Skip to main content

UI VULH

 


Mihring ran vulh hmasak ber ni'a zirlaibu vela kan hmuh dan chuan ui hi niin an lang. An ngainatawm em em a, chhungkaw member ang hrima  ngaiin an thih tum pawhin mittui a sur thei hial a nih hi.


Nungchate hian chindan an nei a, mahse, ramsa leh ran te pawh hian nunphung thlaka an tih dan ngailoha chet chang an nei ve fo mai. Chuvangin, zir mite chuan an awm dân hi sawi lawk theih a nihloh thu an sawi ve fo bawk. Chuvangin, kan ui  vulh in midang an bauh emaw an hnimhnaih nikhua in 'a hlauhawm lo a nia' tih ringawt hi a fuhlo ber lo. Miin a hlauh na na na chuan hlau lo tura inhrilh ringawtin kori a tu tehchiam lo. Ui hlau mi takin a tawn phei chuan kutthlak hial emaw a thleng thei a, chutiang a thlen chuan ui zawk khan a seh palh hlauh thei bawk. Chuvangin, ui vulh tute hian pâwna kan chhuahpui dawn a nih pawhin an thlunna nen ngeia chhuahpui hi a him ang. Mi lian in thenkhatah gate luh dawnin

'Ui a awm fimkhur rawh', tih a lo in tara, fimkhur turin min duh hma ai khan kan hlau tulh tulh mai a ni. Fimkhur vak ngaihna awm hek lo. Hetia'ng a lo intar a nih chuan leng lo turin min duh zawk ni hial pawhin an ngaih theih awm e. 


Sawi tak angin ui hi kan ranvulh zingah chuan mihring nena inhnaih tak kan ni a, hei vang tak te hian fimkhur a ngai. Zing chanchinthar han ngaithla ila tuktin deuhthaw in ui seh avanga damdawi in pan an awm deuh zêl a ni. Ui seh hi a na ve viau niin an langa, a nat mai piah lamah a a nghawng hi a rei em em mai lai hi a pawina chu a ni awm e. 


Ui khuahkhirh in pawn lam mi an seh ngawt khat hle. Kan khawtlang hruaitu te chuan khawlaia ui chhuah an khap a, tlang te auin a khattawkin duty te pawh kalkual thin a ni. An seh a hlauhawm piah lamah hian ui pawn chhuak hian khua a ti thing ve hrim hrim bawk. 


Thenawm te kawt vela e tawk te an la awm a, mi huanthlai chil chhiat ching leh hnawmhnawk thai darh ching te a la tam lutuk hi chu a pawi khawp mai.


Ui vulh hi kan sawisel a nilo a, miin khuahkhirhna ṭha tak hnuaia an vulh hi chu sawi selna tur a awm reng reng lo. Nun an tihlim em em a, khawhar te pawh an hnêm thei hial a ni. A fing chi deuh te phei chu thil te zirtir theih an niin hnuchhui na atan an hmang hial a nih hi. Misual vêngtu atan te hlei hlei an tangkai. Tunhnaia mi in rawk tu pawh an ui vulh in a umchhuak hial a nih kha.


Engpawhnise, kan chhungkaw tan ui kan vulh hian a ṭangkai viau em? kan nun a tih hlim phah viau em? Ui kan vulh hian kan chhungkuaah hma min sawn tir em?  tih te hi i ngaihtuah ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more