Skip to main content

GRAM SABHA NGAIH PAWIMAWH

  (Sawiremtlang editorial 5/8)


Tunkar Thawhlehni zing khan Rohrenga hall-ah Gram Sabha neih ani a, member 50 vel an kal.


Gram sabha neih tur hriattirna hi a hma tlaiah VC secretary chuan WhatsApp group lamah a tarlanga, a ziah dan tak phei chuan 'Job Card neite atangin aiawh puitling pakhat tal kal ngei ngei tur ani.' tih a ni. He thu post a nih hnu hian tlangauna hmangin hriattir leh kan ni bawk. 


Heti chunga mi heti zat lek kan kal mai hi a zialo takzet a ni. Tunah hian job card hi 1144 a awm nia hriat a ni a, hei zat awm zinga 50 vel chauh kal chu a zah pawh a zahthlak takzet a ni. Tunhma deuh khan gram sabha ngai pawimawh lemlo mi thenkhat chuan chhuanlamah 'Kan sawi ho a, an (VC) duh angin thu an ti tlu leh tho' an ti thin. Hemi chunghang kherlo ah pawh pawl hruaitu te chuan ruahmanna an rawn siam a, member ten kan sawiho thin a ni. Kan thu azirin VC (pawl hruaitu ten) ten ruahmanna siam tura tih chang a tam mai. Hei hi thil kalphung ve reng a ni a, VC te dem na chi niin a lang lo. 


WhatsApp leh tlangau a hriattirna puanzar a nih chuan kan kal ngei tur a ni a, phut kan nih avanga kal tur niloin kan tih tur a ni tih hriat a tha khawp mai.


Thawhlehni a Gram Sabha neih a nih tum hian chairman, Pu R Lalremruata, VCP chuan gram sabha hi neih na chhan tur a tam thu leh an inthlahrun deuh avanga a nazawnga an koh thin loh thu a sawi. VC te tan chuan thil awm tak pawh a ni ang. A nihna takah chuan ni za inhlawhna chungchang kherlo-ah pawh khawtlang inhmuhkhawm (gram sabha) hi chu thla khata vawikhat tal neih pawh hi thil tul tak pawh niin a lang zawk e.


Engpawhnise, khawtlang hruaitu ten tih tur an tih zawm mai hi khua leh tui tha nihna a ni a, ka tih tur a ni tih hriaa, ngaih pawimawh a tul khawp mai.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more