni.
10th. Monday : Dawngite hyan ka han sam leh. Khawl a chhiat leh avangin kutin ka sam nileng deuhthaw. Ka zo theia, ka lawm hle. Covid hrikai mi 9 hmuh a ni.
11th. Tyesday : Zingkarah Aizawl bazarah khawl part ka zu lei. Hawn lamin Theihaingawah bike a chhia a, tlaiah ka va nawr haw. Chhunah YMA ten community hall-ah kumthar kan duang. Library sub-committee chairman-ah min ruat leha, Sangzeli chu Secretary a ni leh ang. Covid hrikai mi 5 hmuh a ni.
12th. Wednesday : Pa Faka huan kuminah siam leh kan tum avangin ka va vat.
13th. Thursday : Ka huan vah ka va chhunzawm. Bean chi ka la bawk. Pa Rema a thi. Atei Aizawl a kal.
14th. Friday : Ajona nupui neihnaah kan nupain kan kal. Maawmi fatu puituah a tanga, kei inneih inkhawmah leh mo lawm inkhawmah ka tel thung. Present atan thingpui inno paruk (dozen chanve) kan pe . JCa lu ka mehtira, Maawmin min dum sak nghal. Zanah chanchinbu chhutnaah ka kal. Hei hi kumhluia kan hun tawp tur a ni. Kumthara enkawl tur kan la inruat fel hma chu enkawl zui tura tih kan nih avang a ni. Hun tawp ka thleng thei hi ka lawm hle. 'Kumthar thutiam ka ti hlawhtling' tih article chu ka dah. Kum khat zet kan enkawl manah Bible kan dawnga, ka lawm hle. Chanchinbu chhutna atanga kan hawn hnuin 2022 editorial board tur an rawn sawia, ka editor leh dawn. Ka lawm hle.
15th. Saturday : Loah ka va feh a, bamboo link kawng tur vel ka en fel. Thlai tlem azawng ka la a, kuhva hmun tlem ka sam bawk. Zanah Ateate inah ka leng
16th. Sunday : Tlaiah Paate huan sam turin Motaluiah amah nen ram kan han en.
17th. Monday : Paate huan chu ka hann sam tan ta. Covid hrikai mi 40 zet hmuhchhuah a ni a, ni khat thil thua hmuh tam ber tum a ni. Lal Denny-a, Tlangveng, ka kid hlui chu ril TB avangin a thi.
18th. Tuesday : Paa huan ka han sam leh. Covid hrikai mi 11 hmuhchuah a ni.kan kohhran year book kan nei thara, ka lawm hle.
19th. Wednesday : Paa huan ka han sam leh. Covid hrikai mi 13 hmuh a ni. Pu C. Lalmawia, Mahlimi pa, Tlangveng chu cancer avangin an inah a thi.
20th. Thursday : Paa huan ka han sam leh. Covid hrikai mi 12 hmuhchhuah a ni.
21st. Friday : Ka hah deuh avang leh chanchinbua thu chhuah tur ka duh avang te, gas a lo thlen avangtein hna ka thawk lo. DC chuan Sihphira hmun thenkhat chu nizan atang khan containment zone-ah min puanga, Sihphirah chuan hei hi tlai dar ruk atangin kalpui a ni. Hei hian min huam vea ni. Hri kai mi 18 hmuhchhuah a ni.
22nd. Saturday : Containment zone kan nih avangin inah kan awm nileng. Hri kai mi 21 hmuhchhuah a ni.
23rd. Sunday : Containment zone kan nih avangin kan tawm nileng. Kan kohhran yearbook ka chhiar chhuak. Hri kai mi 19 hmuhchhuah a ni.
24th. Monday : Containment zone chhunga awm te tan mass test hmun liah neih a ni a, keini chuan Twin Market-ah test hi kan nei. Kan result a tha a, kan lawm hle. Thenawm nula, Lindai chu positive zingah a tel. Mass test atang hian mi 18 positivean awma, heng zinga pahnih hi hnamdang, hnathawka rawn awm leh HSS zirlai, Venghlun lam mi te an ni. Tichuan, containment zone pawn a mi te nen hri kai 33 an awm a ni.
25th. Tuesday : Zion venga kan ek in bang dap ka va thlak. Dapin a daihloh avangin ka la zolo. Hri kai mi 27 hmuhchhuah a ni. Inchungten an huan hla, hmana kan siam ve na kha an hralh.
26th. Wednesday : Ekin ka va siam chhunzawma, ka zo.Hri kai mi 22 hmuhchhuah a ni.
27th. Thursday : Paa huan ka han sam leh.
28th. Friday : Paa huan ka han sam leh. Hlawh Rs 5,000/- ka dawnga, ka lawm hle. Tun Chawlhni lo awm tura section YMA inthlan lo awm turah nomination list 10 zingah ka tel ve avangi ka lawm hle. OB nilaite bakah executive member te ruatchhuah kan ni. Pu Rengzika (78), Tlangveng, ka nu causin chu covid leh cancer avangin ZMC-ah a thi. Hrikai mi 32 an awm. 'Sentlang chanchin 1848-2020' by D. Rothanga ka chhiar tan.
29th. Saturday : Paa huan ka han sam leh. Covid hri kai mi 7 an awm.
30th. Sunday : Chawhmaah section YMA OB thlanna pakhat, Twin Market-ah vote ka va thlak. Au Sawma, VKa, Arema, Duha, Dawngtea leh Ajonate ka thlang. Dawngtea leh Ajona te chiah ka thlang tling. Tling dang te chu, Dika, Andrew, Manghaki leh keite kan ni. Ka tlin ve leh avangin ka lawm hle. Zanah conference hall-ah chanvo kan insiam rem nghal. Hetiang hi kan post tur a ni:
Leader : Tv. R. Vanlaldika
Asst. Leader : Pu M.S. Dawngliana
Secretary : Pu Lalzawnsanga
Asst. Secretary : Tv. Andrew Lalnunfela
Treasurer : Nl. Lalramnghaki
Fin. Secretary : Pu Lalchhanhima Varte
Lalchana fapa, Lalnunpuiate chu in luah turin chabi kan pe. Covid hrikai mi 8 an awm thar. Lindai a dam leh ta.
31st.Monday : Paate huan ka han sam leh. Zanah section YMA OB hlui leh thar ten Treasurer thar, Manghakite inah charge kan inhlan. Asst. Leader thar, Dawngtea nen charge kan inhlan a ni. Covid hrikai thar mi 38 an awm. Heng zingah hian thenawm, Pa Rina te chhungkaw zing atangin Petera leh Lindai (a ni hi chuan a dam chauh avangin a test velo) tihloh an tel vek. Thenawm lehlam, U Mazuala a tel bawk.
1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e. Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni. Feh haw'n kawngah lah hmeichhia chuan em khatin in lam mamawh an phur haw ...
Comments
Post a Comment