Skip to main content

CHAW EI TUI LE

 


Aizawl Municipal Corporation (AMC) chuan Aizawl Day vawi 133-na chu kar hmasa khan programme hrang hrang siama lawm a ni a. (February 23-25) A lawmnaah hian Lammualah Stall 77 hawn a ni nghe nghe. Heng zinga stall 27 lai chu ei leh in lam a ni a, Indian, Chinese, Korean, Japanese, Thai, Continental leh Mizo traditional food leh kan chhehvel north east food a awm kimchang hle.


He thil hi tullo ti an awm nual a, amaherawhchu, kan sorkar hian ei leh in a ngaih pawimawh zia a lantirna pakhat niin a hriat. Hringnunah hian ei leh in hi a pawimawh hle mai a, damlo chau tawh tak pawh chaw a la thlah loh chhung chuan kan ngaih a ngam thin a nih hi. An chakloh viau tawh hnu pawhin 'hei tal hi' tiin kan la barh hram hram thin.


Chaw ei hun hnaiha thenrual te nena kan inthen dawna kan tawngkam leklam ber chu 'chaw ei tui le' tih hi a ni ngei ang. Tui leh puar taka ei tura in duhsakna tawngkam a ni a, a hlu hle. 'Tlai leh fanin' tih leh 'ei teuh rawh' tih te hi kan induhsakna tawngkam lar tak a ni. Hmachin hriat a ni silo a, ei teuh phawt mai hi a fuh ber mai zel e. Hehe.


Chaw ei thei tak kan awm laiin ei peih manglo leh ei dawna an ei peihloh thu sawi hrat tak an awm fo. Hei hi tawngkam mal sawm lo tak a ni a, chin hauhlo tur a ni. A lo ching thin kan awm a nih pawhin sim hmak a fuh ang. 


Mizo te chaw pui ber chu buh a ni a, buh mamawh hle si ei peihlo a nepnawi fahrah te te hmanga inhnangfak te hi eiloh ai chuan a tha e, mahse, kan chaw pui ber a nih ang ngeia buh changrum ngei hian Zofate hrawk chu a lo fah ber nge nge e. Chhungkuaa chaw han kil thap mai te hi ti ti hona remchang tak mai a ni a, mahnia inchawi hrang mai loin dawhkan kil ngeia chaw ei tlan te hi a hlu zual hle.


Ei leh in ngai pawimawh ila, kan thil ei tur te kan taksa tan a tha ange'm? tih ngaihtuah chungin chaw ei tui vek ule.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more