Skip to main content

Tlawnglui fintu lui thenfai hnatlang beihpui thlak a ni

Central YMA leh PHED ṭang kawpin a buatsaih, Tlawng lui fintu lui then fai hnatlangpui chu July ni 2, 2022, Inrinni khan group hrang hrang 11-ah inṭhen darhin thawh a ni a. He hunah hian Sihphir Branch YMA atangin Vice President, Pu C. Lalrinawma hoin member pasarih thawhchhuah ve a ni.


Deputy Chief Minister, Pu Tawnluia chuan hnatlanga thawkchhuak tur te hi Vanapa Hall kawtah a vailiam. A vailiam hma hian Pu Tawnluia chuan, 'Kan Lui te ti thianghlim turin pawl emaw sawrkar kan pa pek tur a ni lo a, chhungkua zawng zawng hian mawhphurhna kan nei tih hriat a ngai a ni,' a ti. CYMA Vice President, Pu Lalhmachhuana pawhin, vawiin hnatlang hian Mizo mipuite-ah rah tha chhuah se, kan chenna environment humhim kawngah CYMA chu a tlan chhe ngai dawn lo tih a sawi ve bawk.


Tlawng lui hi Lunglei bul, Zobawk dai atanga hnar nei a niin, Cachar ram ri thlenga luang a ni a, km 186 a thui niin district 5 paltlang in, khua 90 chuang a paltlang bawk. Mizoram lui pawimawh leh a bikin Aizawl leh Lunglei District tan phei chuan rin rawl, tui intur a min chawmtu ber ni pawhin an lang.

Tlawnglui fintu tihfai hnatlang hi hmun hrang hrang - Sakhisih Lui, Kulikawn; SAI thlang, Mission Vengthlang; Tlawng Road (Reiek); Vailui Hnar, Bungkawn; Tuikual Lui Fintu, Maubawk & MINECO inkar; Tuikual Lui, Ebenezer Hospital bul hnai; Tuikual Lui (Tuithum), Lawipu; Dinthar Lui, Ebenezer Hospital bul kawr; Hnimtheilo Lui, Chawnpui/Zonuam; Tuithum, Chawlhhmun; Sihhmui Kai-ah te hnatlang hi neih a ni. Branch YMA hrang hrang 106 atangin mi 10 theuh hnatlang tura sawm an ni a, tun tumah hian  chhiattawhna avangin branch 8 chu an tel theilo thung. Branch hrang hrang atanga thawkchhuak te hi CYMA hruaitute chuan mi 1000 vel niin an chhal a, PHED thawktu mi 2500 chuang an hnatlang bawk a ni. 


Sihphir atanga thawkchhuak te hi Group No. 4 na-ah awmin Vailui hnar, Bungkawn lui kawr thian fai tur zingah telin Aizawl huam chhûng veng 10 - Sihphir, Mission Veng, Bawngkawn South, Bungkawn, Bungkawn Vengthar, Khatla South, Nursery, Salem Veng, Tuithiang, Zemawbawk Bung Bangla te ruat kan ni a. Rokhawlhna eng emaw avangin heng zinga branch pathum te  hi an rawn tel theilo thung. 


Group No. 4 bika hnatlangte hi Vailui hnar lam leh a mawng lamah insem darh a ni a. Tui a tamin kawng thleng thlenga dai ngai a tam hle. Plastic aṭanga siam tui bûr hrang hrang leh  damdawi bûr ruak a tam tham hle a, lui mawng lamah khalh thlain bag-ah ruh khawm a ni. Buaina tenau deuh te chu awm bawk mah se tluang taka hnathawh a ni a, Sihphir atanga kal te pawh behliang mun hun awm velah khua an lo lût leh ta a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more