Skip to main content

FEBRUARY 2023, SIH(PHIR) DIARY

 

1st. Wednesday : Lalhmingmawii /o Vanlalhruaia Ngente, Tlangveng, pian champha vawikhatna a ni a, thenrual thate sawmin hlim takin an lawm.  


2nd. Thursday : Sehlawh kawng leh Daklalui-Quarry kawng siam mek, hun engemaw chen chawlh lailΓ’wk chu chhunzawm a ni.


3rd. Friday : Pu Lalhmingmawia (Te-a) s/o Thanmawia (L), Arpu, Mamita J.E,

(PWD)  hnathawk mek fapa, Malsawmdawngzela,

kum 17 mi chu a boral.   


4th. Saturday : Branch YMA Committee member te chu thlanmualah electrict pawhluh na atana hna tul buaipui in an hnatlang.  


5th. Sunday :  

Thangliani, kum 66 M/o Pu Lalrinsanga  tuna Lungmuat a khawsa mek chu  Lungmuatah 'Lungphuchawl' in a boral. A ruang hi Sihphir-a a nuta, Pu Zahawma, Arpu Veng  Inah nghah a ni. 


7th. Tuesday : Zarzokimi w/o Zorempuia, Venglai chuan Civil Hospital-ah fapa a hring.


8th. Wednesday : Retailer 1 leh 2 ah ration buhfai sem tan a ni.


9th. Thursday :  Lalramdinthari d/o Vanlalrova,

Kawnveng leh Vanlalhruaia s/o Darchungnunga, Durtlang te chu Durtlang Ramthar

Kohhran Presbyterian Kohhran Biak

Inah an innei.


10th. Friday : Pathianni thleng awh tur Presbyterian Sihphir Pastor Bial Kohhran

Hmeichhe Inkhawmpui vawi 63-na chu Sihphir Kohhranah tan a ni.

  

11th. Saturday : Rural Industries Association (RIA) te chu kuang siam in an hnatlang a, mi 16 thawkchhuak in kuang 8 an siam zo hman. A awm sa 3 nen tunah hian kuang hman theih 11 kan nei leh ta. 


12th. Sunday : π™±πš’πšŠπš•πšπšž 𝙼𝙻𝙰, 𝙋π™ͺ π™•π™€π™§π™–π™’π™©π™π™–π™£π™œπ™– (π™²πš‘πš’πšŽπš π™Όπš’πš—πš’πšœπšπšŽπš›) πšŒπš‘πšžπšŠπš— π™Žπ™žπ™π™₯π™π™žπ™§ khua min rawn tlawh a,       d𝙖𝙒𝙑𝙀 engemawzat tlawhin tunhnaia mπ™žπ™©π™π™ž chhungte a  𝙧𝙖𝙑 nghal. Chief Minister hi party hruaitu ten an tawiawm a ni.


13th. Monday : P&E Department  te chuan Main switch an thlak avangin Arpu Transformer an off a, hun engemaw chen power supply a khaihlak phah.


14th. Tuesday :  Pu R.K. Liansanga leh Pi

Lalhmasawni te nupa, Biakin veng te chuan    an

inneih champha vawi 50-na (Golden Jubilee) chu hlim takin an lawm. Pu Liansanga te nupa hian fa pathum leh tu pakua an nei tawh a ni.


15th. Wednesday : Thing hnawk a awm avΓ’ngin Durtlang N power supply shutdown a ni a, hun rei vaklo eng kan neilo.


16th. Thursday : Clover Organic Pvt Ltd atangin mithiam lokalin, an ni hian kut hnathawk tu te tan Central Sheme pakhat (10000 FPO Scheme)  Awareness Campaign chu Rohrenga Hall ah an rawn nei a, scheme a in ziak lut duh ho tan registration an ti nghal.


17th. Friday : Zairemmawia, kum 47 (Ex-Servicemen) H/o Lalrammawii Arpu Veng chu  'Kal tha lo' avangin ZMC-ah a boral. 


18th. Saturday : Zaithanmawii, Kum 52, h/o Hrangsavung,  Dinthar veng chu cancer natna avangin an chenna inah a boral.


19th. Sunday : Arm Wrestling Club te chu an Treasurer, Tv Lalzarmawia c/o Malsawmtluangi, Dinthar veng te inah an Committee a, he hunah hian thla thar, March ni 18 a Aizawl East-I MLA Constituency Arm Wrestling Championshipbuatsaih an rel.


20th. Monday : Venglai KTP hnuaia group pakhat hruaitu tur chu an hruaitu pakhat Branch OB a a awm tak avangin an inthlang.


21st. Tuesday :  LIDCAS te chu internet kaltlangin an inthlanga, he hunah hian member 27 in vote thlakin vote thi 2 a awm bawk. President atan Pu Lalchhanhima Varte w/o K. Lalawmpuii, Kawnveng chu thlan a ni.


22nd. Wednesday : Rohrenga hall-ah Synod Hospital, Durtlang aαΉ­angin mit lam doctor an lo kal a (Free cataract screening camp), mit lama harsatna nei mi 80 chuangin a thlawnin mit an entir. Hei hi Community Eye Health Project Aizawl District buatsaih a niin Mission for Vission, Mumbai ten sum leh pai an tum a, Sihphir lamah Upa pawl lamin an lo buaipui thung a ni.


23rd. Thursday : Pu Zailiana, Neihbawi hnen atangin Neihbawi Welfare te chuan zu, um engemawzah an man sak.  


24th. Friday :Vanlalmuanawma s/o MS Dawngliana, Kawnveng leh C. Vanlalruati d/o C. Thavela (L) Champhai te chu Venglai Kohhran ah an innei.


25th. Saturday : Pi Lalsangzuali, kum 31 d/o Thuama, Venghlun chu mitliam natna avangin damdawi in an panpui mek laiin kawnglakah a boral. A ruang hi Kawnvenga a nuta, Pu Lalhriatpuia inah lak a ni.  


26th. Sunday : Ni hnih awh, Sihphir Pastor Bial Kohhran

Pavalai Pawl ten Sihphir Hmarveng

Kohhrana intawhkhawm an hman chu a tiak.


27th. Monday : Little  Buds School-a pawl riat zirlai te chu excurtion neiin, Shillong-ah an kal.


28th. Tuesday : Pu Thuamdothanga, kum 48 B/o Pauva, Sihphir Dinthar Veng chu UPHC-ah  Thawhah avangin a boral.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an αΉ­awng duh dan a ni a, hetaαΉ­ang hian hmeichhia te an dah hniam αΉ­hin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aαΉ­angin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang αΉ­hΓ»ma, lo neih a niin an feh tlut tlut ringawt mai αΉ­hin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk αΉ­hin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more