Skip to main content

AADI KARMATOGI ABHIYAN HNUAIA TLANGNUAM BLOCK TEN ORIENTATION & WORKSHOP NEI

 (Sawiremtlang heading tura ruahman, chhuah leh tak loh)


Tunkar Thawhtanni (29th. September) khan BDO Tlangnuam conference hall, MINECO-ah Tlangnuam RD block chhunga khaw 6 te tan kan khua theuhin hma a sawnna tura in tuaitharna neih a ni a, Sihphir atangin VCP, Pu R. Lalremruata hoin khawtlang hruaitu mi 6 an kal.

He hunah hian Sihphir bakah Lungleng I, North Lungleng, Samtlang, Muthi leh Tuiriala khawtlang mi pawimawh te an kalkhawm a, Sihphir atangin VC aiawh pahnih (Pu R. Lalremruata, VCP leh Pu H. Lalnghinglova) YMA (Pu Lalchhanhima Varte) leh MHIP (Pi Lalnunpuii) aiawh pakhat ve ve bakah VO pakhat, (SHG, Pi Lalzarzoliani) leh Prominent citizen, Pu Lalnelawma (ex-vcp) te an kal.

Program hi Pu Robert Vanlalnghaka, APO chuan a kaihruaia, Dr. Lalchamliani, BDO Tlangnuam chuan keynote address a sawi bawk. He hunah hian khawtin VC, NGO, self help group aiawh pakhat theuh bakah prominent citizen te an kal a, department representative bakah master traner te nen hlawk taka hun hman a ni.

Program hi hun hniha then a ni a, chawhma lam hian inhmelhriattirna te neih a nih bakah game hrang hrang hmangin infuihna hun hlimawm tak hman a ni a, chawhnu lamah khawtlang thawhhona kaltlanga khaw chawikanna tura kan hmathlir hrang hrang te sawi ho ni bawkin, department lam atanga kalte atangin sorkar in a tih theih hrang hrang te ngaihthlak a ni bawk.

Aadi Karmayogi Abhiyan hi Tribal Affairs Ministry hnuaia kalpui, tribal mipui hmasawnna leh hruaitute siamna programme niin PM scheme hnuaia mi, India rama mi retheih ten dinhmun tha zawk an neih na tura program a ni.

Program te hman zawh a nih hbu-ah hetiang hian thutiam (pledge) sawi rual a ni :

"Keini, Aadi Karma Yogi te hian, "Inngaihtlawmna leh huaisenna nen mipui rawngbawl turin kan intiam a, Tribal te finna, nihphung leh dikna ngaichang chungın, intluktlanna leh induhsakna nen hlauhna tel lovin hmasawnna lamtluang zawhın an rualin ke kan pen anga, Harsatna tello inzawmna siamın, englai pawha inzır hı kan mawhphurhna leh hmalakna tur a ni."

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more