FINANCE PAWIMAWHNA

  (Sawiremtlang editorial)

Hringnunah hian sum enkawl dan mumal tak neih hi thil pawimawh ber pawl a ni awm e. Sorkar department-ah pawh an dah pawimawh ber pawl niin tunah phei chuan kan chief minister in a chang hial reng a nih hi. Sum enkawl thiam chu an dingchhuaka, enkawl thiamloh erawh tlakranna. A pawimawh ber chu lakluh aia tam hman tumloh hi a ni awm e. 

Chhungkua mai bakah pawl ang pawhin sum enkawl thiam hi a pawimawh em em a, mi pamham lo leh a ngaihna hria in an enkawl chuan khawsak pawh a ziaawm phah hle thin. 

Pawl a lo din hian nihna (OB) post hi paruk kan nei tlangpui. A pawimawh ber awm bik lo mah se financial hi a pawimawh takzet tih hriat a tha. Mahse, kan dah pawimawh lo ber emawni paruk zinga a hnuai berah kan dah a, hruaitu tling thar te post-ah kan dah deuh emaw tih mai tur a ni hial mai. 

Thenkhat lah hian treasurer a awm chuan finance hi chu a ti kim tu ang lekin kan ngai niin a lang. Section angah phei chuan pawimawhna neilo ang maiin kan ngai niin a lang.Treasurer in a sum vawn lo enpui tu a ni a, chanvo pawimawh tak a ni  tih hriain kumin chho chu a nih tur anga awm thei tura tanlak i tum ang u.