CHAKAI HRAITU ZILH

  (Sawiremtlang sub-heading)

September ni 19 zan khan heng mi Lalduhkima, kum 22, s/o Vanramngaia, 

Vanlalnghaka, kum 30, s/o Zairemmawii leh

Lalrinawma, kum 22 s/o Johana Arpu veng vek te hian Vailui mawng thla a chakai chu tur in an hrai nia hriat a ni. Hemi chunghang hi hria in YMA hruaitu te chuan Pathianni zan khan YMA hall-ah ko in an zilh a, Wildlife (Protection) Act hnuaiah thuneitute hnen a pek mai  rilruk a nih laiin nasa takin ngaihdam an dil avang leh zirna kawngah future nghawng thei tur te an awm avangin zahngaihna sang ber nen vawikhat chance pek nise tih a ni a. Zilhau an nih hnuah vantlang tana thil tha thawk tura tih an nih angin Thawhtanni khan Sawiremtlang hnawmhnawk an thian a ni.

Anni bawk hi Thawhtanni zan khan VC te chuan ko ve leh in chakai hraitu dang, Vantea c/o Tluangtea Tlumang leh Lalrama c/o BM Vanlalhruaia, Zion veng te an ko tel bawk. Anni panga hi cheng 500/- theuh chawi tir an ni ta nghe nghe.

Mithiam te sawi hmangin chakai hrai sa kan ei hian a thatlohna a lang nghal mai lo a, muangchangin a langchhuak thin nia sawi a ni. Tin, hrai hlima man ai mah hian a tuk lama man te hian tur kha an dawng hnem zawk nia a sawi a ni leh zel a, chuvangin, a hnu a chhit tu te tan a hlauhawm zawk mah tihna a nih chu.  

Hetianga khawtual mi ngei ten kan lui an hrai duh mai hi an dem awm takzet a, anmahni ngei pawh hian he zilhhauna hi sim phah nan hmang se, midang te pawhin hei hi hreh phah nan hmang thei ila a duhawm khawp ang.