Skip to main content

CHANCHINBU ENKAWLTU TEN MIZOTAWNG ZIR HO

  (Sawiremtlang heading)


Tunkar Ningani khan Central YMA Hall, Tuikhuahtlangah branch tina YMA chanchinbu enkawltute tan Mizotawng zirna buatsaih a ni a, he hunah hian Sihphir branch atangin Pu Lalchhanhima Varte, editor a kal.


 He hun hi hun hnihah then a ni a, chawhma lam hi dar 10:30 ah tan a ni a, Pu MS Ralte, Fin. Secy. chuan kaihruaiin Pu Joseph Vanlalhruaia Sailo, CEC chuan hunserh a hmang thung. 


Chairman, Pu MSa chuan chanchinbu enkawltu te mawhphurhna leh pawimawh zia kawng hrang hrang in a sawi a, chumi hnu in Pu Lalhmachhuana, President, CYMA leh Pu R. Lallianzuala, Chairman, Mizo Languange Development Board ten thu an sawi leh hnu in thuzir tan a ni.


He hunah hian Mizo Language Development Board member pahnih, Pu B. Lalhmunliana, Bethlehem Vengthlang (chawhma) leh 

Prof. Rualkhuma Colney, Republic Vengthlang (chawhnu) te hnen atangin 'Mizotawng ziah dan/hman dan dik zirna' tih leh 'Mizotawng dik leh tha I zir ang u' tih te chu zir ho a ni bawk. 


Khual tha (resource person) te pahnih te thusawi ngaihthlak a nih hnu hian zirlai te sawiho a ni a, member thenkhat in an hriatthiam loh thil te zawtin an thusawi kawnga duhkhawp lohna leh banner a thuziak atang te in thil tam tak sawiho a ni.  


He hun hi Central YMA leh Mizo Language Development Board ṭangkawpin a buatsaih a ni a,  Aizawl khawpui chhung (city branch) atangin 62 leh khawpui pawn atangin member 22, an vaiin mi 86 zet an kalkhawm a ni.


Thuzir te zawha sawiho a nih hnu-ah Pu (Prof) Lalnuntluanga hnen atangin he hun hman a nih dan leh Central YMA hmalakna hrang hrang te ngaihthlak a nih leh hnuin Pu L. Ramdinliana Renthlei, Editor Central YMA Chanchinbu chuan lawmthu sawiin hun hi a khar a ni.


Hun hman zawhah  kalkhawmte an kal a nih tih lantirna certificate hlanin TA (khawpui chhungah cheng 200/- leh thingtlangah cheng 500/-) hlan an ni leh bawk.


Pawl pahnihte thawh honaa Mizo ṭawng zir hona buatsaih hi Central YMA hnuaia Literature Sub-Committee chuan a ṭul apiang an buaipui a, Mizo Language Development Board te'n sum leh pai (₹ 72,500/-) an seng thung a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more