Skip to main content

AUGUST 2024, SIH(PHIR) DIARY

 


1st. Thursday : LB Fitness Gym, Rohrênga Hall-ah kalpui tan a ni. Gym neitu hi Lalfakzaikima, Vênglai a ni.


2nd. Friday : District Disaster

Management Authority, Aizawl District buatsaihin BDOOffice, Senhri Hall-ah Tlangnuam RD Block hnuaia VillageLevel Disaster Management Committee Training ani a, he hunah hian tel tura sawm an nih angin Branch YMA

aiawin President, Pu Lallianfala leh VC aiawhin Tv Eddie

Lalhmangaihzuala te an tel.


3rd. Saturday : Rural Industries Association (RIA) te chu kuang siamin an hnatlang.


4th. Sunday : H Lianmawia, kum 87, Lalkailiani pasal, Dinthar veng chu Synod Hospital Durtlangah stroke avangin a boral.


5th. Monday : Pu Vanlalsawma, Venglai pick up chu Sentlangah chesualin kawngthlangah a lum a, vanneihthlak takin a chuang te hian hliam na lutuk an tuarlo hlauh. Motor hi Pu Vanlaltlana, Venglai khalh a ni. Motor-ah hian a nau hruai, naupang pakhat nen an chuang a ni.


6th. Tuesday : LBS Suzuki 23rd Inter Branch YMA Volleyball Tournament 2024, R. Dengthuama hall-a khelh mekah Sihphir branch chuan an match hmasa ber khelin hetah hian Zemabawk 3-2

 (25-19, 20-25, 22-25, 26-24, 15-10) in an hneh.   

  

7th. Wednesday : Presbyterian English School Sihphir building thar chu bialtu pastor, Rev. H. Lalzuiliana chuan Pathian hnenah hlanin a hawng.


8th. Thursday : Ruihhlo a kawl avanga nikum lama man tawk Lalthachungnunga s/o HV Lalnuntluanga, Venglai chu tan in atangin a lo chhuak.


9th. Friday : Sihphir higher secondary School chuan Synod Hospital tan thisen unit 24 an pe a, thisen petu te hi mipa 17 leh hmeichhia 7 an ni. 


10th. Saturday : LBS Suzuki 23rd Inter Branch YMA Volleyball Tournament 2024, R. Dengthuama hall-a khelh mekah Sihphir branch chuan an match thumna atan champion lai, Hunthar khelin 3-0

(25-18, 25-14, 25-16) in kan tlawm tlat mai. A hmain Zemabawk leh Chhingchhip kan lo hneh tawh a ni.


11th. Sunday : Seventh Day Adventist kohhran chuan week end revival an hmang.


12th. Monday : Venglai Branch KṬP din cham vawi 33 na a ni a, hemi pual hian zan inkhawmah hruaitu hlui, (Treasurer hmasa ber) Pi Lalremruati'n thu a sawi.


13th. Tuesday : Pu John Thangrivunga te ui, Bruno tia koh bo chu Pu K. Lalchhuangliana quary-ah dam takin  hmuh a ni.


14th. Wednesday : 

Chuaukunga, kum 86 F/o Vanlalpeka, Upper Dinthar Veng chu an chenna Inah 'Thawhah' natna avangin a boral. 


15th. Thursday : India ramin zalenna a hmuh champha 78th Independence Day a ni a, ramchhung hmundang rualin Sihphirah pawh Sarovar Neihbawihah, VCP, Pu Lalnelawm chuan flag pawt pharh in National anthem chu zah takin an sa zui. He hunah hian V/C member te bakah VEC te telin sawm bik mi thenkhat in in an telpui bawk.


16th. Friday : C. Vanlaltluanga, kum 66, h/o Lalrengpuii, Venglai chu a chenna inah cancer natna avangin a boral.


17th. Saturday :  Retailer-l leh II-ah te ration buhfai sem tan a ni.


18th. Sunday : SR&AC chuan a chenpuite

vau a, thinrima a inhrosak chiam avangin Zamawia s/oZakhûma (L), Arpu chu a inah kal chilhin an zilh.


19th. Monday : Venglai Branch KTP-ten

karkhat awh tur Evangelical Week chu an hmang tan. A tan zan hian Rev. Dr. Rosiamliana

Tochhawng, Central KTP Leader-inthu a sawi. 


20th. Tuesday : Pu H. Rohmingliana, ex-VCP in, Biakin veng chu tunlaia ruahsur nasa avangin an kawmthlang lungrem a chim.


21st. Wednesday : Quarry piaha Sarepkawn luh dawna Pu RC Lalnunmawia huan nak thla chu a min a, kawng kal tlang theihlohin a hnawh.


22nd. Thursday :

Zoliana Memorial 5's Hockey Tournament, LPS Arena-a khelh mekah Sihphir hmeichhe team chuan Hmeichhia khan Lunglei District Hockey Assocoation chu  10 -1 a hnehloin an tla. Sihphir nula te hian a hma in team hnih an lo hneh tawh a ni.


23rd. Friday : Sihphir Branch KTP te chuan

Central KTP in ruahmanna a siam

angin PES

Sihphirah Drug Awareness Campaign

an hmang.


24th. Saturday : Pu Lalchhanhima Varte, Venglai te pawisa chu an almairah ti chhiain misualin an rawk tih hriatchhuah a ni. Misual te hian an chhungkaw pawisa mai bakah pawl pawisa an kawl te nen cheng singhnih chuang an ru chhuak a ni.


25th. Sunday : St. Paul's The Apostle Parish, Catholic Ṭhalai Pawl kum 25-na (Silver Jubilee) chu Holy Spirit Church, Sihphirah lawm a ni.


26th. Monday :   Inkhawm hun hmangin KṬP Sihphir Branch te chuan KṬP Mission Vengthlang Branch te an tlawh. 


27th. Tuesday : VC, MHIP OB leh YMA OB te chu Sakawrhmuituai tlâng chungchang a thu pawimawh hrang hrang rêlin VC House-ah an inhmukhawm.


28th. Wednesday : Ruah nasa taka a sur avangin khawchhung hmun hrang hrangah leimin a awm a, Aizawl kal pawh a harsat phah hle. Hetih lai hian mihring hliam ang chi erawh a ni lo hlauh.


29th. Thursday : Central YMA Hall, Tuikhuahtlangah branch tina YMA chanchinbu enkawltute tan Mizotawng zirna buatsaih a ni a, he hunah hian Sihphir branch atangin Pu Lalchhanhima Varte, editor a kal.


30th. Friday :  Sub-Centre, Arpu-ah TB chungchanga inzirtirna hun hman a ni a. Pu Malsawmtluanga Hauhnar, Senior TB Supervisor, Aizawl District chuan a hmanpui. He hunah hian Sihphir Sub-Centre staffs leh NGO aiawhte an tel.  


31st. Saturday : Presbyterian kohhran din champha a ni a, tualchhung kohhran hrang hrang te chuan hemi pual hian zan lamah hun an hmang.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more