Skip to main content

POLITICIAN TE RILRU

  (Sawiremtlang editorial)


Upa in 'Tawngkam tha in sial a man' an ti mathlawn loin kan chunga thil tha ti tu te laka lawmthu sawi nachang hriat hi a tha hle. Ngawih ngawt ai chuan lawmthu kan sawi na te pawh an lawm viau zawk ngei in a rinawm. An lawm lemlo a nih pawhin an thinur phah dawnlo tih a chianga, a tha hrim hrim tho mai. Tin, mi fak te pawh hi a chunga sawi ang khian a dawngsawng tu tan chuan thil lawmawm tak a nih a rinawm bawk. 


Mizo te hi kan kam a tlawm khawp a, mi han fak mai emaw lawmthu sawi leh ngaihdam in dil ang chi te hi kan hreh hle thin. Hei hi kan hnam ze thalo tak a ni awm e. 


Mipui rawngbawl tu, a bik takin politician ho hi an tawngkam a tha in dawnsawn a nuam tlangpui. Anmahni atanga inzir te pawh hi a tha viau in a lang.  Anmahni ngei pawh hian politics a an luh hma chu an khum chiang hlawm ngawtin a rinawm. Chumi awmzia chu politics hi tawngkam tha inzirna hmanraw tha tak a ni tihna a tih theih ang. 


Politician te kan faka, an hnen atanga inzir a fuh thu sawi hial mah ila, politician tam zawk hi mi rilru mumal lo tak an ni hlawmin a lang tho mai. A chhan chu rulling lai leh opposition lai rilru a danglam nasat em thin dan a tang hian a hriat theih ang. Chu chu session liamta a kan legislator ho tawngkam a tang pawh khan a chiang mai awm e.


Tuna kan sorkar neih mek te pawh hi 'sawiloh anga awm' tiin thenkhat chuan an puh fiam hial a nih hi. A dikna chen pawh a awm ve bawk in a lang. Mahse, tuna sorkarna fung vuantu te mai niloin sorkar kal ta te pawh kha sawiloh ang zela awm chu an lo ni vek hlawm tho niin a lang. 


Chuvangin, politician te chu mi lelo tak leh thenkhat phei chuan misualah riak kan puh pawh a ni maithei. Engpawhnise, an ni vek hauh lo ang tih a chiang a, a mihring a zirin mi fel tak tak pawh an awm ang tih ring ila, politics a inhnamhnawih leh inhnamhnawih kher lo te pawhin kan mamawh chu ze nghet hi a ni awm e.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more