Skip to main content

President thar, Droupadi Murmu chanchin tlangpui





Draupadi Murmu hi June 20, 1958 khan Odisha state chhunga Baidaposi thingtlang khua, Mayurbhanj district-ah a lo piang a. A pasal Shyam Charan Murmu nen fapa 2 leh fanu 1 an nei a, a pasal leh a fapa 1 zawk hian an thihsan tawh thung. 


Hindu sakhaw betu   Draupadi Murmu hi

Santal niin India-ah chuan tribal hnam lian ber pawl an ni.


Village council chief fanu a ni a, an state khawpui, Bhubaneswar-a Ramadevi Women’s College   (Utkal Univ) Bhubaneswar ațanga graduate a ni.


A graduate hnu-ah Odisha sorkar-ah clerk hna a thawk a, a hnu-ah kum 1979 leh 1983 inkar khan irrigation and energy department-ah junior assistant-in a thawk leh bawk.


Bhubaneswar-a a hna chu chawlhsanin Rairangpur-ah a kir a, a nu (a pasala nu) enkawl pahin Sri Aurobindo Integral School-ah zirtir hna a thawk zui leh a ni.


Hetih lai hian hlawh pawh a la duh lo va, a rickshaw chuan man chiah sikulin a tumsak a. A hna chu hna ni lovin vantlanga thawhna niin a sawi a, a pasal, bank officer hlawh chu an chhungkuain an kham tawk niin a sawi thin.


Politics-ah hian kum 1997 khan lutin Rairangpur-ah councillor atan thlan a ni a. An khua a faina lam hnathawhte chu a hmunah enpuiin ni sa hnuai-ah pawh kawr leh bawlhhlawh thian laite chu a ho thin.


BJP hmingin state assembly-ah vawi hnih Rairangpur bial atanga thlan tlin a ni tawh a,  hetih hun lai hian minister niin commerce & transport leh fisheries & animal resources a chang nghe nghe. Kum 2006 leh 2009 inkar khan an state-a BJP tribal wing-ah president a ni bawk. Tin, a chipui tamna Jharkhand state-ah May 18, 2015 - July 12, 2021 chhungin Governor atan ruat a ni bawk. 


Tarlan tawh angin kum 2009 khan a fapa upa ber chânin a tuar hle a, a hnu-ah a fapa pahnihna leh a pasal a sun leh bawk.


A ngaidana huai taka kal mai thin leh mi nun tlawm tak, hmeichhe duhawm leh thinlung a tha, thinbutut engmah nei lo leh boruak tichhe zawnga khawsa ngai lo mi nia sawi Murmu-i hi mipui hmaah a inpho chhuak ve chiam chiam ngai lo va, mipuite nen zalen taka awm bawrh bawrh thin mi ni zawka sawi a ni bawk. President candidate a nih tur thu pawh hi Radio thupuan atanga hre ve chauh a nih thu a sawi nghe nghe.


Hetiang mi inngaitlâwm President kan nei tûr hi a lawmawm a, tha taka ram a kaihhruai theih ngei pawh i beisei ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more