Skip to main content

NUMBER CHHIAR DAN

  (Sawiremtlang editorial)


Mizo nambar chhiar danah digit khat hi pa, digit hnih chu sawm, chutiang zelin za, sang, sing, nuai, maktaduai, vaibelchhia, vaibelchhetak leh tluklehdingawn kan nei a, digit 10 aia sang erawh kan hmang tamlo thung. Pa sawm chu sawm a ni a, za sawm chu sang. Chutiang zelin vaibelchhetak sawm chu tluklehdingawn kan ti thin. 


Tunhnaiah number, a bikin pawisa tam tham chungchangah nuai sawm/nuai za han tih mai kan ching ta hle. Hei hi sap/hnamdang sawi dan kan copy vang niin a lang. Saptawngah chuan digit thum hi hundred an ti a, hundred sawm chu thousand. Thousand sawm hi sawi dan an neilo nge, ten thousand an ti mai thin. Chu chu Mizo in sing tia kan sawi hi a ni. Sing sawm chu lakh an ti ve leh thung.  Lakh sawm chu million niin trillion - tluklehdingawn an nei leh tawp niin a lang.


A awmzia berah chuan Mizo in number chhiar dan mumal taka kan neih lai hian sap ho hian an nei mumal lo tlat thung. Chuvangin, nuai sawm/nuai za, vaibelchhe sangkhat te an ti ta mai thin niin a lang. Mizo chuan hetianga sawi ngailoin mumal takin kan nei vek a, nuai sawm kan lo tih ve fo te pawh hi maktaduai kan ti fel et thei bik ta a, saptawng kan ngaihhlut vanga hetiang a sawi thin pawh kan niin a lang. Chuvangin, kan tawng humhimna a ni bawk nen number chhiar dan hnamdang te aia kan neih that bikna hi i chhawr tangkai hram hram ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more