Skip to main content

FEBRUARY 2023, KA DIARY

 


1st. Wednesday : Dawrah ka awm nileng. Thimhlimah Maawmi a rawn haw. Ka lehkhabu chhiar lai chu ka chhiat chhuak ta.16/1


2nd. Thursday :Loah nimbu hmun ka va sam.


3rd. Friday : Zingkarah Rema hnenah bike siam turin ka dah chho. Chhunah Zarkawtah hmannia ha Doctor kha ka zuk pan. X-ray te tiin a lo serious lo hlauh a, dawmdawi min chawhin a nnat leh natloh dan azira en leh tur a tih chauh avangin ka lawm hle. Synod archive roomah va kal nghalin Maawmi pa doucoment ka va en. Bike parts leh dawhkan khuhna tur te ka lei  nghal bawk. Bike ka kawlloh avangin chanchinbu chhutnaah ka kal lo.


4th. Saturday : Maawmi a nawm meuhloh avangin inah ka awm. Ka computer leh Nanunga laptop te chu Ate Rinsanga ka entir a, hard disc a lo chhiat ve ve tawh avangin pawi ka ti hle. Ka computer zawk chu zawk chu re cover dan a la awm maitheih thu a sawi. Chance erawh a chhe hle. Hman lohin ka lo dah rei deuh a ni.


5th. Sunday : Chawhmaah Sunday School kan kal a, zanah kan inkhawm leh bawk. Tnkar Ningani zing tawngtai inkhawm hruaitu tur ka nih thu leh Inrinni zan ah tantu tur ka nih thu te sn puang. Tlaiah Kawnvengah section YMA OB tur thlanngin vote ka va thlak. Nomination hi 12 awmin mi 6 thlan tur a ni a, nomination zingah hian ka tel ve nghe nghe. Ajona, Ausawma, Arema, Dawngtea, VKa leh Faka te ka thlang a, Ajona, Arema, Andrew, Duha, Zohminga leh keimah te kan tling. Ka tlin ve avangin ka lawm hle. Thlantlin te hian zan inkhawm banah Rohrenga Hall-ah chanvo kan in siam rem. Kei chu Asst. Leader ka ni anga, Ajona chu a Leader thung ang. Pi Thangliani, Pu Thanbala nupui thin chu a chen mekna, Lungmuatah a thi a, Sihphirah a ruang lak a ni.


6th. Monday : Zing tawngtai inkhawm ah ka kal. Chawhmaah thlan ka lai a, chawhnu-ah Rema hnenah Ka bike ka han ngaihven. A tha ta a, ka lawm hle. Ka hawn nghal. Zanah apa naktukah Gauhati ah a in entir daen avangin ka leng phei.


7th. Tuesday : Zing tawngtai inkhawmah ka kal. Loah thlai hmun samin ka va feh. Apa te chu Gauhati lamah an kal ta. Lengpui airport atangin thlawhnain an kal a ni. Ka nu nen an ni.


7th. Wednesday : Zing tawngtai inkhawm ah ka kal. Loah nimbu hmun ka va sam. 


9th. Thursday : Zing tawngtai inkhawm ah ka kal. Ka hruai. Tihtur neuh neuh avangin inah ka awm. Zanah kan section YMA OB hlui leh thar ten leader thlan thar, Ajona te inah cbarge kan inhlan a, kan Committee zui. Ban dawnah ka tawngtai.


10th. Friday : Loah kuhva hmun ka va sam. Ka xhauh deuh avang leh Maawmi mahnia in awm a hreh deuh avang ten chanchinbu chhutnaah ka kal lo.


11th. Saturday : Zing tawngtai inkhawm ah ka kal. Inrinni a nih avangin inah ka awm. Zanah ka inkhawm a, tantu ka ni. Lk 9:23-27 ka chhiar. 'Khuanu samsuih' by Zochhumpuii pa chu ka chhiar tan. ⅔


12th. Sunday : Chawhmaah Sunday School kan kal a, zanah pawh ka inkhawm. Krismas leh kumthar Committee Member a ka tel dawn thu ann puang a, ka lawm hle. Zanah hian Maawmi chu bial hmeichhe inkhawmpui neihna, Sihphirah a inkhawm chho thung. An group ho an zai a ni. Tlaiah hian Rohrenga hall-ah MNF hruaitu te an kalkhawm a, a hminga joint Secretary ka nih ve avang leh khuallian, Siamtea arm Wrestling thilah mamawhna kan neih avangin ka kal ve. Maawmi a hmanhmawh deuh avangin bsn hmain ka haw. Hemi a ka kal tur hi CM in a rawn ral avangin ka lo ding muang ve a, ka chibai bawk. CM hi Rohrenga Hall a a lo kal leh bawk avangin ka chibai leh.


13th. Monday : Loah kuhva hmun ka va sam. 


14th. Tuesday : U Vana te huan samin ka inhlawh. Khawl thar ka hmang ta. Mahse, a blade bawrah kawng thumin buaina ka tawk a, chem te pawh ka hmang nual bawk.


15th. Wednesday : Ni za inhlawhin Neihbawi ah ka thawk. Chhunah U Vana te huan ah ka va thawk leh a, ka zo. Ka computer hard disc chu a chhiat avangin pawi ka ti hle a, chutih  rualin Nanunga hardisc a that thung avang erawh chuan ka lawm hle.


16th. Thursday : Rohrenga Hall-ah Clover Organic Pvt. Ltd.atangin kut hnathawktu te tan 10000 FPO Scheme Awarness Campaign chu an rawn nei a, ka tel ve.


17th. Friday : Loah kuhva hmun ka va sam. Zanah LIDCAS te U Para te inah kan Committee. Committee banah chanchinbu chhutnaah ka kal. Pu Zairemmawia (47) h/o Lalrammawii, Arpu chu kal thalo avangin ZMC-ah a thi.


18th. Saturday : Kristian Tlangau a lo thleng. Chawhmaah thlan ka lai. Tlaiah kawmchhak, Zaithanmawii chu a thi a, chho ve nghalin, zanah thingpui lum velin ka kal leh. Zanlai darckhat velah ka haw. Ka computer chu Nanunga laptop nena tangkawpin a tha taa, ka lawm hle.


19th. Sunday : Mitthi in thingpui lumnaah ka kall a, zan thalai hunah ka kal leh bawk. Maawmi Sunday School a kal a, zanah a imkhawm leh bawk. Tlaiah Zara, Treasurer te inah kan Committee. 2023 OB turin hetiang hian kan insiam nghal :

President - Lalchhanhima Varte

Vp - Lalhriatpuia

Secretary - Zoramtluanga

As - Jonathan Vanlalhmangaihzuala

Treasurer - Lalzarmawia

Fs - Lalfamkima

Chumi hnuin YMA ralna ka khawn. Kumina bial ka fanna hmasa ber a ni. Ahlima nen kan nih avangin min awl hneh hle thin a ni.


20th. Monday : Loah kuhva hmun ka va sam.


21st. Tuesday : Huanah huan neitu pa in tuikhuah leh thlam vel siam a duh avangin bean zamna vel ka va thiat. LIDCAS te chhu internet kaltlangin kan inthlang a, heng mite gi ka thlang ; 

President - U Sawma- ka tling

Vp - Valmawia - UPara a tling 

Secretary - Rempuia - Zonuna a tling

As - Tv Malsawmzuala

Treasurer - Pi Hmingsangzuali

Fs - Pa Nela - Duha a tling.

President a ka tlin leh avangin ka lawm hle.


22nd. Wednesday : Rohrenga hall-ah mit Doctor an lokal a, ka va in entir ve. A lo chhiat nadat deuh tawh avângin tihngaihna an hrelo. Zanah ka Inkhawm a, inkhawm banah Hmingsangzuali te inah LIDCAS OB hlui leh thar ten charge kan inhlan a, kan Committee zui.


23rd. Wednesday : Chawhnu herah Maawmi a pa damdawi in n awm awmpui turin Kolasib ah a chhuk. Keiin dawr ka nghak thung.


24th. Friday : Nilengin dawrah ka awm. Zanah Conference hall-ah YMA kan Committee. Chumi hnuin chanchinbu chhutnaah ka kal. U Dawnga fapa, Vanlalmuanawma (Thabota) chuan Champhai lam mi nupui a nei. Min sawm ve na a, ka tel ve talo.


25th. Saturday : Tlaiah Maawmi a lo haw. Zan Inkhawm banah (ka inkhawm lo na a) LIDCAS te Vice President, U Para te inah kan Committee. Finance Secretary, Duha chuan a nihna a rawn pha a, a aiawh tur erawh thlak tul kan tilo thung. Sangzuali, Ajei nau chu a thi. Vengthar lama awm a ni naa, a unaupa, Patea hnenah a ruang hi lak a ni.


26th. Sunday : Chawhmaah mitthi in thingpui lumnaah ka kal a, zan thalai hunah ka kal leh bawk. Ka hruai. Maawmi hi Sunday School a kai a, zanah hian a inkhawm leh bawk.


27th. Monday : Huanah antam chi ka va la.


28th. Tuesday : Huanah tui lakna tur U Mafima nen kan buaipui. Maawmi a pa awmpui turin Kolasib ah a chhuk. Paua kan hlawhfa thin nau, Dawnga tia koh, Thuamdothanga chu thawhah avangin a thi.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more