Skip to main content

DAMPA BIALAH TUNGE TLING ANG?

  (Sawiremtlang editorial)


Dampa bialtu MLA a thih avanga bye bye election neih tur a nih thu kan hre hlawm ngei in a rinawm. Kan bial ni lemlo mah se ram hnuk khawih phak thil a nih ve miau avangin i han thlir ve thuak thuak teh ang. He bial hi MNF bial ni lai a ni a, state-ah ZPM in sorkarna an siam mek thung.


Eng hunah pawh engvang pawhin bye election a awm fo a, chutiangah chuan rorel lai hi an chak tlangpui in a lang. Hei hi rulling lai te innghahna tak pawh a ni thin reng a ni.


Tun tum election-ah hian party panga te an inkhing dawn a ni a, campaign pawh an bei ngawrh tlang tawh khawp mai.


Rulling lai, ZPM atangin Vanlalsailova a ding dawn a, MNF atangin Dr R. Lalthangliana, INC atangin John Rotluangliana, BJP atangin Lalhmingthanga  leh MPC atangin Zaihmingthanga te an ding dawn a ni.  


ZPM candidate, Vanlalsailova hi rulling lai te a ni bawka, chance nei tha ber ni pawhin a ngaih theih ang. A ni hi zai thiam avanga Zoram mi hriat a ni a, Pathian thuhriltu tha tak leh mi invawng tak a ni a, bial chhung mi a lo ni bawk nen mi tam tak it a ni ngei ang tih a chiang. Amaherawhchu, kum 2023 general election a na taka ZPM thlipui a tleh laiin a tling zo lo tlat mai a, term chanve vel chauh la kal mah se sorkar tlin tawk lohna engemawzat a lo lang chho ve tan bawk nen, an thli tleh lai ang em a na kha chuan thli hi a tleh tawh lo maithei. Tin, minister thenkhat in rulling lai vote tura mipui an sawmna lamah an tang mah mah niin a ngaih theih a, hei hian neutral vote tam tak a ti heu thei in a rinawm bawk.


MNF candidate, Dr R. Lalthangliana hi minister pawh lo ni tawh a ni a, term nga lai MLA pawh ni tawhin candidate panga zingah chuan tawnhriat nei tha ber pawh a nih a rinawm. ZPM thlipui na taka a tleh chung pawha an party tlin nawlhna bial a ni bawka, beisei pawh an nei sang hle. INC candidate, John Rotluangliana pawh hi minister pawh lo ni tawh. Mi viak tha leh tawngkam pawh thiam tak a ni a, khawthlang lama lo tal fe tawh a nih na hian mipui vote a hmuh phah nual a ti rinawm. BJP candidate, Lalhmingthanga tun term kal mek,2023 general election-ah khan INC party atanga candidate a ni a, vote pawh thahnem fe hmu in a tling lo ta hlauh kha a ni a, bial chhung mi ve bawk a nihna nen beiseina pawh a nei sang ve hle. BJP hi Mizo te thinlungah chuan an la sang lo hle a, amaherawhchu, hnam chekhnawk awm tamna bial a nih na hian vote pawh a hmuh nual a ti rinawm. Tin, Central lama an sorkarna changchawia an campaign na hian vote a ti sang viau thei bawk ang. MPC candidate, Zaihmingthanga hi party ral lam pan mek niin an la awm tih hrelo pawh kan awm nawk maithei. Hei vang hian mi tam tak chuan vote za pawh hmulo turah kan ngai thup ngei ang. Mahse, thilmak thlengin a tling ve mial thei tho bawk.

  

Sawi tak angin candidate panga te hian campaign an bei ngawrh tawh hlawm hle a, rulling lamin sorkar mek an nihna hmanga tan la in theihtawp an chhuah a, party dang lahin sorkar lai duhkhawp lohna boruak hlawkpui ngei tumin theihtawp an chhuah ve tho bawk. 


Engpawhnise, Dampa bialah hian November ni 11-ah vote thlak a ni anga, ni 14-ah vote chhiar a ni dawn a ni. I lo thlir zel phawt mai teh ang.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more