Skip to main content

THLA RUK (JANUARY-JUNE) CHHUNGA SIHPHIR A THIL THLENG LANGSAR ZUAL TE

 

*THI LEH PIANG : Pu H.V Laldailova, Tamlo veng, Pi Lalbiakmawii pasal, January ni 24 a boral kha kumin chhunga boral hmasa ber a ni a, Pi R.Lalengmawii, kum 72, Pu C.Chhawnthanga nupui, Biak In Veng kar hmasa Zirtawpni a boral  kha boral hnuhnung ber a ni thung. Kumin chhung hian nupa kawpchawia boral hi tuak hnih ngawt awmin nupa tang then 10 zet an awm bawk. Tin, Nausel lama ruang chhuak hi pakhat a awm bawk.


Hetih mek lai hian sub-center hotute hnen atang thu kan dawn danin nau piang zawng zawng hi 32 niin, mipa hi 17, hmeichhia 15 a ni bawk. Mitthi leh naupiang kan inzat chiah tihna a nih chu.


*FENCING CHAMPIONSHIP : January ni 5 - 6, 2024 chhung khan Multipurpose Indoor hall-ah 14th Mizoram State Fencing

Championship, 2024 chu neih a ni a. He inelna-ah hian age

category hrang hrang 7-ah thenin participants 54 an tel.

 

Inelna-ah hian Sihphir infiammi an che tha hle a, lawmman pawh hi Sihphir town (Venghlun telin) huamchhunga mi vekin an la hial a ni.


*MAMCO CHAIRMAN : Pu Isaak Malsawma s/o R. Lalnunzira Dam Veng chu Mizoram Sorkar chuan 'Mizoram Agriculture Marketing Corporation Ltd. (MAMCO) Chairman atan a ruat thar.


Pu Isaaka hi thiamna leh thildangah pawh mi chhuanawm leh zahpuiawm loh, thlai huan siam lamah pawh taima leh tawnhriat nei tha a ni a. State Level Corporation pawimawh tak maia chairman nih pawh hi a inhmeh vengvawngin a ropui hle. Sihphir khua pawhin kan chhawr viau in a rinawm.


*KAWNGKAM LIBRARY : Tv Lalrinhlua, Neihbawi chuan a pian champha (February ni 29) pualin Neihbawih bazar-ah   "Kawngkam Library" a siam. Library-ah hian lehkhabu za bawr vel a dah a, a lehkhabu te hi a ngai awm reng loin a thlak kual thin nghe nghe. A duh apiang tan man chawi loin a hawh theih reng a ni. Sihphir a vawikhatna leh awmchhun niin a langa, a ropui takzet a ni.  


Tv Rinhlua hi February ni 29 kha a pian champha (birthday) a ni a, a birthday a thleng khat si a, a birthday lawmna atana a dah a ni nghe nghe. Library hi nghaktu an awm lo a, a duh duhin a hawh mai theih a, chhinchhiahna a dahah erawh inziah luh hram hram tur a ni thung. A lehkhabu te hi dim sak ila, kan lehkhabu neih ang ang te pawh pe (donate) ve thei tlang ila a duhawm hle ang.


*KAWNG STAY : YMA in Khamrang to Selesih Aizawl by pass road laih mek chungchangah ramngaw a tihchhiat nasat avanga DFO hnena lehkha a theh luh kal zelah kawng laih chu chawl/tawp rih turin EF & CC Dept. chuan a hmunah thu an pe. 


Kawng laih mêkah hian Contractor pathum (3) in hna an thawk a ni.  A hma in EF & CC Dept. hian PWD-ah Stay Order hi an lo pe tawh a, chu order chu Contractor te hian PWD lamin an hrilh  loh thu sawiin hna hi an thawh chhunzawm a, tuna stay order anmahni (contractor) ngei pek an nih takah chuan vawiin thlengin kawng hi laih chhunzawm a ni talo. 


*SPORTS CHAMPION : District Badminton Association- Aizawl North, Inter Club Team tournament-ah June ni thum khan Sihphir Badminton Club chu Chanmari Shuttlers lakah 3-1 a chakin a tum khatna atan Mens Open Team Champion an ni. Hei mai bakah senior category  65+ doubles-ah Pu Lalzuiliana Ralte leh Pu H Vanlalruata te inkawp chuan Champion Nomawi an chawi bawk.    


Hetih mek lai hian Aizawl District Hockey Association Open Tournament June ni ruk a Durtlang khelh zawh takah Sihphir Hockey Club Women te chuan Durtlang Hockey Association chu penalty ah 3-2 a hnehin an champion bawk.  


*PRO VOLLEYBALL : Dt. 25th. June 2024 a Mizoram Volleyball Association(MVA) technical meeting chuan Mizorama Volleyball inelna sang ber, Pro Division season thar aṭang khel turin Sihphir Volleyball Club te chu a pawm. Hei hi Pro Division champion lai, Hunthar Volleyball Club te chuan khelh zui zel an tum tak loh avang a ni.   


Sihphir Volleyball Club te hi Pro Playoff-ah Khawbel nen intumin uiawm takin deciding-ah an chaklo tawh a, he playoff khel tur hian information an hriat tlai avangin Sihphir Volleyball Club te inbuatsaihna neiloa khel an ni a. MVA lamah pawh hetianga information an pek tlai avang hian demna pawh a tam hle a, players leh hruaitu lam te pawh rilru hnual taka an awm laiin vanneihthlak takin Club inhnukdawk an awm avanga khelh na hun a awm leh ta hi a lawmawm takzet a ni.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more