1st. Monday : Samagra Shiksha Aizawl hnuaia
Grassroot Level Sports Development
bultumin Sihphir Futsal Ground, Arpu-ah Hockey Traning neih tan a ni. Traning hi mi 28 awmin Sihphir mi vek an nia.
Trainer hi Nl. R. Lalsangzuali, Arpu niin Asst. Trainer hi Nl. PC. Lalrambeiseii,
(Numami) Tlangveng a ni bawk.
2nd. Tuesday : Rohrenga Hall,
Kawnvengah Gram Sabha neih a ni a.
He hunah hian ni za inhlawhnaa
kalphung tih danglam awm te
inhrilhfiah a ni.
3rd. Wednesday : Nl Zoramthari (Atei) Bilkhawthlir chu chhungkaw thil pawimawh ti turin a rawn zin. Atei hi Pu Lalchhanhima Varte te in, Venglai-ah a innghat.
4th. Thursday : Vanlalawmpuia s/o Zoliana,
Tlangveng leh Malsawmdawngliani d/o Saidingliana, Kawnveng te chu Presbyterian Sihphir Kohhranah an innei.
5th. Friday : Mizoram Sepaktakraw Association chuan Mizoram State Sports
Council (MSSC) kum 50 tlin lawmna
pualin ni hnih awh tur, 9th Sepaktakraw
Championship 2025, chu YMA Hall-ah an tan.
6th. Saturday : F. Lalhmangaihi, kum 46, w/o Zoramsanga, Kawnveng chu an chenna Inah 'Heart Attack' in a boral.
7th. Sunday : Zan inkhawm hlanin Pu R.Lalremruata, VCP te in chu David Malsawmtluanga S/o Zaliana, Tlang Veng chuan a rawk a, pawisa engemawzat a la.
8th. Monday : F. Zodinsangi leh Lalnunpuia, Tlangveng te chuan Synod hospital-ah a fatir atan naute a nei. Naute hi hmeichhia niin kg.3.540 a rit a ni.
9th. Tuesday : Lalrinzuala s/o Vanlalfeli, Arpu leh H. Lalnunmawii d/o H. Lalrinthanga, Biakin veng te chu Sihphir Kohhranah an innei.
10th. Wednesday :
Pu Zarzoliana, kum 48 s/o Lalthakima (L), Dam Veng chu LRM Hospital, Aizawlah 'Kal tha lo' avangin a boral.
11th. Thursday :
Sihphir khuaa rualbanlo te chu Zoram Êntu Pawl (ZEP) chuan YMA Hall-ah a ko khawm a, hetah hian rualbanlo ten an mamawh azirin thil an ngaihtuah sak theih tur thu an sawi a, hna thawk thei te tan eizawnna tur hrang hrang an ngaihtuah sak theih dawn thu an sawi bawk. He hunah hian rualbanlo mi 35 an kal khawm a ni.
12th. Friday : NSS Sihphir Higher Secondary School te chu Sakawrhmuituai tlâng a bawlhlawh te thian in an hnatlang.
13th. Saturday : RIA te chu kuang siamin an hnatlang a, kuang pakua an siam hman a ni.
14th. Sunday : Presbyterian kohhran hnuaia naupang Sunday school inkhawmpui chu biakin hrang hrangah neih a ni.
15th. Monday : Tv Lalrintluanga, Chhanhim veng Scooty, Chite Venga a hnathawhna quarter kawta a dah chu mi tu tih hriatloh ten an ruk sak.
16th. Tuesday : 20th. Cadet (U-17) National Fencing Championship, Haldwani Uttrakhand a ni 8-13 chhunga neih a Mizoram aiawha feh chhuak, Sihphir fencer pali te chu dam takin an lo thleng leh ta. Heng fencer te hi Coach, Pi Lalmuanpuii, Damveng chuan a hruai a ni.
17th. Wednesday : Pu F. Lalrintluanga w/o Malsawmkimi, Venglai chu pum lam fello avangin Greenwood hospital-ah admit a ni.
18th. Thursday : YMA Hall hulhliap chung a Library Building thar chu Bialtu MLA/Minister, Pu Lalthansanga'n a hawng. Library building hi ZPM, Sihphir Group ten party headquarters atanga inhlawhna an hmuh atanga sak a ni.
19th. Friday : State Bank of India buatsaihin YMA Hall, Tlangvêngah 3 Month Financial Inclusion Saturation, Campaign neih a ni a, Bank kaihhnawiha thil pawimawh
hrang hrang inzirtirna neih a ni.
20th. Saturday : Rohrênga
Hall-ah Sihphir khua a tar pension, hmeithai pension leh Disable
Person te tanpuina Social Welfare atanga la thin te audit neih a ni.
21st. Sunday : Presbyterian Kohhran hnuaia Senior Dept. Inkhawmpui chu Hmarvêng
Kohhranah neih a ni.
22nd. Monday : Sub centre-ah hmeichhia, kum 14-49 inkar tan Health Camp neih a ni a, mi engemawzat in an pan.
23rd. Tuesday
MGNREGS chungchanga Senhri Hall,
BDO Office-a training buatsaihah Pu R.
Lalremruata, VCP leh Pu
Hrangthansanga, VC Secretary te an kal.
24th. Wednesday : World Vision leh Synod Hospital ṭangkawp chuan PES, Venglai-ah sikul naupang zawng zawng tan mit a thlawnin an check sak.
25th. Thursday : J Vanhnuna,
Kum 93,
Pi Lalramliani Vanchhawng pu,
Arpu veng chu ashma avangin an chenna inah a boral.
26th. Friday : IGNOU Regional Centre, Aizawl leh NSS Unit, Sihphir HSS te ṭangkawp chuan Sakawrhmuituai tlâng a bawlhhlawh an ti fai.
27th. Saturday : YMA Evangelical Sub-Committee te chuan Synod Revival Camping Centre-ah intuaitharna an nei.
28th. Sunday : YMA te chuan September ni 19 zana Vailui mawng a chakai tura hraitu, Arpu tlangval pathum chu YMA hall-ah ko in an zilh.
29th. Monday : Aadi Karmatogi Abhiyan hnuaia Tlangnuam block te chuan orientation & workshop BDO Tlangnuam conference hall, MINECO-ah an neia, hetah hian Sihphir atangin VC aiawh 2, YMA, MHIP leh Self Help Group aiawh pakhat theuh leh Prominent citizen, Pu Lalnelawma (Ex-VCP) te an kal.
30th. Tuesday : YMA thlabi committee chu YMA Conference Hall-ah neih a ni.
Comments
Post a Comment