Skip to main content

SEX

 


Sex tih hi JF.Laldailova English - Lushai Dictionary chuan 'Chi, a nu emaw, a pa emaw nihna, zahmawh lam chanchin' tiin a sawifiah. Mizo te chuan zahmawh sawina-ah kan ngaih deuh ber avangin mihring pangngai chuan zir leh chuan ngailo a, thiam sa-ah kan ngai deuh ti tih niin a lang. Mahse, hriat ngai ve tak mai a ni a, chutih rual erawh chuan zahthlakah kan ngai lawi si. 


Social media a lo than duan tak viau hnu hian Mizo hmeichhe zingah mahni inzuar kan tam zia a hriat a, mipa lam lah in kan pan hrehlo hle niin a lang bawk. 


Hmeichhe inzuar mah tih nak alaiin mipa inzuar te pawh an awm ta hial mai. Hmeichhe inzuar pantu zingah pawmlai nei an tam hle nia hriat a ni a. Chutih rualin mi pawmlai (hmeichhia) pawh midang kawp hrehlo kan awm nual niin a lang bawk. Mipa leh hmeichhe sex hmang hi chu a la hriatthiam theih. Anpui kawp pawh kan tam ta hle mai hi a zialo khawp mai.


Pi pu hun ata tawh thuamhnaw kan neih ang ang te kha zahawm taka silh thin a ni a, a pawimawh lai khuh loh palh an hlau hle thin. Hman deuh khan Mizo hmeichhe zaithiam pakhat chu a video a a taksa a lan tam deuh avangin kan helh hle a nih kha. Mitin deuhthaw in fon changkang kan neih tak hnu hian taksa lang tam chu sawi loh, saruak ngalngata inlan ngam leh a film ang em chuan 

la awmlo mah se

sex hmang lai thlenga hmuh tur a awm ta. Video call hmanga in show na te pawh a awm ta nual mai. Hmel langin 500, langlo in 200 tih ang chi phei chu en sen loh a awm a ni ta ber e.  


Pathian chuan inthlahpunga leilung luah khat turin Abrahama hnenah thu a thlung a, (Gen 15:5) chumi atan chuan sex hi a pawimawh ber a ni. Chuvangin, nawmchenna atana siam a nilo tih hriat a, nupa kar a nih loh chuan  sual lian tak a ni tih hriat a tul khawp mai.


Mahni inhrikthlak (masturbation) hi a tam zawk chuan kan ti tawh hlawm ngeiin a rinawm. Hriselna atan a pawi nia sawi an awm rualin pawi lemlo a sawi an awm bawk. Sual a ni em tih chungchangah pawh ngaihdan a inang lo leh hle. Kawppui te ni chiahlo suangtuahna hmanga inhrithla kan ni tlangpui in a rinawm a, thusawmpek pasarihna 'I uire tur a nilo' tih leh sawmna 'I vengte nupui chu i awt tur a nilo' (Gen. 20:14&17) tih atang hian rem min tih saklo a ang khawp mai.


Hnamdang (Sap) in sexy an tih leh Mizo ten sexy kan tih hi a danglam hret niin ka hria.  Sap in sexy an thlanna vela mi te hi keini chuan sexy em em pawhin kan hmu lemlo thin a nih hi. 


Sexy chu a hun leh hmun a zirin a danglam thei niin ka hria. Pathianni tuka nula, an puan bih kara an chawn lo lang hai hai mai te hi an sexy em em a, mahse, tuipui kam vela nula kekawrte leh bra ne'na an awm te hi a nih dan tur ni'a ngaiin rin ai tak chuan kan hmu sexy leh chuang hleilo a, a mak ve khawp mai. Tuichen sawi takah chuan mak ka tih ve mai mai chu kan ramah chuan mipa chu kekawrte nen kan cheng mai a, hmeichhia erawh kawr pangngai ha chungin remlo takin an cheng thin. Ramdangah erawh mipa chu kekawrte nen chuan zahthlaka ngaih a niin, kekawrbul (boxer) nen kan cheng thin a nih laiin hmeichhia erawh kekawrte leh bra nen dawrawm takin an awm leh daih lawi sia!


Pathian chuan sex hi nupa kar chauha hman tura a tih a nih thu kan sawi tawh. Hetih lai hian nupaa insiam hmaa sex hmang kan tam khawp mai. A tu a mah hi an virgin kan in rin sak manglo hial a nih hi. Mipa phei chuan virgin te pawh zahthlakah kan ngai rum rum hial a nih hi. Di neihloh avanga Pawla sai hlau tu te kan ni miau a, thilmak vak pawh niin a langlo e. 


Pawmlai nei thenkhat lah midang hmanpui chhin chak reng renga khawsa an awm bawk a, hetiang vang hi ni maw natna thalo pui pui a darh nasat phah hle a nih hi.  


Sawi tak angin sex hi nupa kar chauha hman tur a ni a, chuti a nih chuan virgin ngeia nupui pasal neih tur tihna a nih tak chu. Virgin tih awmzia chu mipat hmeichhiatna la hmang lo tihna a ni ang chu. Mipa virgin leh ginlo hriatna hi kan hre larlo khawp mai a, hmeichhia erawh an serh chhung a hamda thler leh thler lohah a innghat thung. Hmeichhe infiammi hi an virgin hleitheilo ni'a sawi a awm a, sex hmang tawh si virgin leh theih dan   a awm ni'a sawi a awm bawk.


Tunhnaiah Brazil nula, Japanese thisen kai, Ana Otani chuan a hymen chu in zaina hmang a siam tha lehin nula virgin a ni leh ta ni awma sawi a ni a, a virginity chu a duh apiang tan chhan theih turin sum chawi a lilam a tum ni'a sawi a ni bawk.


Virgin chu Mizotawng chuan sex la hmanglo tihna a ni a, infiammi tan virgin a har thu kan sawi chungchangah khian an hamda chu lo thler ta pawh ni se, a nihna takah chuan inpawlna avanga thler a nih loh avangin virgin hlohah ka ngai lemlo a, Brazil nula-i'n a thiltih chhan chu khawvel mipa te zingah vawi khat tal virginity hawn chak an tam zia a hriat vanga duhsak taka a tih ni'a sawi a ni a, a inzai avang maia hamda phui leh a nih avangin a hlutna ka hrelo a, virgin ang in ka chhal bawk heko. Virgin hi a hluin chhuan tham pawh a ni na meuh mai. Sex la hman loh avanga virgin hi a hlu hlu leh zual.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more