Skip to main content

LIDCAS RISING DAY HLAWHTLING TAKA HMAN A NI

 


Kar hmasa Inrinni khan Sihphir a thil hlui chhuitu pâwl, Litterature Presentation of Historical Data and Culturer Heritage Association, Sihphir (LIDCAS) chuan YMA Conference Hall-ah an pawl din champha pualin sawihona (seminar) hlawhtling takin an hmanga, he hun hi Pu Lalthantluanga,VCP Venghlun chuan khuallian niin an hmanpui.


He hun hi an pâwl Vice President, Pu C. Parmawia'n a kaihhruaia, Pi Hmingsangzuali, Comtt. Member chuan hunserh a hmang bawk.


Hunserh hman hnu in Secretary, Tv Zonunsanga chuan report a pe a, report atanga a lan danin LIDCAS hi Dt. 14th May, 2013, Thawhleni-ah mi thahnemngai kalkhawm ten Sihphir chanchin fel fai taka siam a, ram chhung hmun hmingthang humhalh leh chei ṭhat a tulzia an sawi ho atanga lo piang ta a ni a. Hei hi he pawl dinna tura inhmuh khawmna hmasa ber a ni nghe nghe. A tîr chuan pawl hming atan SIHPHIR WRITERS' CLUB tih a ni a, a huam zauh zawk beiseiin July ni 11, 2013 a kalkhawm chuan Literature, Preservation of Historical Data & Cultural Heritage Sihphir (LIDCAS) tih hming puttîr a ni ta a ni. Hei hi pawl din ni atana hman a ni nghal bawk. Tuntum rising day hi Thawhtanni a nih avangin member te hman tlan ni enin a hma Inrinni hian hman a ni ta zawk a ni. Kumin February thla khan Sairum rama Kawlawia lung chu hung ṭhat a, chhinchhiahnate siam a ni a, tunah hian ram hruaitute mual siam tuma hmalak mek a ni bawk.  


Khuallian, Pu Lalthantluanga chuan he pawl hi a la hriat ngailoh thu leh a hriat tâk chinah erawh pawl ropui tak nilo mah se, pâwl hlu leh Sihphir khaw tana tangkai tak tur a nih thu sawiin an hmalakna te a thlawp tlat tur thu an sawia, tangkaina te a nei anih chuan a tlanchhiat loh tur thu a sawi.


Hemi ni hian Seminar thupui "Sihphir khua indin chhoh dan leh a inrelbawl chhoh zel dan" tih chu sawiho a ni a, member te bakah hemi ni hian tualchhung leh Aizawl lam atangin heti lam ngaihven tu sawmbikte hnen atangin thu bengvarthlak tak tak ngaihthlak a ni bawk. An tui tlang si a, hun a liam duak duak mai bawk nen an sawi duh ang sawi kim hmanlo an ni deuh vek zawkin an lang.


Thupui thlan bik sawiho a nih hnu hian an pâwl President, Pu Lalchhanhima Varte chuan lawmthu sawiin Sihphir Diary bu a buatsaih chu tlangzarh nghal a ni bawk.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more