1st. Friday : CID (SB) leh Special Narcotic PS staff-te chuan Zemabâwk leh Seling inkârah Yodha Pickup–Lalṭhazuala (45), Republic Mualvêng, Aizâwl khalh aṭangin crystal meth kilogram 20.30, chêng vaibelchhe 300 man hûa chhût leh heroin kilogram 1.652, chêng nuai 49.56 man hûa chhût an man.
2nd. Saturday : Bairabi bul Tlawng lui PWD kaiah Vânlalpêka (12), Bairabi North Rimâwi Vêng chu a tla hlum.
3rd. Sunday : Saitual leh Tuivawl inkara tlan, Truck lian MZ01AA - 7971 chuan a hitachi phurh lai chu a thlauh. Hitachi a chuang, Operator, Hussain (40), Silchar lam mi chu a delh hlum.
4th. Monday : Chief Minister hlui, MNF President, Pu Zoramthangan Mizoram Sawrkarin a ruka State Capital Aizawl atanga Thenzawla sawn a tum dan kalphung chu thil kalhmang a nihloh thu MNF Party Office Mizo Hnam Run-a an party political session-ah a sawi.
5th. Tuesday : Tv Lalhminghlua (kum 22), Durtlang Leitan zing dar 0:02 (12:02) ah a thi a, zing dar 5-ah a pa, Lalbuatsaiha (kum 43) a thi ve leh.
6th. Wednesday : Chakma Autonomous District Council huam chhunga Kamalanagar ‘West’ bialtu, MDC, Pu Sanjeev Chakma a thih avangin By-Election neih a ni. By-Election-ah hian Candidate 4 an awm a ni.
7th. Thursday : Assam Rifles-te chuan Chhûngte khua-ah foreign cigarette bâwmpui 69 leh bâwmtê 10; a vaiin chêng nuai 89.96/- man hu an man.
8th. Friday : Chakma Autonomous District Council-a Kamalanagar West bial by-election-a vote tlate chu chhiar a ni ta a, hetah hian Dinesh Moy Chakma, ZPM party candidate chu vote 724 hmuin a tling. Amah hnaih bertu BJP candidate, Joydeep Chakma chuan vote 9 in a phaklo a ni.
9th. Saturday : World Indigenous Day a ni a, he ni pual hian Zo Re-unification Organisation (ZORO) Vice President, Pu L Ramdinliana Renthlei chuan Zo hnahthlak zawng zawngte 'World Indigenous Peoples’ Day chibai a bûk.
10th. Sunday : Lalhlunpuia in, Champhai Venglai chu an Sunday school kai hlanin Tuansianmanga, Letpanchhhawng, Ramhlun Venglai leh a thianpa (a thianpa hi hrelo angin a insawi!) a khawsa mek ten kawngkhar karchhiain an rawk a, steel almirah chhunga dah, pawisa fai Rs. 2,50,000/- an lak bakah mobile phone (Redmi Note 12) an la tel bawk.
11th. Monday : Ram pum huap rulhut hlo pek beihpui thlakna programme (National Deworming Day) hawnna hun (launching programme), Mizoram hmun hrang hrangah hman a ni. A hmanna pui ber, Government Central Higher Secondary School, College Veng-ah chuan Samuel Ralte, EE, AWDD, North Division, PHE, Aizawl chuan khuallian niin a chhim.
12th. Tuesday : National Highway 06 (Kawnpui to Sairang Road) chu, lirthei eng chi tan pawh zawh theih a hawn a ni. Hetih rual hian Kawnpui to Durtlang kawng (Tlangkawng lam ah) LMV (Motor te) chin chauh kal phal a ni leh ta thung.
13th. Wednesday :
Nasha Mukt Bharat Abhiyan (Drugs Free India Campaign) Mizoram State Level leh Aizawl District Level bultumin Aizawlah School leh College hrang hrang atanga zirlai te chuan kawng an zawh a (Rally- Fight Against Drugs), Chief Minister, Pu Lalduhoma chuan a telpui. Chief Minister chuan, 'Mizoram hi ruihhlo siamna hmunpui Golden Triangle an tih mai depa awm kan ni a. A kal kawnga awm kan nih avangin ruihhlo hi hmuh tur a tam thin. Nimahsela, ruihhlo hian eng thil tha mah min pek loh avangin, kan ban phak lekah awm mah se kan ti ve tur a ni lo. A ruka zuarte pawh hi khawtlang hian hnawl ngam ang u. An phu tawk hremna hmu ngei rawh se. Mipuite tang tlang ila, he thil tha lo tak lakah hian kan hnam hi veng him ang u. Kan thalaiten eng ruihhlo mah hi lo ti chhin suh u. Tih chhin hi a bawiha luhna kawngka a ni,' a ti.
14th. Thursday :
LADC Chairman Pu T. Zakunga kaihhruaina hnuaiah, LADC Session neih a ni a, Governor thupek angin CEM, Pu V. Zirsanga chuan House-ah thlawptu Member a ngah tawk leh tawk loh fiah tura tih a ni a, Pu V. Zirsanga chuan, LADC Chairman kaltlanga banna a thehluh avangin floor test neih ngai lovin, LADC Chairman hian House-ah CEM banna a chhiar chhuak a, Pu V. Zirsanga kaihruai Executive chu a tla tih a puang.
15th. Friday : India ramin zalenna a neih champha
vawi 79-na chu India ram hmun hrang hrangah ropui taka lawm
a ni a. Mizorama he ni hi hmun hrang hrangah lawm ve a ni. A lawmna pui ber, Aizawl Sipai Lammuala neihah Chief
Minister, Pu Lalduhoma chuan khuallian niin a hmanpui.
16th. Saturday : LBS-SUZUKI 1st Inter-Branch YMA Futsal Tournament 2025 chu a hmawr bawk a ni ta. Final-ah hian Zonuam chu 2-5 in Dinthar in an hneh.
17th. Sunday : Serchhip AOC Veng-a cheng HD. Malsawmpuia, kum 14 s/o HD. Lalhmachhuana chu Serchhip Entlang-a Chhunkhah tuikhuahah chesualin tui-ah a tlahlum.
18th. Monday :
State Transport Authority (STA)-in two wheeler taxi rawng a vâr vek ni tura a rêl tawh chu a taka kalpui tan a ni.
19th. Tuesday :
Runliani (80), Maubawk chu a chenna inah Vanlalmuanchhana (21), Maubawk chuan a hrawkah chemte a zai in a that a, pawisa fai engemawzat a laksak bawk.
20th. Wednesday : School Education Minister, Dr. Vanlalthlana leh Education Consultant, Rev. Dr. K. Thanzauva hoin Education, SCERT leh Samagra hotuten Common Question kalpui tur chungchang an rel a. Sorkar enkawl zirna in-a pawl 5 leh pawl 8 zirlaiten Common Question an chhan tur hi a hmingah Standardized Assessment for Elementary Schools (SAfES) tih an vuah a, he ruahmanna hi Mizoram chhunga Government leh Govt. Aided (deficit, adhoc, lumpsum) school zawng zawngah hman a ni ang.
21st. Thursday :
Lunglei-a Saikuti Hall enkawl hna chu m Lunglei Municipal Council (LMC) kutah hlan a ni ta a, Saikuti Hall hi Management of Saikuti Hall Rules, 2003 hmangin RD&AD Secretary kaihhruaina hnuaiah Managing Board in a enkawl a, a taka enkawl zui hna thawk turin Lunglei DC kaihhruaina hnuaiah Managing Committee din leh a ni a, inremna siam a nih hnuah Lunglei DC leh LMC-a Chief Executive Officer te chuan hming ziah hnanin LMC kut-ah Saikuti Hall hi hlan a ni ta a ni.
22nd. Friday : USA lama hun rei tak zaia rawng a bawl hnu in Mizo zaithiam lar, J Lalrosanga chu a lo haw. A fan ten airport-ah an lo hmuak nghe nghe.
23rd. Saturday : Mahindra & Mahindra chuan electric car an siam chhuah, BE 6 chi danglam, mi tlem tê chauhin an lei theih turin Batman Edition an tichhuak a. A tirah 300 chauh tura an ruahman chu duhtu an tam deuh avangin 999 an siam leh phah. Hei hi second 135 chhungin a zo vek!
24th. Sunday : Ni hnih awh, Aizawl North Area Masihi Sangati Sammelan, vawi 34-na chu Durtlang Kohhran a neih chu a tiak. He Sammelan-ah hian Rev. R.K. Lalawmpuia, i/c Aizawl North Pastorate chu Speaker a ni.
25th. Monday :
Dampa bialtu MLA a thih avanga bye-election neih tur atan ZPM President, Lalliansawta chuan an party pisa-ah an party candidate atan Vanlalsailova ruat a nih thu a puang. Pu Vanlalsailova hi 2023 inthlanpuiah khan Dampa bialah hian lo ding tawhin, vote 5,926 a hmu a, thlan rlin tak, MNF candidate, Lalrintluanga Sailo chu vote 292-in a hneh lo a ni.
26th. Tuesday :
Lunglei Municipal Council (LMC) hotute chuan Lunglei Convention Centre-a BoC Meeting Hall-ah LMC din tirh aṭanga an hma lakna hrang hrangte thu thar theh darhtute hma-ah an puang.
27th. Wednesday : Ni hnih awh tur,
Mizoram State Legislative Assembly pakuana ṭhutkhawm vawi ngana chu Assembly House-ah ṭan a ni. Member thi ta, mi pahnih sûn an nih bakah, zawhna leh chhanna hun hman a ni a, resolution pakhat pawm a nih bakah, bill pahnih pawm a ni bawk.
28th. Thursday :
Lunglei Police-te chuan Kâwizau chhak Lunglâwn, Lungleia Dove Sintex bul workshop-ah C. Lalkrawsthanga (25), Ngharchhîp kut aṭangin heroin hâwng 5 an man a; a damdâwi lo leisaktu, Rebecca Lalzawmngheti (24), Rahsivêng, Lunglei an man tel bawk.
29th. Friday : Bawngkawn kawngpui lun lai takah Rochhingpuia (44) s/o Haitinsanga, Bawngkawn Shalom Veng chuan pistol-in Lalhriatrenga Siakeng (21) s/o Lalrawngbawla, Zotlang chu a awmah a kap a. Lalhriatrenga hian hliam na tak tuarin Greenwood Hospital-ah hruai nghal a ni.
30th. Saturday : Mizo Talent Search - 2025 chu a hmawr bawk a ni ta. Hetah hian pakhatna atan Beatbox thiam, Vanlalhlupuia, Kanan chu thlan a ni.
31st. Sunday : Luangmual Presbyterian Kohhran Biakin In chu tualchhung mi pakhat chuan nasa takin a suasam. Hetia a chetna lamah hian a inhliam avangin damdawi inah hruai nghal a ni.
Comments
Post a Comment