Skip to main content

BERHVAKAWNAH PU HRANGSAVUNGA THI A HMUH A NI



Kar hmasa Inrinni khan Pu Hrangsavunga w/o Zaithanmawii (L), Dinthar veng chu an lo mawng a kawrah thi a hmuh a ni. Pu Vunga hi Thawhlehni khan lo halin a riaklut a, lo hal zawh pawhin an ram kang vel pawh hi an thlir nghe nghe niin a ri pa chuan a sawi. Pathianni kal ta a Thenzawla an kohhran inkhawmpui naa kal ve tum a in buatsaih lai a ni a, inkhawmpui kal dawn hunah pawh a lo hawn mai loh avangin a chhungte ngaih thalo chuan an ram bula JCB hnathawk mek te chu chin ngaihven turin an tir a, an zinga pakhat in thlam an va en chuan thlam chu inhawng in leh Pu Vunga thil lo awm deuh vek in amah erawh hmuh tur a lo awmlo thung. Tui a chawi a nih ringin ngaihthatlohna pawh nei lemlo in a let leh mai a. Amaherawhchu, a chhungte ngaih a tha thei tlatlo. Chin ngaihven nawn tur leh zau deuhhlek hawi tura an ngen leh hnuin JCB enkawltu te chu an pahnihin an thawk chhuak ta a, an ringthar/kangvar mawng lamah mihring niawm tak mu an hmuh chuan amah a nih ringin hmanhmawh takin an chhuk a, a bul an thlen nak chuan chhan tlak a lo awm tawhloh thu an chhungte an rawn hrilh ta a ni.


V/C, YMA hruaitu te leh an chhungte V/C house-ah an thukhawm nghal a, hmalak dan tur te an ngaihtuah hnuin mahnia chesual nia rinna a awm avângin  police hriattir loh mai nise tih a ni ta a ni.


Chanchin hriat a nih veleh mi tlawmngai te Kawnvengah an chhuakkhawm nghal a. Motor thawh chhuahpui pawh engemawzat an awm. A thleng hmasa ten puanin a khuh nghal a, khawtlang hruaitu ten ruang la chhuak tura an tih hnuin dar 9:15 velah a ruang khawih chet a niin kawr dung zawhin tuichawina kawng lam atangin thlam lamah zawn chhoh a ni a, a taksa te enfel a niin bualfai a nih hnuin dar 9:40 velah thlam atangin motor kal theih chin chu zawn a ni ta a ni. Thlam thleng hian kuang ken a ni na a, remchan zawkna avangin ruang hi kuanga dah nghal loin hlang hmanga zawn a ni. Motor kalna tur hi laih mek a la nih avang leh inzawn chung chuan kal ngaihna a awmloh avangin tlangdungah  kalpui a ni a, kawngpui thlen pui a nih hnuin kuanga dahluh a ni ta a ni. VCP, Pu Lalropuia Pachuau leh a ri pa, Pu V. Chhuanmawia ten thil awmdan an sawi hnuin dar  10:25 velah Bervakawn atangin motor hmanga inphurh hawn a ni ta a ni. Tichuan, tluang taka kalin chawhma dar 11 velah Kawnveng chhuah chhoh a ni a, Kawnveng chhuah hian mi thahnem takin an lo hmuak nghe nghe.


Pu Vunga chetsual dan hi hmutu an awm miauloh avangin thuchiang sawi theih a nilo a, amaherawhchu, thlamah a thuamhnaw engkim a awm bakah a mutbu pawh tel fel diam a nih avangin a haw turin a ram vel a thlir kual vel leh na lamah a ram a lo awih deuh avang leh mau bul a lo awm bawk nen, a ni taksa chakvak lo ni bawk si chu inchhuih palhin a lum ta mai niin a lang. A ram awmdan leh a ruang lo awm dan ngaihtuahin a lum hnu hian thlam lam pan tumin a kal anga, a hliam a lo nat tham em avangin hetiang thil runthlak zet mai hi a thleng ta niin a lang. 


Pu Vunga nupui, Pi Zaithanmawii hi thla hlui, February ni18, Inrinni khan a lo boral tawh a, a thlakhatna chiah maia hetiang thil a chunga a lo thleng ve ta mai hi a pawi takzet a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more