Lalchhanhima Varte

  (Sawiremtlang heading)   January ni 9 tlai lama Mota lui bula  Quarry chimin a delh zinga ruang hmuh loh awm chhun, Samal Chakma ruang chu Pathianni khan hmuh a ni. Mizo dana ni 7 zet zawn a nih pawha hmuh a nihloh hnu-ah District Level Disaster Management Authority bakah VC leh YMA ruahmanna in zawn chhunzawm a ni a, Pathianni  chawhnu dar 2:20 a ri chiah tihin hmuh a ni ta hlauh a ni. Ruang hi a kutphah bawr a lang hmasa ber a, thlang lam hawiin, bawkkhup zawng, ban phar chhuakin a lo awm a ni. A taksa hi a him tha a, a rim a na tawh tih mai loh chu hmuh hrehawm engmah a awm lo. Samal Chakma ruang hi an chenna in, Neihbawihah luh pui zawk a ni a, chumi hnu-ah YMA Hall-ah UPHC doctor leh staff ten an post mortem leh bawk. Hemi hnu hian Salvation Army CO,  Durtlang in a vui a ni. A vuinna hunah hian khawtlang mipui kan thahnem hle a, bialtu MLA, Pu Lalthansanga chu a rawn tel ve bawk. Tarlan tawh angin Neihbawi a Pu Lalchangliana, Venghlun enkawl lai quarry ch...

  (Sawiremtlang editorial) January ni 17 Inrinni tlai dar 5:00 khan Tv Lalhuapzauva, kum 50 s/o Upa Thanngura ( L), Kawnveng a boral. Lumena a tuk, January ni 18 a vui tur a ni. January ni 18 zing  dar 7 ah Pu Lalrimawia, kum 68 c/o Pu Lalramdina, Tamlo Veng chu a boral ve leh. Chhiat tawk pahnih ngawt kan awm avangin thlanlai tur pawhin tlang kan au hial a nih kha.  Khua a lian ve ta bawka, ni khata ruang pahnih vui hi chu kan nei ve zeuh zeuh a, thil danglam tak pawh niin a lang lo.  Neihbawi lamah quarry chim avangin mi  pakhat a tang mek a, a thih tawh ngei ringin a thlan tur pawh kan lai lawk hial a nih kha. Chawhnu dar 2 pelh hretah hmuh a ni ta a, a ruang a chhiat tawh avangin a zan azana phum nghal a ni. Heti hian ni khat thil thu-ah ruang pathum ngawt kan in vuiliam ta tihna a nih chu.  Kum that kum a nih kan beisei viau laiin January ni 1-ah YMA member pakhat chu ral a ni a, ni 9 na a lo thlen meuh chuan kan la tawn ngai chhiatna rapthlak kan tawn...

   Ka feh haw chu ka nupui hian "Quarry chim kha i hre ve em?" min lo ti nghal. Sarepkawn lama ram nei niin quarry chim mai hlauhawm tak chunga lohtheihlohna avanga kal thin kan ni a, engtikah tak chim ang maw? tih chu kan rilrua hlauthawng taka helama kal te ngaihtuah thin a ni. Chuvang chuan tuna quarry chim chungchang min lo zawh pawh khan khami kha ka tlan zawh hnu khan a chim ta ni-ah ka ngai nghal. Mahse, Mota lui lamah daih a lo ni thung si a nih hi. Engmah ti khawtlai loin ka tlan chho ve nghal. Dar li vela hna bang ka ni a, quarry kha dar thum vela chim nia sawi a nih avangin ka thlen chhoh ve meuh chuan mi an lo thahnem tawh khawp mai.  Quarry chim na bawrah khan mi 7 an awma, a sira chim pheiin an zinga 2 an tlanchhuak hman a, hliam tuar leh tang pahnih ve ve an awm bawk. Hliam tuar pakhat erawh damdawi in panpui a nih laiin a boral thung. Quarry-a chim hian motor pakhat a delh bawk. Ka thlen chhoh hun hi a tlai tawh avangin ruang tang te lakchhuah tumin an lo ...

  (Sawiremtlang editorial) Mizo nambar chhiar danah digit khat hi pa, digit hnih chu sawm, chutiang zelin za, sang, sing, nuai, maktaduai, vaibelchhia, vaibelchhetak leh tluklehdingawn kan nei a, digit 10 aia sang erawh kan hmang tamlo thung. Pa sawm chu sawm a ni a, za sawm chu sang. Chutiang zelin vaibelchhetak sawm chu tluklehdingawn kan ti thin.  Tunhnaiah number, a bikin pawisa tam tham chungchangah nuai sawm/nuai za han tih mai kan ching ta hle. Hei hi sap/hnamdang sawi dan kan copy vang niin a lang. Saptawngah chuan digit thum hi hundred an ti a, hundred sawm chu thousand. Thousand sawm hi sawi dan an neilo nge, ten thousand an ti mai thin. Chu chu Mizo in sing tia kan sawi hi a ni. Sing sawm chu lakh an ti ve leh thung.  Lakh sawm chu million niin trillion - tluklehdingawn an nei leh tawp niin a lang. A awmzia berah chuan Mizo in number chhiar dan mumal taka kan neih lai hian sap ho hian an nei mumal lo tlat thung. Chuvangin, nuai sawm/nuai za, vaibelchhe sangkhat...

  (Sawiremtlang editorial) Hringnunah hian sum enkawl dan mumal tak neih hi thil pawimawh ber pawl a ni awm e. Sorkar department-ah pawh an dah pawimawh ber pawl niin tunah phei chuan kan chief minister in a chang hial reng a nih hi. Sum enkawl thiam chu an dingchhuaka, enkawl thiamloh erawh tlakranna. A pawimawh ber chu lakluh aia tam hman tumloh hi a ni awm e.  Chhungkua mai bakah pawl ang pawhin sum enkawl thiam hi a pawimawh em em a, mi pamham lo leh a ngaihna hria in an enkawl chuan khawsak pawh a ziaawm phah hle thin.  Pawl a lo din hian nihna (OB) post hi paruk kan nei tlangpui. A pawimawh ber awm bik lo mah se financial hi a pawimawh takzet tih hriat a tha. Mahse, kan dah pawimawh lo ber emawni paruk zinga a hnuai berah kan dah a, hruaitu tling thar te post-ah kan dah deuh emaw tih mai tur a ni hial mai.  Thenkhat lah hian treasurer a awm chuan finance hi chu a ti kim tu ang lekin kan ngai niin a lang. Section angah phei chuan pawimawhna neilo ang maiin kan n...

Kum 2015 atan KTP committee member atan ruat ka ni ve hlauh mai a, hemi a nih avang hian a hma kum, December ni 30-ah kumthar duan committee chu Kohhran committee room-ah neiin committee room a ro ka rel ve na hmasa ber a ni nghe nghe. KTP committee member hi kum lama ka over thlengin ka tel chhunzawm a, hemi chhung hian committee peng dang pahnihah ka tel ve leh bawk avangin committee room a rorelna-ah ka tel ve ta fo mai.  December ni 17, 2023 khan committee a ka telna pakhat, Finance committee chuan Pathian ram thawhlawm chhiar pahin kum kalta thlirletna kan nei a, he committee-ah hian a kum lehah ka tel takloh avang leh ka telna peng pakhata ka telloh zui tak bawk avangin committee room hi ka thleng chho ngai ta lo.  Kumin atan hian Kohhran Pavalai Pawl chuan committee member atan min ruat ve hlauh mai a, nizan (12.1.2026) khan thlabi committee hmasa ber chu committee room-ah hian neiin hun engemawchen committee room ka kalloh hnu-ah ro rel nan ka hmang ve leh ta.  Ko...

  *THI LEH PIANG : Nikum  chhung khan Sihphir khuaah nunna chan hi mi  44  zet awm in heng zinga pakhat hi nausen ruhro vek tawha chhar, tu fa nge tih hriatloh niin hmundanga phum pahnih leh khaw dang mi Sihphir thlanmuala phum pakhat an awm bawk.  2025 CHHUNGA SIHPHIR A CHATUAN RAM  PAN TE : 1. Dt. 4.1.2025 : Pu Suresh Bahadur, kum 55, c/o K. Thangliana,  Dinthar Veng (Pu K. Thangliana te bawngpu a ni a, chhungkhat laina a neih awm hriat a nihloh avangin Pu Thangliana te in atanga thlah liam a ni. Chhiatni inkaihhruaina ang erawh chuan  engmah kalpui a nilo thung.) 2. Dt.8.1.2025 : Pi Zatangi, kum 98 Sister of Lalramthanga,  Damveng 3. Dt. 11.1.2025 : Reuben Lalmalsawma, kum 37 H/o Sailopari, Biak In Veng (An in luah a zim deuh avangin a nupui te inpui, Pu Ngurdawla, Tlangveng Inah a ruang hi dah a ni.) 4.Dt. 13.1.2025 : Lalthianghlima, kum 89 w/o Rualchhingi,  Tlang Veng 5.  Dt. 2.2.2025 : Vanlaltluanga, kum 65 h/o Ronghinglovi,...

  1st. Monday : World AIDS Day a ni a, Mizoram hmun hrang hrangah hman niin, a hmanna pui ber, Aizawlah chuan Mizoram State AIDS Control Society (MSACS) bultumin Vanapa Hall-ah hman a ni.   2nd. Tuesday :     National Pollution Control Day a ni a, hemi denchhen hian Mizoram Pollution Control Board hnuaia Environment Education Programme (EEP) chuan Online competition hrang hrang a buatsaih. 3rd. Wednesday : Lai Autonomous District Council (LADC) hnuaia 12th Member of District Council (MDC) inthlanpui chu harsatna lian tham thleng loin neih a ni. Vote hi 83.99 % a tla. Vote tlate hi December 9, 2025 zing dar 8 aṭangin chhiar a ni ang. MDC hi 25 thlan tur a ni a, candidate 80 an awm. 4th. Thursday : Mizoram Governor hlui, Swaraj Kaushal chu kum 73 mi niin AIIMS hospital-ah a thi. Swaraj Kaushal hi kum 37 a nih laiin 1990 atanga 1993 thleng khan Mizoram Governor a rawn ni a, Governor ni thei naupang ber a ni a nghe nghe. 5th. Friday : Ni hnih awh, 15th Mizoram ...

  1st. Monday : Central YMA hnuaia Sub-committee peng pathumah heng mite hi an tel : Sports-Pu Samuel Lalmalsawma, Science & Environment-Pu C. Lalrinawma leh  Training & Youth Affairs-Pu R. Malsawmtluanga  2nd. Tuesday : Sihphir Auto Welfare chuan Sihphir leh Sihphir Venghlun huam chhunga miharsa te tan Christmas thilpek cheng 5000/- theuh - Sihphirah chhungkaw thum leh Sihphir Venghlunah chhungkaw thum a vaiin 30,000/- an sem chhuak.   3rd. Wednesday :   Kum 2026-2027 chhûnga Synod Revival Speaker atan Pu Lalthlengkima Pachuau, Hmarvêng Kohhran chu lâk thar a ni. 4th. Thursday :    Mizoram Music Award ngaihhlut hlawh tak, Lelte Award vawi 34-na sem a ni a, Sihphir Lelte, R. Lalsiampuii (Siampuii Ralte) chuan Female, Best Singer of the Year Award a la.   5th. Friday : Ni hnih awh, Mizoram State Sports Council Golden Jubilee Celebration puala 15th Mizoram State Fencing Championship Multipurpose Indoor a neih chu a tiak. Tuntum hia...