Skip to main content

KAN DAN SIAM BAWHZUI CHUNGCHANG

  (Sawiremtlang editorial)


Chhungkua, khawtlang leh ramah roreltu kan awm thin a, kohhran leh khawtlang ang pawhin roreltu mahni theihna zawnah theuh pawh kan nei vek mai. Thenkhat vung taka kal kan awm laiin dam dapa kal kan awm bawk. Vung a tul chang a awm anga, dam dapa kal a tul hun pawh a awm thei ang. 


Engpawhnise, kan awmna pawl/ram thatna turin theihtawp in ro kan rel thin. Chu kan thu rel te chu kan ti em, bawhchhia te an awm em tih chu hruaitu theuh te mawhphurna a ni awm e. 


Thla thum thla li vel liam ta khan kan khawtlangah ruihhhlo tam tham tak chu mi pahnih hnen atangin man a ni a, khawtlang hruaitu te pawh an thinrim hle a nih kha. An laka hremna atan thla ruk chhung an in a lut theilo tura kalhsak an ni a, pawikhawihtu ber, tanina lut te pawh tanin atanga an lo chhuah tikah an lo chhuah atanga kum hnih chhung Sihphir leilung rap lo tura thupek an ni nghe nghe. 


Tunhnaiah man tawktu zinga pakhat chu khawchhungah hmuh a ni a, VCP chuan rang taka (a nupui te awm lailawkna-ah) kalchilhin a zilhhau a, Sihphir khua leh a ramchhung a chhuahsan hun chhung tur kumhnih tih chu tunkar Ningani atanga chhiar ṭan leh tur anih thu leh an in pawh Ningani atanga kalh anga chhiar tan leh a nih bawk tur thu te hriattir a ni bawk.  


Hetiang thupek, zawm mang silo hi a awm ta fo a, tuna lo kir tuma pawh hian palzam theih a inrin avanga hetianga rawn lut ngam pawh hi niin a lang. Kan khawtlang hruaitu ten rang taka bawhzui nghala, an rorel an kaltlang pui ngam hi a lawmawm takzet a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more