Skip to main content

KOHHRAN LEH KHAWTLANGA INHMAN KAWP

  (Sawiremtlang editorial)


Mi pangngai eng pawlah emaw tal in hmang lo chu kan awm kher awmlo e. Kohhrana inhmang tak kan awma, khawtlanga (YMA adt.) inhmang tak tak pawh kan tam ang. A pahniha inhmang kawp erawh kan tam lemlo maithei. A chhan chu kan eizawnna in a tuar thei tlat.


Tlem lai deuh khan kohhran thalai pawl thenkhata hruaitu te chuan an member te YMA a inhmang lutuk lo turin an ti! Hei hi a chhan chu an rawngbawlna in a tawrh an hlauh vang a ni a, an thlirna tlang atang chuan a awm viau mai.


Tunkar Ningani kha Teacher's Day a ni a, he ni pual hian zirtirtu tha te chu India president in a chawimawi thin a, thilpek hlu tak tak a hlan thin. Tun tum day-ah hian Pu Joseph Vanlalhruaia Sailo, Tuithiang, Lecturer Synod Higher Secondary School chu National Award To Teachers' 2024 chu Vigyan Bhavan  New Delhi-ah India President in a hlan. Pu Joseph-a  hian nikum khan National Award for NSS Programme Officer India President hnen atang hian a lo dawng tawh a, kum 2022 khan State Teachers' Award a lo dawng tawh bawk a ni. A ni hi kan hriat theih dan tur chuan Presbyterian pastor, Sihphir Bial a lo awm thin, Rev Lalmuana fapa a ni a, Pu Lalfala Hnamte (L) nupui Pi S.Thanmawii (L), Dam Veng nau a ni. 


He thu kan han tarlan daih na chhan chu Pu Joseph-a hi 

Tuithiang Kohhran Upa a ni a, a lawina branch YMA-ah Vice President niin  CEC member ni lai a ni bawk.


Kohhran leh khawtanga inhman kawp chuan chuan pakhat zawk emaw tal chuan a thuanawp phah thinah kan ngai deuh thin. Chubakah, eizawnna thleng pawh a nghawngah kan ngai a nih hi. Mahse, a chungchang kan sawi lai, Pu Joseph-a erawh a inhmang kawp ni satliah loin a thuk takin a inhmang tih a chiang reng mai. Kan inhman kawp theihloh chhan a kan ngaih a eizawnna phei chuan tawrh a hnekin chawimawina dawng thei khawp in a thawk tha lawi bawk si.


Chuvangin, thil reng reng hi miin a tum tlat chuan theihloh a awm lo a, kohhran leh khawtlangah inhmang viau mah ila, tihtakzetna nen kan tih chuan kan thei mai dawn a lo ni. Hetih rual hian a eng zawk zawkah pawh inhmang ila, kan nitin hna erawh in tawrh phah lo tur a tang chungin kan telna pawlah theihtawp chhuahin i inhmang zel ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more