Lalchhanhima Varte

  1st. Wednesday : Lalbiakzuali, kum 32, R. Lalrinfela nupui, Arpu veng chu Appolo Hospital Guwahati-ah thin thalo avangin a boral. 2nd. Thursday : Tv. Lawmnakima s/o C. Lalhunthara, Rinchhan veng chu India ram pum huap National Skills Competition, Noida-a neihah telin Floristry Category (Pangpar khawi) ah Silver Medal a la. 3rd. Friday : Good Friday a ni a, tualchhung Kohhran hrang hrang te chuan urhsun takin an hmang. 4th. Saturday : Kuang siam sa a tlem tak avangin Rural Industries Association (RIA) te chu YMA Hall-ah a siamin an hnatlang a, kuang 9 an siam. 5th. Sunday : Rev. John Raldosanga, Synod Moderator chuan Sihphir Pastor Bial chhunga Kohhrante a rawn tlawh. Moderator hian kum 2008-2012 chhung khan Sihphir Pastor Bial a lo vawng tawh thin a ni. 6th. Monday : Presbyterian kohhran (hmeichhia) ten Thawhtanni zinga buhfaitham an sem thin chungchangah Sihphir biala hun rei tak kg khat cheng 15/- ni thin chu cheng 20/- a tih san a ni. Hei hi kumin bial hmeichhe inkhawmpuia an ...

  1st. Wednesday : India ram chhiarpui vawi 16-na (Census of India 2027) chu ram chhûng hmun dangte rualin Mizoramah pawh ṭan a ni. Census of India 2027 thawh khatna-ah hian in ding lai leh a chhûnga chêngte dinhmun leh an bungraw neihte chhinchhiah hna (house listing) neiin bul an ṭan a ni. 2nd. Thursday : Mizo Writers’ Association chuan kum 2025 chhûnga Mizo ṭawnga lehkhabu lehlin ṭha ber atân H. Ngûrthansânga lehlin “Second Chance : Israel Narvaez” tih, Darla Milne ziah chu an thlang. 3rd. Friday : Champhai District Police-te chuan Chalbawia Junction, Khankâwn Police Check Gate-ah car pakhata phurh, heroin kilogram 1.860, chêng vaibelchhe 30720000/- hûa chhût; driver Zothangpuia (34), Myanmar; Zokhawthara khawsa mêk leh a chuanpui, Hawiliankhûpa (23), Myanmar, Mêlbûk khuaa awm mêkte phurh an man a; anni rual hian, hemi kaihhnawihah Lalneihthanga (32) leh Lalṭanpuia (36), Myanmar; Zokhawthara awm mêkte an man tel bawk. 4th. Saturday : Mamit District Excise & Narcotics Departm...

 (Sawiremtlang editorial) Kar hmasa Nilaini zan rei lam khan Liando Futsal Gound-ah naupang pathum kum 6-9 inkar vel te chu 'exer kan ka la' tiin an kal a, field bulhnaia awm pa pakhat chuan fello a hria in a hawn tir. Pathianni zing khawvar hma khan Arpu naupang pathum, an insawi danin kum 7 atanga 11 inkar te chu Neihbawi lama an chhungte ina leng turin an chhuak heu mai bawk. An kal thawm hi pa pakhat chuan lo hria in thil awm dan a zawt a, YMA hruaitu thenkhat te berawnin an in lamah dah let an ni.  Heng naupang kan sawi te hi an khawsak phungah thil sual tih tum niin an lang lemlo. Mahse, an chet chhuah hun hi thil kalphung pel deuh nia a lan avanga hawn tir an ni. Naupang te hian nu leh pa emaw a nih loh pawhin enkawltu puitling chu an nei ve ngeiin a rinawm. Heti mai mai a an tal tir a nih chuan anmahni-ah sual tih chakna a lo awm thei a, misual ten anmahni hi an hmang tangkai hlauh thei bawk. Chuvangin, kan tu leh fa te chin hi ngaihven thin ila, pawn chhuak lo tura ti...

  1st. Sunday : Tv Vanhmingliana, Asst. Leader, Sihphir Pastor Bial KTP chu    Aizawl khawpui chhungin a huam Pastor Bial hrang hrang atanga Central KTP Committee 2026 - 2028 tur ruat chhuah, mi 37 zingah a tel a, KTP general conference, Saituala hman mekah Synod Moderator, Rev. John Raldosanga'n Pathian hnenah a hlan. Central KTP Committee member tur hi Synod Inkhawmpuiin ruahmanna thar a siam angin inthlang tawh lovin tun General Conference hman mek atang hian Pastor Bial hrang hrang te an in nih chhawk tawh dawn a, a hmasa ber zinga kan tel hi a lawmawm takzet a ni. Tunhmain CKTP committee member-ah hian Sihphir bial hi kan la tel ngailo. 2nd. Monday : Hmeichhia, kum 14 tling tawh, kum 15 la tlinglo te tan chhûl hmâwr cancer natna venna damdawi, (Human Papilloma Virus) pek beihpui chu UPHC-ah thlak ṭan a ni. 3rd. Tuesday : Pu Lalmalsawma (Sàwmtea) kum 61, h/o Lalmuanpuii, Tlangveng chu Ebenezer Hospital Aizawlah cancer natna avangin a boral.   4th. Wednesday ...

  1st. Sunday : Ningani atanga Saitual a tan KTP general conference chu a tiak. 2nd. Monday : Kanan venga Pu Rina, Mamit inhmun JCB a laih mek chu a chim a, lei laitu, JCB bakah JCB a chuang lai, naupang pathum te chu leimin hian a chhilh. Rang taka chhanchhuah hna thawh nghal a ni a, hliam tenau thenkhat chu awm bawk mah se vanneihthlak takin thi an awmlo hlauh. 3rd. Tuesday : Mizoram history a a hmasa ber ni turin Sairang Sihhmui Rel Station-ah Mizoram mipuite ei tur FCI buhfai phur Rel wagon 42 a lo thleng e. Tunhma zawng chuan Bairabi thleng chauh Rêl hian a rawn phur thin a ni.   4th. Wednesday : K Zoramchhana (56) h/o C Lalbiaksangi, East Lungdar chu an lenna Sailulak a tlang pakhat atanga tla in a thi.     5th. Thursday : Kum 1966 March ni 5-a India sorkar-in Jet Fighter hmanga Mizoram a beih champha, Zoram Ni chu MZP chuan an Conference Hall-ah an hmang. 6th. Friday : An in aṭanga chhuaka  chin hriat loha awm zui ta, JH Sama (86), Thingdawl Hmâ...

  1st. Sunday : Roneihtluanga s/o F. Laldintluanga (24), Lunglâwn, Lunglei chu Mat lei aṭanga zuangthla in a thi. 2nd. Monday : January ni 31, 2026 zân aṭanga chin hriat loha bo, Philip Lalfakzuala s/o Lalramlawma (39), Khumtung khua chu an khua aṭanga kilometre chanve vêla hla kawng thlang leivûng paihnaah thîa hmuh a ni. 3rd. Tuesday : Thingsai Police Station-a thawktute’n Thingsai leh Cherhlun inkâr, New Ngharchhîp panna pêngah Lalêngmâwia (47), Sêrchhîp P&E Vêng leh Lalchhanhima (21), New Sêrchhîp-te hnên aṭangin heroin gram 88.4, chêng 2,65,200 hûa chhût an man.             4th. Wednesday : Central YMA hnuaia ruihhlo do pâwl (Central Anti-Drugs Squad) chuan Aizâwl khaw chhûng hmun hnihah heroin hâwng 30 an man. 5th. Thursday : Ni hnih awh tur, Artificial Intelligence (AI) Regional Pre-Summit, Indian Institute of Mass Communication (IIMC), Aizâwla buatsaih chu ṭan a ni.  6th. Friday : Saitual Police-te’n car pakhat, Champhai lam ...