*THI LEH PIANG : Nikum chhung khan Sihphir khuaah nunna chan hi mi 44 zet awm in heng zinga pakhat hi nausen ruhro vek tawha chhar, tu fa nge tih hriatloh niin hmundanga phum pahnih leh khaw dang mi Sihphir thlanmuala phum pakhat an awm bawk.
2025 CHHUNGA SIHPHIR A CHATUAN RAM PAN TE :
1. Dt. 4.1.2025 :
Pu Suresh Bahadur, kum 55, c/o K. Thangliana, Dinthar Veng
(Pu K. Thangliana te bawngpu a ni a, chhungkhat laina a neih awm hriat a nihloh avangin Pu Thangliana te in atanga thlah liam a ni. Chhiatni inkaihhruaina ang erawh chuan engmah kalpui a nilo thung.)
2. Dt.8.1.2025 :
Pi Zatangi, kum 98 Sister of Lalramthanga, Damveng
3. Dt. 11.1.2025 :
Reuben Lalmalsawma, kum 37 H/o Sailopari, Biak In Veng
(An in luah a zim deuh avangin a nupui te inpui, Pu Ngurdawla, Tlangveng Inah a ruang hi dah a ni.)
4.Dt. 13.1.2025 :
Lalthianghlima, kum 89 w/o Rualchhingi, Tlang Veng
5. Dt. 2.2.2025 :
Vanlaltluanga, kum 65 h/o Ronghinglovi, Kawn Veng
6. Dt. 11.02.2025 :
Lalbiaknunga, kum 33 h/o Malsawmtluangi, Kawn Veng, (An in hi pan a hautak deuh avangin a nupui te inpui Pi Rochamliani, Kawnveng Inah a ruang hi dah a ni.)
7. Dt. 22.02.2025 :
N.Kaikunga, kum 96 h/o Laltlanthangi, Kawn Veng
8. Dt. 23.02.2025 :
Pu Johny Lalrinsanga, kum 32, Saizawh, (Pi Lalrampari, Arpu Veng pasal hlui a ni a, an khua pan pui a hautak deuh avang leh a fate khua a nih tho avangin a nu ngenna angin Sihphir lamah phum ani ta a ni. Khual ruang anga ngaih a nih avangin chhiatni inkaihhruaina ang erawh chuan engmah kalpui a nilo thung.)
9. Dt. 28.02.2025 :
Pu Lalhmachhuana, kum 48 s/o Lianthangpuia, Tamlo Veng
10. Dt. 5.3.2025 :
Tv Joseph Lalramhmuaka, kum 28 s/o Lalrohlua, Arpu Veng
11. Dt. 7.3.2025 :
Zonunzira, kum 79 h/o Lalparmawii, Zion Veng
12. Dt. 11.3.2025 :
Pi Lalrinmawii, kum 46 d/o Kutdengi, Tamlo Veng
13. Dt. 11.3.2025 :Tu tih hriatloh ruhro
(Tlanmualah tlangval thlanlai ten an chhar. A vun a filh vek tawh avanga a thihna a rei tawha ngaih a nih avangin FIR pawh thehlut loin phum that nghal a ni.)
14. Dt. 28.03.2025 :
Tv Lalnunmawia, kum 38 s/o K.Lalnunsanga, Kawn Veng
15. Dt. 31.03.2025 :
P.C Thanbanglova, kum 58 H/o Pi Lalthlamuani, Kawn Veng
16. Dt. 12.04.2025 :
Pi R. Lalchhanhimi, kum 46 d/o Lalrinkimi, Arpu Veng
17. Dt. 19.04.2025 :
Lalhmuaki, kum 73 M/o Lalramhluni, Tlang Veng
18. Dt. 25.04.2025 :
Tv Lalthasanga, kum 27 s/o Lalrampari, Arpu Veng
19. Dt. 9.5.2025 Chalhmingthanga, kum 88 h/o Kapzauvi (L), Tlangveng
20. Dt. 12.05.2025
Pi Vânlalzâri (71)
W/o Zokhuma (L)
Arpu Veng (Anni hi Venghlun lam mi leh sa anni a, in an sak lai a nih avangin Arpu (Theihaingaw)-ah in an rawn luah lailawka, hei vang hian Venghlun YMA leh Kohhranin engkim an kengkawh vek a ni.)
21.
Dt. 23.5.2025 : H.Lalhmangaiha, kum 86 f/o H. Lalremruata, Biak In Veng
22. Dt. 23.5.2025 :
R.K Lalduha, kum 93 h/o Rokimi (L), Dam Veng
23. Dt. 24.5.2025 :
Pu Lalnunsanga, kum 42 s/o R.L Thangluia, Kawn Veng
24th. Dt. 24.5.2025 :
Nl Silchuhthangi, kum 88 Sis./o Pu Chuauhluna, Tlang Veng
25th.
Dt. 27.5.2025 :
Pu Benjamin Hn amte, kum 38 s/o Zonundangi, Rinchhan Veng
26. Dt. 28.5.2025 : Tv Lalsiamkima (31) s/o Lalnghilhlovi kum 31, Bawngkawn (Synod Camping Centre a lut a ni a, a tlanchhuah hnuin in lama a hawn mai loh avangin an zawng a, camping centre area ramhnuai-ah thi a hmuh a ni. Khawtlangin kuang nena thlah liam a ni.)
27. Dt. 15.6.2025 Lalrammawia, kum 65 h/o Laltlanmawii, Dinthar Veng
28. Dt. 5.7.2025 :
Thangmawii, kum 89 w/o Taivela (L), Rinchhan Veng
29. Dt. 10.7.2025 :
Laldawngliana Rawite, kum 68 h/o Duhchhungi, Chhanhim Veng
30. Dt. 15.7.2025 : Lalmawiipuii, kum 50 d/o Lalthlamuana (L), Kawn Veng
31. Dt. 16.7.2025 :
Lalrammuana, kum 32 h/o Lalbiakdiki, Neihbawi
32. Dt. 31.07.2025 :
Lallunghnema, kum 84 f/o Zionthangi, Arpu Veng
33. Dt. 2.8.2025 :
Timothy Lalruatdika, Thla 5 s/o Lalrinfela, Tlang Veng
34. Dt. 6.8.2025 : H.Lalhluna, kum 82 h/o Pi Sangthuami, Chhanhim Veng
35.
Dt. 24.8.2025 :
Tv Lalsangbera, kum 37 s/o Pu Zomawia, (L) Kawn Veng
36.
Dt. 6.9.2025 :
F.Lalhmangaihi, kum 46 w/o Zoramsanga, Kawn Veng
37.
Dt. 10.9.2025 :
Pu Zarzoliana, kum 48 s/o Lalthakima (L), Dam Veng
38.
Dt. 25.09.2025 :
Tv J.Vanhnuna, kum 93 c/o Pi Lalramliani Vanchhawng, Arpu Veng
39.
Dt. 5.10.2025 :
Pu Sangzawna, kum 63 s/o Chalthangvungi (L), Chhanhim Veng
40.
Dt. 09.10.2025 :
Pu P.C Lalremsanga, kum 53 f/o Lalmuankima Venglai
41.
Dt. 10.11.2025 :
Pi C.Vanlalruati, kum 88 w/o TC Lalpartlana (L), Arpu Veng
42. Dt. 7.12.2025 : Pi Vansangkimi, kum 42 d/o C.Lalhmingthanga, Uppper Dinthar Veng
43. Dt. 19.12.2025 :
Pu Lalnuntluanga, kum 64 F/o Vaneihsanga, Neihbawi
44. Dt. 30.12.2025 :
Tv K.Vanlalhruaia, kum 50 s/o S. Vanlalhmuaka, Arpu Veng
Hetih mek lai hian sub-center hotute hnen atangin kan hriat dan in nau piang zawng zawng hi 105 niin mipa 49 leh
hmeichhia 56 an ni bawk.
*UPA BER THI : Kum 98 na nang mek, Pi Zatangi c/o Ramthanga, Damveng chu
January ni 8 khan an chenna inah awmlaiin a boral. A ni hi Kelsih khua-ah June 27, 1927 khan a piang a, Sihphir khuaa upa ber nia hriat a ni. A ni dawta upa ber, 23.6.1929 a piang, Pu N. Kaikunga h/o Laltlanthangi, Kawn Veng chu February ni 22 khan a boral ve leh.
Tunah hian Pu Kawlkunga h/o 7.7.1929 a piang hi upa ber a kan neih a ni mek a, kum 96 na hmang mekin a beng a chak vaklo e tih loh chu a la hrisel tha hle. Kum za tal min dampui se kan ti hle.
VC ELECTION : Zoram hmun dang rualin February ni 12 khan tluang takin VC inthlan a ni a, inthlanah hian party lian pathum : ZPM, INC leh MNF te chuan candidate 9 theuh neiin ZPM chuan seat la tam berin seat nga an la a, INC in seat thum leh MNF ten seat khat an la ve bawk.
Inthlan tukah hetiang hian Executive Body hetiang hian siam fel nghal a ni :
President : Pu R. Lalremruata
Vice President :
Pu H. Vanlalruata
Treasurer :
Pu R. Lalduhzuala
Secretary :
Pu Hrangthansanga
*KHAWCHHUNG KAWNG SIAM : March ni 6 khan VC huaihawtin YMA, MHIP, MUP leh Political Party hrang hrang aiawh bakah Prominent Citizen leh Surveyor kan neihten Sihphir khawchhung kawng siam tur chungchang ngaihtuahin
Rohrenga Hall-ah Emergency Joint Meeting an nei. He hunah hian Road
Protection Committee tia hming vuah chu an din.
Committee ruahman angin khawchhung kawng chu tunhmaa kan la neih ngailoh, cement concrete in SLT Infracon Pvt Ltd. chuan an rawn siam. Kawng hi Neihbawia Pu Zahmingliana in bula atanga tanin a karah chawlh zeuh zeuh a awm hnu in chhim lam kawng siam (Selesih-Venghlun) chu va pawhin hei hi December ni 21 khan motor kal theih a hawn a ni a, khawchhung kawng chu a tluana zawhfel a ni. Technical report-a a lan danin kawng chhuat zau zawng hi 8.00 mtrs a ni a, (motor zawh tur chin 6.00 mtrs) a chhuat chhah zawng hi 100 mm a ni thung.
*RUANG CHHAR : March ni 11 khan Sihphir thalai thlan lai ten nausen thi chu hnim pik karah an chhar. A vun a filh vek tawh avangin a thihna hi thla khat emaw tal chu ni tawh tura ngaih a ni. Puana fel taka tuam thlap ani a, diaper te pawh a hren thlap avangin nau tih tlak niloin pangngai taka piang ni tura ngaih a ni. Chhuichhuah a har tawh hmel avangin thubuai a la loin thlan laih lai mawngah dah zui a ni.
May ni 28 khan Synod Camping Centre a Camper pakhat, Tv Lalsiamkima kum 31, Bawngkawn lam mi camping atanga May ni 7 a tlanchhuak ruang chu hmuh a ni bawk.
*UI REGISTRATION : April ni 15 khan thenawm State, Manipur-ah nasa takin ui a hri (Rabies) a len avangin Village Council chuan ui vulhtu te chu YMA hall-ah a ko khawm a, ui vulhtu mi 253 zet an kal. He hunah hian ui registration tih nghal ani a, Sihphir mi, ran Doctor kan neih pahnih, Dr Agnes Zodinsangi d/o Chhingvunga, Arpu
leh Dr Lalrinawmi (Awmawmi) d/o Lalrinzuala, Tlangveng ten Vaccine chungchanga leh ui hri leng mek chungchang a ui vulhtute hriattur pawimawh hrang hrang te an sawi bawk.
Hemi hnu hian nasa takin ui khuahkhirh zui a ni a, a neitu tello a ui chhuak reng reng chu VC member remchang te hnenah thlenin ui neitu te hian pawisa chawiin an ui te chu an lam ta thin a, registration no tar lo te phei chuan an chawi hnem zual nghe nghe. Hei hian khawlaia ui chhuak pawh a ti ziaawm hle.
*SIHPHIRIN PRO VOLLEYBALL KHEL : Mizorama volleyball inelna sang ber, Mizoram Pro Volleyball League chu Sihphir volleyball club te chuan a hmasa ber atan an khel. April ni 29 atanga May ni 24 chhunga khelh, Mizoram Pro Volleyball League-ah hian team 6 awmin an vaia an intum kual hnu-ah Sihphir club hian club 2 hneh neiin a pumpui-ah panga na an ni. Sihphir club-ah hian Pu C. Lallianzuala, Venglai chu president niin Pu Lalchhuangliana, Durtlang chu coach a ni thung.
Pro league hi khelh chhunzawm zel ni in Mid session leh pro league an la hma chhawn leh ang. Pro league khelh hun chhung hi 2025/2026 thleng tur a ni ang.Volleyball Mizoram khawvel ah chuan pro in elna hi a sang a ni.
BO ZAWNGIN HNATLANG : June ni 12 a a ram chhuak a hawnloh avanga a chhungte mangangin khawtlang mipui an pun hnu-ah Pu Lalrammawia, kum 65 h/o Laltlanmawii, Dinthar Veng chu thi a hmuh a ni.
Hmuh a nihna hmun hi Sarepkawn piah, Khiangzawl tlang hnuai a, Pu Thangliana, Tlangveng te ram chhung a ni a, helam zau a kal ten a sulhnu niawm tak an hmuh atanga chhuiin an hmu ta a ni. A lo awmna hmun hi hmun rem lai niin fel takin a lo thu mu a, a taksa-ah hliam a lang mai lo bawk nen, a chauh tawngkhawng avanga thil thleng nia ngaih a ni.
*HULHLIAP SHORT STAY CENTRE : Mizoram sorkar leh Synod tangkawp buatsaih in Synod Camping Centre-ah 'Hulhliap Short Stay Center' tia vuahin ruihhlo ngaite pualin camping tum 6 neih a ni. Harsatna lian tak a awm nih loh chuan Hulhliap Short Stay hi batch 3 dang kal pui leh tum a ni nghe nghe.
Batch 6 neih chhung hian Campers Admit zawng zawng hi 1528 an ni a, a tawp thleng a awm erawh 936 an ni thung. Camping-ah hian Sihphir thalai engemawzat lut an awm ve a, venhimna lam leh eirawngbawl te in kan thalai ten inhlawh nan an hmang ve bawk.
*EDITOR VAU : July ni 27 khan Pi Sumkungi w/o K. Vanlalruata, Tamlo veng te nufa chuan Sawiremtlang chanchinbu editor chu chanchinbua thuchhuah pakhat, phaia Sihphir nula ruihhlo zuar man, tunge a nih tarlan loh chu anmahni chhung te nia inngaiin an thulakna hrilh turin leh a sawilo a nih chuan thubuaia lak an tum thu in an vau. Hemi hnu hian an unaupa nia insawi, mipa pakhat chuan telephone kaltlangin FIR thehluhah a vau chhunzawm. An beisei ber chu chanchinbu chhuak leh hmasa berah an thulakna tarlang turin an ti a ni.
Hetiang a nih avang hian YMA Media Sub-committee (chanchinbu enkawltu) a OB incharge a tel chuan an ina lenchilhin thil awmzia a sawi a, boruak duhawm a awm theilo. Chanchinbu chhuak lehah hmasa berah chuan, "Kha nula kha tu nge a nih a, ruihhlo avanga man a tawk ngei em tih kan chiang bik lo a, tuallai ti ti a kan hriat a ni a, kan khawtlanga ruihhlo chungchang thu thang a tam lai a lo nih ve bawk avangin thu dik a ngaia tarlang mai kan ni," tia tarlangin thawm a reh zui.
*DAMDAWI IN THA : August ni 4 khan India ram a sorkar damdawi in tha bik thlang tu, National Quality Assurance Standards chuan kan khaw damdawi in, Sihphir Urban Primary Health Centre (UPHC) chu India rama sorkar damdawi in tha zual zingah a rawn thlang.
Damdawi In tha bik tehna 'National Quality Assurance Standards (NQAS)'-a tling tur hian June ni 27 leh 28 khan Central lam mithiam ten rawn kalchilhin uluk leh fir takin an endik a. Sihphir UPHC hian points 93.93% lai a hmu a ni. Hetianga thlan a nih avang hian kum 3 chhung kumtin hospital hman tur cheng nuai 3 a dawng thei dawn a ni.
*MSSC GOLDEN JUBILEE LAWMNA SIHPHIRAH : Mizoram State Sports
Council (MSSC) kum 50 tlin lawmna pualin September ni 5 leh ni 6 khan Mizoram Sepaktakraw Association chuan 9th Sepaktakraw
Championship 2025 chu YMA Hall-ah an buatsaih a, Multi Purpose Indoor Hall-ah Mizoram Wrestling Association chuan October ni 4 leh ni 5 khan 8th Inter District Wrestling Championship, Senior & Mizo Inchai Tittle fight challenger's leh December ni 4 leh ni 5 ah 15th Mizoram State Fencing Championship an buatsaih bawk.
Aizawl atangin kan hnai bawka, event lian zawk kan la thlen zel a rinawm.
THLANMUAL LANE THAR : YMA leh VC te tangkawp chuan November thla khan thlanmual tharah (no 2) lane thar 18 zet an siam.
Lane thar hi tuna kan hman lai mawng lamah niin, laihzawlah khur hi siam a ni.
TUI CONNECTION : November ni 11 khan Tamlo veng, Zion veng leh Kawnvengah te
Sihphir Watsan Committee chuan tui an sem. Mahse,
Kawnveng leh Tamlo veng lam main line a lo put avangin hemi ni hi chuan a khaihlak deuh thung. A hnu-ah theih ang anga chhunzawm a ni.
He thil hi Central sorkar in kum 2019 khan flagship program a a ruahman a ni a, chu program hming chu Jal Jeevan Mission (Gramin)/JJM tih a ni. India rama thingtlang khua zawng zawngin tui thianghlim, hnianghnar leh supply chatlak lo an dawn theihna tura ruahman a ni.
*FUTSAL GROUND : Futsal ground atan Dakla lui kawnga Pu Lalthankima (Aizawl lam mi) huan chu V/C te chuan ni za inhlawhna pawisa an khawl ₹ 4,100,000/- hmangin an lei a, November ni 26 atanga December ni 13 chhung khan laih a ni. Hemi hmunah hian a remchan dan azirin volleyball court pawh awm thei tura ngaih a ni bawk.
Hetih mek lai hian Neihbawi lama football khelmual tur pawh theihtawpa chhunzawm reng a ni bawk.
*SUNSET FESTIVAL : December ni 31 ni tla chu 'Sunset Festival' tia vuahin tourism department buatsaih in Sakawrhmuituai tlangah neih a ni a, mi thahnem takin tlang atang hian ni tla an thlirliam.
He hunah hian tualchhung zaithiam te an zaia, YMA lam te security leh traffic lamah a tul tul thawkin an inhlawh a, parking tualah carnival an (YMA) buatsaih bawk.
Comments
Post a Comment