Skip to main content

ZIRTIRTUTE NI HMAN A NI

 


Ramchhung hmung dang rualin Ningani khan Mizoram pumah Zirtirtute Ni, (Teachers Day)  lawm a ni.

School Education Minister, Dr Vanlalthlana chuan Zirtirtute Ni,  pual hian ramchhunga zirtirtu zawng zawngte chibai a buk a, a hna chu sawrkarin a ngai pawimawh tih sawiin 'nunkawng dik zirtirna hna ropui tak a ni' a ti a, 'zirtirtu hna chu nakina ram hruaitu la ni tur leh eizawnna kawng zawh thei tura zirlai naupangte kawng kawhhmuha, nunkawng dika kaihhruai a ni' a ti bawk. 

      

Teacher’s Day hi  Mizoram puma zirna in hrang hrang ten hlim takin an hmang a, zirlaiten zirtirtute chawimawina thilpek pe in hemi pual hian hmun hrang hrangah hun hman a ni.


He ni hi Sihphira school hrang hrang te pawhin hmangin kohhran school pahnih (PES) Venglai leh Sihphir te chuan an kohhran hall-ah ve ve an hmang a, school tam zawkin mahni hmuna an hman laiin Higher Secondary chuan YMA hall-ah hmangin Little Buds chuan Venghlun YMA Hall-ah an hmang thung.  


He ni pual hian ramchhunga zirtirtu hnathawk tha chawimawina, National Teacher’s Award chu mi 50 hnenah India President, Droupadi Murmu chuan a hlan a ni. He chawimawina hian Cash Award , Citation leh Silver medal a keng tel a ni. Zirtirtu tha chawimawina dawng mi 50 zingah hian

Synod Higher Secondary School zirtirtu, Pu Joseph Vanlalhruaia Sailo a tel ve nghe nghe.


Teachers Day hi Dr. Sarvepalli Radhakrishnan, India President pahnihna, pian ni a ni. A ni hi zirtirtu ropui tak a ni a, India President anih kum, 1962 khan a hnuaia zir chhuak tam tak leh a țhianten a pian champha September 5 chu lawm sak an dil a, a ni chuan hetiang hian a lo chhang a

*Ka birthday lawm ai chuan September ni 5 hi Zirtirtute Ni ni se, ka inchhuangin ka hlim ngawt ang*, tiin. Hemi kum ațang hian kum tin Teacher's Day hi September ni 5 ah hman țhin a lo ni ta a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more