Lalchhanhima Varte

   Fur khua a ni a, kan kawng te chu a kawi hneh thei hle. Khawchhung kawng pawh heti a nih chuan kan feh kawng phei chu turu tak hi a ni ringawt. Kawng a nal em avangin khawchhak ho iangin bike ke-ah chuan chain te ka vet ve a, a ziaawm viau. Hetianga tih a that na na na chuan a ke thar vuah mai ila a fel mai ang chu tih ka ngaihtuah chhuak a, a ke thar nen chuan kawng nalah pawh ka tang talo.  Hetiang a nih tak avang hian ka confi. ta hle mai. Ka tluk fo na hmun ka thlen chuan a ke thar ka vuah alawm le tiin speed down hlek lo a ka'n tlan mai chuh. Ka thal chiang teh e. Ke thar ka neih tak avanga chapo ka ni a, ka nat phah ta a ni. Titanic lawng lian chetsual thu kan hre hlawm ngei in ka ring. A hun laia design leh technology thar ber ber hmanga thuam a nih avanga "Pathian meuh pawhin a ti pil theilo ang" an tih hial he lawng lian tak mai hi British passenger lawng a ni a, mihring 2200 chuang lai phur thei a ni. April 15, 1912 a England (Southampton) atanga USA (New Yor...

  (Sawiremtlang editorial) Mizo te hi inchawimawi hreh tak kan ni thin. Tunah erawh a phute chawimawi kan uar ta hle mai a, thil lawmawm tak a ni. Kawng hrang hranga mi hlawhtlingte chawimawi hi a hlu a, chawimawi an nihna hian anmahni-ah phurna nasa tak a thlen theih avangin inchawimawi tawn fo hi thil tha tak a ni. Nizanah YMA lam chuan zirna mai bakah infiamna lama State leh National Levela Medal la chin te, kut hnathawk hlawhtling te bakah zirna kawnga Gold Medalist te leh hna hmu thar te a chawimawi a, khang chawimawi takte khan an phu hlein a hriat nghe nghe. Chawimawina dawngtute an lawmpui awm hle mai a, an kal zelna turah hlawhtlinna ropui zawk chang chho zel turin kan duhsak e.

  (Sawiremtlang heading) Nimin, Zirtawpni zan khan Rohrenga hall-ah Education Sub comtt bultumin HSLC leh a chung lam pass tha te leh Sihphir khuaa kawng hrang hranga mi hlawhtling te chu branch YMA chuan chawimawina a hlan. He hun hi Nl Ruth Lalhmingmawii leh Tv Lawmsangzuala, Education sub-comtt member te chuan an host a, Nl C. Vanlalduhi Education sub-comtt.member in hunserh a hman leh hnu in Pu R. Lalngentluanga, Chairman, Education sub-comtt. chuan inlawmna thu a sawi bawk.  Tv C. Lalremsanga, secretary, Sihphir branch YMA chuan report & introduction hun a hmang. Report a a lan danin Sihphir branch YMA hi March ni 24, 1938 a din a ni a, tunah hian member mipa - 1506 leh hmeichhia 1344 (tt 2850) kan awm mek a, Life member 65 kan awm mek bawk. Section hi pali-ah inthenin sub-comtt. 12 a awm bawk. Hemi zan hian Tv Lalnunhlua, MPS chuan fuihna thu a sawi. Tv Hlutea chuan thusawi tura sawm a nih avanga chang sang a intih thu sawiin a lawm hle thu a sawi hmasa. Hlawhtlinna ...

  1st. Sunday : Chawhmaah Sunday School kan kal. Atei Chhantea te inah a riak leh. 2nd. Monday : Huanah mai kan va lo a, bawrhsaiabe hmun tlem kan thlo bawk. Ruah a sur avangin kan thlo tam hranlo hle. Thlam leh tuikhuah vel chu a bula thing tlu in a lo tui chhe nual tih kan va hmu a, pawi ka ti hle. Atei Chhantea te inah a riak leh. 3rd. Tuesday : Huanah thlam chung ka va thlak. Hlo ka thlo nghal. 4th. Wednesday : Zingkarah Rohrenga hall-ah Gram Sabha neih naah ka kal. Pu Vala huanah Dinga nen bawk kan riak lut leh. Atei chu a haw leh ta. 13/5 5th. Thursday :Ka hna ngai ka thawk leh a, khawl a chhiat avangin kan pahnihin chemin kan sam. Kan zo ta chiahlo naa, a man a lo zawh theih tur thu a sawi avang leh hna a tam tawhlo bawk nen Pu  Vala bulah ka sawi laklawh bawk si avang ten ka haw. Ka tlai deuh avang hian ka inkhawm lo. 6th. Friday : Huanah mai vai pahni thlai hmun kan va thlo. Zanah chanchinbu chhutna, Sawemtluanga te inah ka kal. 7th. Saturday : Huanah sawhthing ka va ...

  1st. Thursday: Huanah mai hmun ka va thlo. Zanah ka inkhawm. Bawngkawn Shalom KPP ten min rawn tlawh. (Anni hi nikum lam khan kan veng hian an lo tlawh taeh a ni. Ka kal velo) Chuan, inkhawm zat hi chhiar a nilo a, Rs 20/- ka thawh ve. A vaiin Rs 2530/- a ni. Inkhawm banah sihphir in a hmasa ber atan Pro volleyball an khel en tumin Pu Rozuala te inah kan kal a, pay a lo ngai a, an lo thiam silo. Ka thunrim hle. Match hmasa ber en chak nak alaia. 2nd. Friday: Huanah mai leh bawrhsaiabe hmun te ka va thlo. Ka zo. Thuanten an lo buaipui tawh avangin chanchinbu chhutna-ah ka kal lo.  3rd. Saturday: Hna ka awl thawn tak avangin inah ka awm. Ka lehkhabu chhiar lai chu ka chhiar chhuak ta. (30/3) He lehkhabu hi ka chhar a ni naa, neitu anga insawi an awmloh avangin ka ta angin ka pawm ta mai. 4th. Sunday: Chawhmah-ah Sunday school kan kal a, zanah kan inkhawm leh bawk. YMA chanchinbu, February issue ka chhiar chhuak. 5th. Monday: Loah hmarha hmun ka va thlo. 6th. Tuesday: Huanah th...

  Bus atang chuan Israel point pheia dawr pakhata mi phone hmang lai ka hmu chu ka lawm ngei mai. Sikulah phone chanchin kan zir thin a, Alexander Graham Bell-a'n kum 1875 a a hmuhchhuah a nih thu pawh ka hre ve ngei. Neih chu sawi loh a hmuh ringawt pawh kan in beisei phak loh kha a ni a, hetia ka han hmu mai hi ka lawmna chu sang tak a ni. Hetih laia ka chak ber chu in thlen vat vata, thiante hnena sawi a ni. Ti ve khanglang ila, naupan lai chuan Hmawngkarah tawlailir in thing kan phur thin a, Sethupkawn kawngpui a min a, motor lian a kal tlang theihloh lai kha kan thingphurh thin hunlai chu a ni. Tumkhat kan kal chu sipai motor hi kal tlang theilo zingah a lo tel a, an bungrua te chu tawlailîr chuan kan phurh kai sak ta hlawm. An bungraw zingah hian phone te pawh a tel nawk. Bus atanga inchhunga mi phone hmang lai hmuh ringawt pawha lawm em em khan ka tawlailîr khalh ngeiah phone ka'n phur a nih kha. Hemi tuma ka intihtheih dan tur chu in hrethiam lo zawk ang. Hun a kal zel...

 (Sawiremtlang editorial) Lal, Rohrenga khan Sihphir thalai te hah lutuk tur ngai ngamloin Presbyterian hospital Sihphir a dah tumna awm chu a hnar niin kan hre thin. A hunlai boruak thlir chuan thil awmlo lutuk ni pawhin a lang awmlo e. Hun a kal zel a, MI room (sub-center) leh UPHC te kan nei chho a, mipui pawhin kan chhawr hle a nih hi. Tunah hian Sihphirah damdawi in thar din tuma hmalakna awm mek niawm ten kan lo hria a, hei hi hlawhtling thei se a duhawm ngawt mai.  Aizawl khawpui a chep tawh em avangin khaw dai-ah damdawi in leh department dang te pawh sawn chhuah a ni ta zel a, Sihphir hi khawpui daifema awm kan nih ve avangin Aizawl atanga pan a harsa lo viau. Hmasawnna tam tak pawh kan khaw lama sawn te pawh a la ni mahna. Chuvangin, tuna damdawi in thar din tumna awm mek pawh hi a puitlin theih ngat chuan ram tan thil tha tak a nih rualin sumdawnna hlawk tak pawh a nih ngai a beisei awm.

  Tunkar Thawhtanni khan India ram a sorkar damdawi in tha bik thlang tu, National Quality Assurance Standards chuan kan khaw damdawi in, Sihphir Urban Primary Health Centre (UPHC) chu India rama sorkar damdawi in tha zual zingah a thlang.    Damdawi In tha bik tehna 'National Quality Assurance Standards (NQAS)'-a tling tur hian June ni 27 leh 28 khan Central lam mithiam ten rawn kalchilhin uluk leh fir takin an endik a. Sihphir UPHC hian points 93.93% lai a hmu  nghe nghe.  Hetianga thlan kan nih avang hian   kum 3 chhung kumtin hospital hman tur heng nuai 3 chu kan dawng thei dawn a ni.    Sihphir, Urban Primary Health Centre hi 2013 kum aṭang khan din a ni a, kum 2002 kum khan khatih laia V/C khan PHC an dila, pek kan ni. Mahse, Sihphir hi City area kan nih avangin thingtlang khua te hnena pek ṭhin, PHC hi an entitle loh avangin function thei lovin a awm ta renga, kum 10 hnuah Central sorkar-in khawpui (urban) daifema awmte tan UPHC hi a r...

  1st. Tuesday  : All India Radio, Aizâwl senior announcer (Retired), Pi Lalhmerliani Fânai chu Greenwood Hospital, Aizâwlah a boral. 2nd. Wednesday : Excise & Narcotics Department chuan Champhai district-a Chhûngte khaw bulah heroin gram 71.7 leh a neitua puh, Lalhriatzuali (23), Champhai Tlângsâm nia inchhâl chu an man. 3rd. Thursday :  BJP Mizoram State President thar, Dr K Beichhua MLA chuan Governor, General (Retd) VK Singh chu a chenna in, Raj Bhawan Aizawl-ah a hmu a,  State pachhia leh hnufual tak a nih avangin Mizoram in kawng hrang hranga hmasawnna a neih theih na tur a hmalakpui tur leh tandun pui turin a sawm.  4th. Friday : Excise and Narcotics Department leh Assam Rifles-te ṭang kawp chuan New Dâwn leh Hnahthial inkârah heroin gram 109.08-a rit, chêng nuai 81.81 hûa chhût chu F Lallianzuali (40), Malsâwmtluanga (33), Lalhmunsiami (43) leh Lalmuansânga (25)-te kut aṭangin an man. 5th. Saturday : Archaelogical Survey of India Director, (Monument)...

  1st. Tuesday : VC ho a tlawmngai pawl hrang hrang ten joint meeting a an lo rel tawh angin Pu Lalthlamuankima, Chhanhim Veng In chu thlaruk chhung atan kalh sak a ni. A nupui fanaute hian an kawmchhak a an pi an fin chho a ni. 2nd. Wednesday : MPAC in P&E Deptt. a thawk tur JE a lak thar zingah Tv Vanlalmuanawma s/o Lalhriatpuia, Venglai chu a tel. 3rd. Thursday : YMA Conference Hall, Arpu Vêngah Sihphir khua a Iskut chingtute leh Mission Foundation Movement ten Iskut thar tam leh theih nana thil pawimawh leilung awmdan, Fertilizer hmandan leh rannung chungchang te zir hovin Training an nei. 4th. Friday : Venglai Kohhran hnuaia PES Managing board chu Committee Room-ah an thu a, thlathar lama board member leh staff te ne'na meet hman chungchang an rel. 5th. Saturday : Pi Thangmawii, kum 89 w/o Taivela (L), Rinchhan Vêng chu a chenna Inah awmlaiin a boral. 6th. Sunday :   Presbyterian kohhrante chuan chawhnu leh zan inkhawmah Health & Hospital Sunday an hmang....

  (Sawiremtlang editorial edited) Kar hmasa khan Heading leh Editorial-ah ruihhlo man avanga kan khaw pa pakhat Tan Ina dah a nih thu kan tarlang a nih kha; khami chhunzawm nan khan thla kalta lama Sihphir pa tho man a nih thu leh, Aizawl pa hausa tak pakhat man a nih thu tarlangin, chumi sawi zau nan chuan Sihphir nula pakhat, phai lama awm mek pawhin man a tawh thuin kan chhunzawm kha a ni a. Kha nula kha tu nge a nih a, ruihhlo avanga man a tawk ngei em tih kan chiang bik lo a, tuallai ti ti a kan hriat a ni a, kan khawtlanga ruihhlo chungchang thu thang a tam lai a lo nih ve bawk avangin thu dik a ngaia tarlang mai kan ni. Hemi chungchang atang pawh hian kan thil hriat leh sawi thinte pawh hi thudik a ni ngei em tih hriat chian hmasak a tha thin khawp mai. Tunhnaiah ruihhlo in kan khawtlang leh ram min tibuai nasa hle mai a, uihhlo zuartute hi an huatthlaawm tak zet a ni. A ngawlveite hi chu tu te pawh ni se an sim theih nana tan kan lak a ngai hle a, hun lokal zel tura kan ram...