Skip to main content

JUNE 2022, KA DIARY

 


1st. Wednesday : Sunhlutlang ka han sam leh. Inbulah sapthei ka phun leh.


2nd. Thursday : Huanah antam tel 11 ka va la a, bean leitha ka pe bawk. 


3rd. Friday : Sakawrhmuituai tlangdung a thing phunna bi vel tifaiin ka inhlawh. Chawhnu ka tan dawn chiah tihin khawl a chhiat avangin ka haw. Lalremtluanga thih champha vawihnihna a ni a, ka ngai hle. Hemi pual huan 'Ka nau thlan tur ka lai' tih, jka article ziah chu ka share.


4th. Saturday : Zingkarah Au Saemate scooty in Chhinga vengah khawl part ka zuk lei. Petrol ka la nghal. Chuan, Sakawrhmuituai tlangdung chu ka han sam leh. Tlai ban hma hretin nimina mi nilo, khawl part pakhat a chhe leh. Hmabak a laklawh em avangin chemin ka zo. Atei Aizawl ah a riak thla.


5th. Sunday : Kan nawm meuhloh avangin inah kan tawm nileng.


6th. Monday : Sakawrhmuituai tlangdung ka sam leh. Thimhlimah Pui puiate unau, Israel atanga lo zin te chu kan inah an lokal. Atei a lo haw.  Kekawrte pahnih min rawn hawna, ka lawm hle.


7th. Tuesday : Sakawrhmuituai tlangdung ka han sam leh. Maawmi hlawhfa hruaiin huanah a feh thung . 'YMA leh kei' tih thupuia hmangin article ja ziak tan. ⁹/⁶


8th. Wednesday : Huanah thlai hmun ka va tlawh. Ka nawm meuhloh avangin chawhnu herah ka haw. Zanah (inkhawmban, ka inkhawmlo) U Para te inah LIDCAS OB kan committee.


9th. Thursday : Kanawm meuhloh avangin inah ka awm. Ka article ziah lai chu ka zo fel ta.⁷/⁶ Chanchinbu a chhuah turin ka dah lut nghal.


10th. Friday : Ka la nawm meuhloh avangin inah ka awm nileng.


11th. Saturday : Ka la nawm meuhloh avangin hna ka thawk lo. Mera lu ka mehtir.


12th. Sunday : Zing dar 4ah Lalenpuia, U Sangzuala fapa, Tlangveng chu Greenwood Hospital-ah a thi. Chawhmaah Sunday School kan kal.


13th. Monday : Naktuk khi Ni Biaki Birthday vawi 80 na a ni a, picnic spot awl remchan avangin vawiinah Olea Picnic spot, Kulikawn hnuaiah hman a ni. Au Sawma te scooty in kan nupain kan kal ve a, lawmpui nan Rs 500/- kan pe ve. Au Sawma pian champha a ni bawk a, Sangsangi leh Lalhmangaihi fanu ten pawl 12 an pass te lawm pah a ni. Scooty light a chhiat avangin midangin an khalh haw. Hawnah kan inah Au te leh Ay Sawma te an rawn leng kawi.


14th. Tuesday : Huanah ka va feh. Tlaiah Ni Biaki Birthday ni tak chu an inah nimina kal remchang lo thenkhat te nen kan lawm leh. PM Kisan  chu U Dailova hnênah kan ti.


15th. Wednesday : YMA day a ni a, hnatlang a hun hman a ni. Min beisei ang in khawl nen ka thawkchhuak a, thlanmual thar kan sam.


16th. Thursday : Huanah kan va feh. Hlote kan thlo a, thlai tlem azawng kan la bawk. Zingkarah Gram Sabha neih na, Community hall-ah ka kal. Kan huan zau kawng laih ve ka dilna chu kann chairman, U Atea ding ve mai tura ka ngaih a ngawih tlat avângin ka ngei hle. A bul atanga sawi leh a ngaih dawn phah. Hemi move tuma kal kan ni reng si a, ka thinrim angreng khawp mai.


17th. Friday : Khua a chhuat nilen avangin inah kan awm nileng.


18th. Saturday : Khua a la nawmloh avangin engmah a la thawh theihloh. Ration erawh ka va la hram. Atei Bilkhawthlir ah a chhuk. 


19th. Sunday : Chawhma ah Sunday School ka kal a, (Maawmi erawh khua a nawmloh em avangin a inkhawmlo) chawhnu-ah ka inkhawm leh bawk. Chawhnu-ah hian PES Principal, Tv Lalpekhlua'n Pathian thu a sawi. Inkhawm banah committee room ah Pathian ram kan chhiar.


20th. Monday : Huanah thlai hmun ka va thlo. Iptepui cheng 300/- in kan lei. YMA chanchinbu a lo thleng.


21st. Tuesday : Huanah antam hmun ka va thlo. Rescue Centre-a mi Chhiahtlang khua, Thari te chhûng chu an thi.


22nd. Wednesday : YMA Conference Hall-ah Pig Farming Society member ten traning kan nei. Nikum hmasa lama labour hnathawkte hamṭhatna dawn dawn theih dawn ve kan tum chungchangah dawrkai leh huan siam kan nih avanga min hnawlsak avangin pawi ka ti hle. Pu Chhinga, Thlertawi veng chu cancer avangin an chenna inah a thi.


23rd. Thursday : Lo-ah balhla ka va tuka, sapthei ka phun bawk.


24th. Friday : Huanah thlai ka va la. Kristian Tlângau a lo thleng. Maawmi te Bilkhawthlir thenawm pa chu Silchar-ah stroke avangin a thi. Atei ruang hmuakin a kal ve. Davida ten naute an nei.


25th. Saturday : Inah ka awm. Zanah ka inkhawm. KTP ten kum chanve intawhkhawm kan kohhran in a thlen anga hun hman a ni. Inkhawm ban fellowship-ah Maawmi thingpui lumin a fatu. 


26th. Sunday : Chawhma ah Sunday School ka kal a, chawhnu leh zanah pawh ka inkhawm. Chawhnu inkhawm ban hlim hian Nu Hmingi, Chhanhim veng thih thu ka hria a, phei ve nghalin ruang hmuahnaah ka kal ve nghala, Selesih kan thleng hman a ni. Bilkhawthlir a Maawmi thiannu fate bike accident in a thi. A chuanpui pa pawh a na hle.⁵/⁷

27th. Monday : Mitthi ina kal tumin ka chhuak chiah tihin Pu Thlenga thih thu ka hria. Kal hmasa ta zawkin in singsak zawhah Pu Hmaa te inah ka chhuk. Zan khawhar in hunah ka kal leh bawk.


28th. Tuesday : Chawhmaah mitthi inah ka kala, chawhnu lamah Ponty laptop in ka Sihphir diary lehkhabu a chhuak tur in ka edit. Zanah khawhar in (Nu Hmingi) ah ka kal. Atei a lo haw ta. Arualin Mami chu lo chho ve in Aizawlah in entir tûrin a tlang.


29th. Wednesday : Huanah thlai siamna tur ka va tifai. Zanah khawhar inah ka kal. Pu Thlenga kha YMA member a nih angin dekchi, citation leh cheng 9,400/- in kan ral nghal. Atei Aizawl a kala, a riak nghal. Pa Muana te chuan an inneih diamond jubilee an lawm.


30th. Thursday : Sakawrhmuituai kawngpuia forest thing phun na bul vel samin ka inhlawh. Atei a lo haw leh ta.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more