Skip to main content

MARCH 2023, SIH(PHIR) DIARY

 

1st. Wednesday : Kum 2021 a ramkang avanga sorkar tanpuina diltute leh in chhia pahnih tanpuina te chu V/C house atangin semchhuah a ni.


2nd. Thursday : Johan Lalrinfela s/o Zonunzira, Zion veng leh Vanlalduhi d/o R. Lalruatkima, Dinthar te chu Sihphir Presbyterian Kohhran biakinah an innei.


3rd. Friday : Thangzuala, kum 89 f/o Lalawia, Tlangveng chu an chenna inah thawhah avangin a boral.

 

4th. Saturday : February ni 25 a an in atanga zu engemawzat man sak an nih avangin Pu Malsawmtluanga (Matitawia) te

in chu SR & AC chuan thla thum chhung atan an kalh sak.


5th. Sunday : Ni thum awh, KTP rorel inkhawmpui Zemabawk a neih chu a tiak ta. He hunah hian bial leader, Tv H. Lalrindika hoin branch tin aiawh (pakhat zel) pathum an tel.


6th. Monday : SR & AC chuan an zu zawrh avanga in an kalh sak mek, Pu Malsawmtluanga, Dinthar veng chu zu mansak an nih laia an lo dawnsawn dan chungchangahthu inhmu fuhlo a awm avângin an in hrilhfiah.


7th. Tuesday : Lalmawizuala s/o Lalduhi, Dinthar vêng chu ruihhlo avanga a buai

zual deuh avangin TNT-ah dah thlak a ni.


8th. Wednesday : R. Lallawmkima, kum 36 h/o Rebecca

Lalrinawmi Hrahsel, Arpu veng chu Civil Hospital-ah awmlai in a boral.

 

9th. Thursday : Hun rei tak hman theihloh a a awm hnu in Venglai a PHE tui pump chu siam ṭhat a ni ta.


10th. Friday : 40th PS Dahrawka memorial

Chess Tournament, Ramhlun Indoor Stadium a khelh zawh takah Pu Cosie

Rorelkima, Kawnveng chu Mizoram

pumah pakhatna a ni. Pu Cosie-a hian

₹ 25,000/- leh trophy mawi tak a dawng.


11th. Saturday : Chief Minister, Pu Zoramthanga chuan Durtlang Leitan to Sihphir inkar kawng 10.25 km a thui zauh leh siamthat hna thawh tanna (work commencement) pualin Venghlunah lungphun a hawng. He kawng siam hna hi Central Road Infrastructure Fund (CRIF) atanga sum hmuh hmanga thawh tur Widening and Improvement of Aizawl - Durtlang - Lungdai - Kawnpui road project a section pakhat a ni. Hemi hnu hian Rohrenga Hall-ah inkhawm chhunzawm a ni.


12th. Sunday : Presbyterian Kohhran hmeichhe inkhawmpui lian Darlawna hman mekah kum 2023-'25 chhunga hruaitu tur te Pathian hnena hlan a ni. He hunah hian Pi Tlangthanpari w/o Upa C. Zokunga, Sihphir a tel ve. A ni hi bial Committee member ni lai a ni.


13th. Monday : Taitesena section YMA OB te chu Finance Secretary, T. Lalremruata te inah an Committee a, kumthar duan Committee tuma an hmachhawp hrang hrangte bawhzui dan tur leh branch Secretary atanga thu lut bawhzui dan tur te an rel.


14th. Tuesday : Sehlawh rama huan vat te chuan an ram chin an hal.


15th. Wednesday : Presbyterian Kohhran din champha a ni a, tualchhung kohhran hrang hrang te chuan thingpui ruai nen an lawm hlawm.


16th. Thursday : Vansangliana s/o Remmawia, Venglai leh C. Lalhriatzuali d/o C. Lalthazuala (L) Arpu te chu Sihphir Venglai Presbyterian Kohhran biakinah Pastor H. Lalzuiliana kutah an innei.


17th. Friday : Rohrenga hall-ah Special gram sabha neih a ni a, he hunah hian Self Help Group in khawchhunga chhiarpui an neih chungchang report ngaihthlak a ni. Report a a lan danin Sihphirah hian  mipa 3921 leh hmeichhia 4312, kan vaiin 8233 kan awm mek a ni. Inkhawm hi V/C Vice President, Pu Lalnelawma'n a kaihruai.


18th. Saturday : Hrangsavunga, kum 64 Zaithanmawii (L) pasal, Dinthar veng chu Berhvakawn a an lo vau-ah thi a hmuh a ni.


19th. Sunday :

Lalrohlua,  kum 15, S/o  Thanpuia 

Durtlang, March ni 16 atanga a chhungten a chin an hriatloh chu Sakawrhmuituai tlangah hmuh a ni. A ni hi Pi Vanlalruati, Arpu Veng ten  a baihvai 

avanga khawngaihin an lo awmpui a ni. A chhungte hian a chin an lo hre silo a ni.   


20th. Monday : Pu Lalhriatpuia, Damveng chuan YMA in sak mek atan Rs 3,000/- a pe. 


21st. Tuesday : Sihphir Iskut Grower Association te chu KVK hnuaia Kisan Mela neiin Mizoram University, Tanhrilah an kal.


22nd. Wednesday :   Rohrênga Hall-ah Anti-tobacco Awareness Campaign neih a ni a, Self Help Group, MUP, YMA leh V/C member ṭhenkhatte an tel. National Tobacco Control Programme hnuaia National Health Mission bultumin he awareness campaign hi kalpui a ni.  


23rd. Thursday : Mizo film chhuak thar, Black Rose chu Khuangchera section YMA huaihawt in YMA Hall-ah chhuah a ni.  


24th. Friday :  Sihphir branch YMA din champha vawi 85 na a ni a, YMA hall leh thlanmual leh a chhehvêlah pawimawh hrang hrang thawka hnatlan a ni.  


25th. Saturday : Social Reform & Action Committee chuan tunhnaia Multipurpose Indoor Hall a lut ru a, tui herh haw-na (tap) herh thlawn a vai thirchhe zawng hnen a hralhtu naupang 4 te chu an zilh a,  an pual hian an ṭawngṭai bawk.


27th. Sunday : YMA hruaitute chuan Neihbawi Quary hlui chhak a mimalin hma an lakna an han enfiah.     


27th. Monday : Sihphir Higher Secondary School, Gov't. High School hmun a mi chu a thara sak tum a nih avangin thiah a ni.  


28th. Tuesday : R.K Liansanga, kum 77 h/o Lalhmasawni,  Biak In Veng  chu Synod Hospital, Durtlangah kal thalo avangin in a boral.  


29th. Wednesday : YMA insak tanpuina, President in  Rs 7,000/- Pu C.Chhuanawma, Arpu hnen a tang in a dawng.


30th. Thursday : 

 Sihphir Kohhran Pavalai Pawlte

chuan Sihphir Vengthar Kohhran

Pavalai Pawl te an tlawh.  


31st. Friday : Sihphir Village Council Body chu hetiang hian siam danglam a ni :

President : Pu Lalnelawma

Vice President : Pu Thanglianchhunga

Treasurer : Pi Lalbiakdiki

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more