1st. Monday : Central YMA hnuaia Sub-committee peng pathumah heng mite hi an tel :
Sports-Pu Samuel Lalmalsawma,
Science & Environment-Pu C. Lalrinawma leh
Training & Youth Affairs-Pu R. Malsawmtluanga
2nd. Tuesday : Sihphir Auto Welfare chuan Sihphir leh Sihphir Venghlun huam chhunga miharsa te tan Christmas thilpek cheng 5000/- theuh - Sihphirah chhungkaw thum leh Sihphir Venghlunah chhungkaw thum a vaiin 30,000/- an sem chhuak.
3rd. Wednesday :
Kum 2026-2027 chhûnga Synod Revival Speaker atan Pu Lalthlengkima Pachuau, Hmarvêng Kohhran chu lâk thar a ni.
4th. Thursday :
Mizoram Music Award ngaihhlut hlawh tak, Lelte Award vawi 34-na sem a ni a, Sihphir Lelte, R. Lalsiampuii (Siampuii Ralte) chuan Female, Best Singer of the Year Award a la.
5th. Friday : Ni hnih awh, Mizoram State Sports Council Golden Jubilee Celebration puala 15th Mizoram State Fencing Championship Multipurpose Indoor a neih chu a tiak. Tuntum hian Sihphir fencer te an che tha hle.
6th. Saturday : KTP Sihphir Branch te chu an Kohhran Biak In leh a chhehvelah an Bethel.
7th. Sunday : Pi Vansangkimi, kum 42 d/o C. Lalhmingthanga, Uppper Dinthar Veng chu 'Internal Bleeding' avangin a zinna, Khawruhlian khua-ah a boral.
8th. Monday : Bial chhunga branch KTP pathum te chuan nakkum hruaitu tur an thlang hlawm.
9th. Tuesday : December thla chhung atan ni za inhlawh thla lak tan a ni leh ta. December work hi ni nga chhung thawh tur a ni.
10th. Wednesday : Lammual a Youth Festival hman mekah Nl J. Lalruatsangi a zai a. Vanapa Hall a YMA Kumpuan 'Ruihhlo Do' hawnna-ah Nl R . Lalsiampuii (Siampuii Ralte) a zai bawk.
11th. Thursday : Sihphir Kohhran Hall-ah Bial Kohhran Hmeichhiate chuan HIV/AIDS chungchang an zirho. Central Kohhran Hmeichhiain September ni 9-a HIV/AIDS chungchang zirho tura a buatsaihah bial aiawhin Pi H.V. Lalchhanhimi, Bial Secretary a tel a, Central buatsaih paper ațangin bialin an zirho ve leh a ni.
12th. Friday :
National Skill Development Corporation, Labour Employment, Skill Development Entrepeneurship Department (LESDE) buatsaih Mizoram pum huap pangpar inkhawisiakah Tv Lawmnakima S/o Lalhunthara, Rinchhan Veng chu pakhatna a ni. He inelnaah hian Mi 119 an tel.
13th. Saturday : C. Zairemmawia s/o CL Dailova (L), Dinthar veng chu LRM hospital-ah ril pawp avangin admit/zai a ni.
14th. Sunday : Sihphir
Kohhran Tleirawl Inkhawm leh
Leitan East Kohhran Tleirawl
Inkhawmte chuan Sihphir Kohhranah
rawngbawl hona an nei.
15th. Monday : Nilaini thleng awh turin Venglai kohhran chuan tleirawlte pualin Synod Camping Centre-ah camping an nei a, mi 87 an lut. Camping-ah hian Upa K. Lalengzama, Sinners Friend Team chu Speaker a ni.
16th. Tuesday : C. Lalrintluanga s/o C.
Lalremruata, Arpu Veng leh C.
Lalrinzuali d/o Upa Dr. Engkunga
Chhangte, Kolasib Hmarveng te chu
Sihphir Kohhranah an innei.
17th. Wednesday : Tv Laltlankima (Tevala) s/o Pu Lalchamliana, Tlangveng chuan Pu C. Lalkhawngaiha, Arpu te doormat zawrh lai, an gate chhung a an dah chu a ru chhuak a, a thil ruk te hi Theihaingaw lamah hmuh leh a ni. Hemi zan vek hian Arpu leh Tlangvengah in engemawzat rawk a ni bawka, Tevala hi a ni em? tih erawh hriat a nilo.
18th. Thursday : YMA kumtawp committee chu RT resort-ah neih a ni.
19th. Friday : Lalnuntluanga, kum 64
F/o Pu Vaneihsanga, Neihbawih chu Synod Hospital, Durtlangah 'Chuap Cancer' natna avangin a boral.
20th. Saturday : Taitesena section YMA te chu zingkarah Sawiremtlang bawlhhlawh te thianin an hnatlanga, zanah Sakawrhmuituai tlanga an signboard siam tha in an hnatlang leh bawk.
21st. Sunday : Presbyterian kohhran Naupang Sunday school exam ni a ni a, Sihphir bialah pawh neih ve a ni.
22nd. Monday : Venglai Kohhran member 8 te chu hun engemawchen rawng an lo bawl tawhna, Tuidu (Tripura) Pastor bial chhunga Shinlung kohhran te Krismas hmanpui tur leh an Biak in sak meka a tul tul thawhpui turte in an chhuak.
23rd. Tuesday : Kawnveng welfare chu hunpui lo thleng tura duty te ai tur thingtuah la in Melsawmkhamah an hnatlang.
24th. Wednesday : YMA chuan Twin Market-ah ni 31 tlaia Sakawrhmuituai tlanga Sunset festival hman tura carnival an buatsaih tur chungchangah reharshal an nei.
25th. Thursday : Kohhran hrang hrangah Krismas inkhawm neih a ni.
26th. Friday : Tualchhung kohhran hrang hrang te chuan Krismas lawmna ruai an theh.
27th. Saturday : LIDCAS te chuan Sehlawh rama Rophum puk leh Sentet muala bak puk te an tlawh.
28th. Sunday : Vengchhung welfare hrang hrang te chuan nakkum lama hruaitu tur an thlang hlawm.
29th. Monday : VC Secretary, Pu Hrangthansanga chuan VC ten tunhnaia kawng kama huan leh inhmun nei zawng zawngte'n kawngba samfai tura ngenna an siam chungchangah mipuiin kan zawm that avanga lawmthu sawina a ti chhuak. Faina kawnga tan la lehzual turin khawtlang mipuite min ngen zui.
30th. Tuesday : Tv K.Vanlalhruaia, kum 50 s/o S. Vanlalhmuaka, Arpu Veng chu Greenwood Hospital, Aizawlah 'Thawhah' natna avangin a boral.
31st. Wednesday : Sakawrhmuituai tlangah tourism department huaihawtin sunset festival neih a ni a, khawtual mi leh khualzin engemawzatin ni tla an thlir liam. He hunah hi tourism department changtu minister, Pu Lalnginglova Hmar leh bialtu MLA, Pu Lalthansanga ten an tel pui.
Comments
Post a Comment