1st. Friday : Ruihhlo man sak a nih avanga tanin thleng, Pu Malsawmtluanga, Dinthar veng te in chu Jt. NGO thurel angin V/C ten thla 6 chhung atan an kalh sak.
2nd. Saturday : Timothy Lalruatdika, Thla 5 s/o Lalrinfela, Tlang Veng chu an chenna Inah 'Khawsikpui' avangin a boral.
3rd. Sunday : Venglai Kohhran hmeichhia ten kohhran thlaithar thawhlawm hnu Chawlhni leh a an tih thin dan in thlaithar thawhlawm an lakhawm a, heng an hralhna atang hian Rs 11,200/- hmuh a ni.
4th. Monday : India ram a sorkar damdawi in tha bik thlang tu, National Quality Assurance Standards ten June ni 27 leh 28 chhunga Sihphir Urban Primary Health Centre (UPHC) an rawn endik result chu hriat a ni ta. Hetah hian kan khaw damdawi in chu India rama sorkar damdawi in tha zual zingah a thlang. Sihphir UPHC hian points 93.93% lai a hmu nghe nghe. Hetianga thlan kan nih avang hian kum 3 chhung kumtin hospital hman tur heng nuai 3 chu kan dawng thei dawn a ni.
5th. Tuesday : Hulhliap Short Stay 2nd Batch, Synod camping centre a neih mek a sorkar hun tawp kharna chu Kulikawn Kohhran te bultumin neih a ni a, he hun hi Dr Lalhriatzuali Ralte, Director Social Welfare chuan kaihruaiin Praise & Worship Team te nen hun hman a ni. Sawm a nih Tual upa H. Lalrindika, Arpu chuan he hun hi a han hmanpui.
6th. Wednesday : H. Lalhluna (82)
W/o Sangthuami, Chhanhim veng chu an chenna inah chuap thalo avangin a boral.
7th. Thursday : Khawhar (H. Lalhluna) lenpui tu thalai te hma-ah chhiat tawk chhungte atangin Tv Lalthatpuia chuan mi chhiat tawk lawmthu sawi te thusawi a ngaihthlak liam puat thin laia mahni ngei in'a han tawh ve takah chuan a dan a dan hle thu sawiin thalai te hnenah an beisei phak baka tuamhlawmna an dawn avangin lawmthu a sawi.
8th. Friday : PES Venglai te chuan naupang himna chungchangte, mipat
hmeichhiatna lama harsatna thleng thei
hrang hrang inhrilhfiahna bakah a hrem theihna dan inzirtina hun an
hmang a. He hun hi Mizoram State
Child Protection Society lam atangin member pali in an rawn hmanpui.
9th. Saturday : July 21 atanga Synod camping centre a tan, Hulhliap-Short Stay Centre chu an chhuak. Camping -ah hian a tirah mi 548 an lut a, a tawp thlenga awm hi mi 248 an ni.
10th. Sunday : BSI area meet chu Venglai Kohhranah neih a ni a, he hunah hian Rev H. Lalzuiliana, Presbyterian pastor chu campaigner a ni. He hun hmang hian Leitan area BSI zaipawl chu sawm an nih angin an rawn zai.
11th. Monday : MPSC in Mizoram H&FW Department hnuai a mi tur Sr. Grade of Mizoram Health Service (Specialist Sub-Cadre) tur result a tih chhuahah Dr. Lawmsangzuala s/o H.S Lalhlimpuia, Sihphir Dam Veng a tling a, a pumpuiah pakhatna a ni nghe nghe. A Department tur chu Radio Diagnosis a ni ang.
12th. Tuesday : Sakawrhmuituai leh Sethupkawn
inkar kawngpui, kawng black top thalo avanga tun hnaia motor tam tak an tangkhanna leh an tan thinna chu Aizawl DC
tirhin Tlangnuam BDO leh Engineer
ten an rawn enfiah. Anni hi VC ten a hmunah an
kalpui a ni.
13th. Wednesday :
Rohrenga Hall-ah Ni 100 inhlawhna July thla hlawh sem a ni.
14th. Thursday :
Pi Lalrindiki, Tamlo veng chuan Synod Hospital-ah thi sa in nau a hring.
15th. Friday : India ramin zalenna a neih champha
vawi 79-na a ni a, India mai bakah Zoram hmun hrang hrangah ropui taka lawm
a ni a, Sihphirah pawh VC ten VC House Kawtah hmang ve in VCP, Pu R Lalremruata chuan hnam puanzar a pawt pharh.
16th. Saturday : 45th Robula Chess Tournament (fide rapid rating)
Under 15 Category-ah Lalhlimpuia Varte s/o Lalthanhawla Varte, Arpu chuan lawmman pathumna a la.
17th. Sunday : Emy Lalneihpuii, Pu Thangropuia tunu, Chhanhim veng chu Venghlun lam motor in su palhin damdawi inah kalpui nghal a ni.
18th. Monday : Pu Lalhruaikima, Tlangveng chuan YMA te sa channa chem a pe a, a chungah YMA hruaitu te an lawm hle.
19th. Tuesday : Nl. Lalhminghlui (Mapuii) d/o H.D. Darthankima, Damveng chu Datta Meghe Institution of Higher Education & Research, Maharashtra atangin M.sc Nursing (Obstetrics and Gynaecology) chu 1st Division-ah a pass.
20th. Wednesday : I&PR Auditorium -ah EF&CC department bultumin District Level Committee in Non-notified Tree Forest Area meeting neih a ni a, hunah hian VC leh YMA aiawh tel tur a nih angin VC atangin Tv Eddie Lalhmangaihzuala leh YMA aiawh in Pu C. Lalrinawma te an tel ve.
21st. Thursday : Pu Joseph Lalsangzuala, Damveng te chuan chuan a pathumna atan naute thar (mipa) an nei.
22nd. Friday : YMA chuan Rohrenga hall-ah HSLC leh a chung lam pass tha te leh Sihphir khuaa kawng hrang hranga mi hlawhtling, an vaiin mi 86 te chu chawimawina a hlan. He hunah hian Tv Lalnunhlua, MPS chuan fuihna thu a sawi.
23rd. Saturday : Venglai Pavalai Pawl te chu West Phaileng Chhim veng kohhran Pathianni hmanpui turin an zin chhuak. He hunah hian member 15 an kal a ni.
24th. Sunday : Tv Lalsangbera,
kum 37, s/o Zomawia (L), Kawnveng chu a chen mekna, a u Ramlawma in, Kawnveng chuan hnuai-ah internal bleeding avangin a boral. A ruang hi a u pakhat, Zoramtluanga, Kawnveng inah dah a ni.
25th. Monday : Hulhliap Short Stay Synod Camping Center-ah tan a ni leh ta. Camping-ah hian Sihphir atang pawhin mi engemawzat an lut.
27th. Wednesday : Tv. HV Lalrinawma s/o HV Lalmalsawma, Tlangveng chuan Bachelor of Vocation (B.Voc.) chu MZU hnuai-ah pass in, a pumpui-ah pakhatna a ni.
28th. Thursday : Polling Booth thar atan YMA Hall Tlangveng puan thar a ni. He booth-ah hian voter 643 an awm dawn a ni.
29th. Friday : Sakawrhmuituai Development Committee te chu hmalakna tur chi hrang hrang relin VC House-ah an committee.
30th. Saturday : Mizoram Rural Bank hnuaia thawk mêk, R. Lalbiakhlua s/o R. Lalremruata, Damvêng leh Lalpekhlua s/o Lalchhûnga, Arpu Vêng te chu Officer Scale I aṭangin Scale II ah an kaisanga, Lalrindika s/o M.S. Dawngliana, Kawnvêng pawh Office Assistant aṭangin Officer Scale I ah a kaisang bawk.
31st. Sunday :
Chawhma leh chawhnu inkhawm hun hmangin ATC a zirlai ten Sihphir Pastor Bial chhunga Kohhran hrang hrangah Field Education an rawn nei.
Comments
Post a Comment