Skip to main content

JUNE 2022, SIH (PHIR) DIARY

 

1st. Wednesday : June ni 10 thleng awh tur, Social Reform and Action Committee buatsaih, Chhandamna Camping chu Sihphir Kohhranah tan a ni. Camper hi mi 63 niin, Speaker hi T. Upa Vanlalvuana,

“Kraws Hnehna Puangtu Team” a ni ang.


2nd. Thursday : Sub-Center-ah nu naupai leh nausen pianghlim atanga kum khat leh a chanve chin ten vaccine an la.


3rd. Friday :   Community Hall, Tlangvengah ni 100 hlawhna pawisa Rs 1,000/- a sem a ni. 


4th. Saturday : Vanapa Section te chu

thlan laiin an hnatlang.  


5th. Sunday : National Arm Wrestling Championship,  Telengana State-a neih zawh takah Pu Vansangkima s/o H. Lalnunzira, Neihbawi chuan kg 70 huangah bronze medal a la.


6th. Monday : Vansangliana, YMA Secretary chuan Sihphir khaw hmasâwnna tur leh a lo zahawm deuh deuh theihna turin mipui-ah ngenna hrang hrang a siam. 


7th. Tuesday : Rescue Centre-ah Chhandamna Camping buatsaih a ni a, Sihphir atang pawhin mi engemawzat an lut .


8th. Wednesday :  LIDCAS OB te chu an Vice President, Pu C. Parmawia inah thukhawmin he hunah hian thla thara rising day an lawm dan tur bakah pawl tana pawimawh engemawzat an rel.


9th. Thursday : Sihphir Higher Secondary School NSS unit te chu Midum kham,Sumsuihah thing an lo phun tawh te rawng hnawih in an hnatlang.


10th. Friday : Govt. Sihphir High School-ah Sihphir Higher Secondary School te chuan tunhnai HSSLC Examination, 2022 a 100% an pass chu an lawm. Exam-ah hian Candidate 40 awmin an pass vek a ni.  


11th. Saturday : Khuangchera Section YMA te chu thlan laiin an hnatlang.


12th. Sunday : Tv Lalenpuia, kum 35 s/o C. Lalsangzuala,  Tlang veng chu  Greenwood Hospital, Aizawlah 'Septicemia' avangin a boral.  


13th. Monday : Pi Biaktluangi m/o Vanlalsawma, Venglai pian champha vawi 80 na chu Olea Picnic spot, Kulikawnah a tu leh fate bakah a unaute leh an faten  hlim takin an lawm sak. Pi Biaki hian tu 16 leh tuchhuan 7 a nei tawh a ni.


14th. Tuesday : Self

Help Group member te tan Community

Hall-ah Awareness Campaign on

PMEGP KVIC State Office bultumin

neih a ni. Addl. DC Aizawl, chu khuallian a ni.


15th. Wednesday : YMA Day a ni a, Sihphir branch chuan he ni hi thlanmual leh a chhehvel tihfai  hnatlan na hun atana hmangin member zahnih chuang lai thawhchhuah a ni. 


16th. Thursday : Community hall-ah gram sabha neih a ni a, khawtlang mamawh hmachhawp hrang hrang sawiho a pawm a ni.


17th. Friday : Sihphir Teachers Association chuan 

Govt.

Middle School, Venghlunah

General meeting an neia, hetah hian kum 2022-2023 hruaitu turte thlan nghal a ni. 


18th. Saturday : June ni 13 a tan,  Social

Reform & Action Committee, Sihphir buatsaih gospel

camping chhawng hnihna chu a tiak ta. Camping-ah hian mipa 43 leh

hmeichhia 4 an lut a. Mipa 4 an tlan chhuak/chhuahtir

avangin mi 43 an awm tluan chhuak a ni. 


19th. Sunday : Nimin lama camp chhuakte puala Sihphir Presbyterian Kohhran biakina follow up hman chu an tiak ta. 


20th. Monday : Pu Vanlalchhuanga, Neihbawi te Pick Up chu ruk bo a ni.


21st. Tuesday : Sinner's Friend/Rescue Centre Annex-ah Tv Lalthatpuia, kum 45 S/o Lalrinsanga (L), Chhiahtlang Kawn Veng chu a boral. Sihphir Branch YMA chuan kuang kengin a ruang an zu phurh chhuak a, Twins Market-ah a lo nghaktu, Chhiahtlang Welfare, Aizawl te hnenah hlanchhawn a ni.


22nd. Wednesday : C.Lianchhinga,  (89) ex-VCM H/o  Zothanmawii,  Arpu veng chu a an chenna Inah Chaw kawng leh Pumpui Cancer avangin a boral.


23rd. Thursday :  V/C ten Neibawi Dumka Camp hlui hmun zawl a Volleyball Court siam dilin ram neitu, Chief Minister hlui, Pu Lal Thanhawla te an zu be fel a. Anni hian phal takin an lo 'Aw'.


24th. Friday : R. Lalbiakhlua s/o R. Lalremruata, Damveng leh

Lalhmangaihzuali D/o Vanlalruati, Arpu te chu Sihphir Presbyterian Kohhran Biakinah an innei.


25th. Saturday : Bial Kristian Thalai Pâwl te chuan Venglai Kohhran biakinah ni hnih awh kum chanve intawhkhawm an nei tan.


26th. Sunday : Pi Lalhmingliani, kum 62 w/o  Lalhmachhuana, Chhanhim Veng chu Civil Hospital, Aizawlah kal tha lo avangin a boral. A ni hi Tv Eddie Lalhmangaihzuala, VCM nu a ni.


27th. Monday : R. Sapthlengliana, kum 75 h/o Lalrohlui, Dam Veng chu  Ebenezer Hospital, Aizawlah Pneumonia natna avangin a boral.


28th. Tuesday : Kum 2020 a boral MS Parmawia s/o Rithanga (L) leh a nupui, Lalremkimi te hriatrengna lung chu an chhungkhat laina ten an phun.


29th. Wednesday : PC Lalthlamuana leh Lalremruati, Venglai te inneih champhah vawi 50-na (Golden jubili) a ni a, thenrual tha te sawmin hlim takin an lawm. Pu Muana te hian fapa leh fanu pahnih ve ve neiin tu 9 leh tuchhuan 5 an nei a tawh.


30th. Thursday : Chief minister hlui, Pu Lal Thanhawla ram, Neihbawi-ah volleyball khelmual tur JCB hmanga laih tan a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more