Skip to main content

JUNE 2024, SIH(PHIR) DIARY

  


1st. Saturday : Venglai kohhran chuan F Vanlalrochana, MPS sawmin Career Guidance  Sunday School naupang lam Intermediate atanga Senior Dept. zirlaite an neihpui a, hlawkthlak an tih hle. Resource Person, F Vanlalrochana hian zan Inkhawmah thu a sawi leh bawk. 


2nd. Sunday : Pu Vanlalpeka, kum 37 s/o Lalengmawia, Tlang Veng chu an chenna Inah lungphuchawl in a boral.  


3rd. Monday : Kar hmasa Thawhlehni a South Hlimen leh Melthum leimin avanga chin hriatloh a awm zui ta mi pali te chu Sihhmui kaiah CYMA ruahman angin Sihphir Branch YMA chu ruang zawngin an thawkchhuak.


4th. Tuesday : Synod Revival Camping chu Camping Centre, Neihbawihah tan a ni a, Sihphir khuaa atang pawhin mi engemawzat an lut.  


5th. Wednesday : V/C house-ah ni 100 inhlawhna Rs 800/- in sem a ni.


6th. Thursday : Aizawl District Hockey Association Open Tournament M Suaka Field, Durtlanga neihah 

Sihphir Hockey Club Women ten Final-ah Durtlang Hockey Association chu

penalty-ah 3-2 a hnehin an champion.


7th. Friday : YMA committee chu conference hall-ah neih a ni.


8th. Saturday : YMA chhang te chu YMA Day lo thleng tur pualin  khawlai dung bawlhhlawh chhar fai in an hnatlang.  


9th. Sunday : Pu Lalduhawma, kum 41, Rinchhan veng chu zingkarah lungphuchawl in a boral a, chawhma lamah Pu Lalramchhana, kum 58 chu stroke avangin a boral ve leh.


10th. Monday : YMA te chu YMA road sira thir pal rawng hnawih in an hnatlang.


11th. Tuesday : Pi Lalrintluangi, kum 52, d/o Thanhrangi, Biakin veng chu Synod Hospital-ah stroke natna avangin a boral.


12th. Wednesday : May ni 23 a tan, Sihphir BranchYMA Section Sport Meet chu a zo ta. Sports-ah hian Vana pa section chu pakhatna an ni.


13th. Thursday : Mizoram pum huap, Pig

Produccers Cooperative Society Ltd(PIGFED) Annual General Meeting,

Chanmari YMA Hall a neihah Pi HS

Lalparmawii chu PIGFED Sihphiraiawhin a palai.


14th. Friday : Tlangnuam RDBlock huam chhunga VC tenTlangnuam BDO Office a Senhri Hall-ah BDO kaihhruaiin meeting an nei a,Sihphir VC aiawhin Pu

Thanglianchhunga, Vice President lehPu PC Lalrinliana, Secretary te an kal.


15th. Saturday : YMA day a ni a, Sihphir branch pawhin hei hi YMA Hall-ah hmangin bialtu MLA, minister ni bawk, Pu Lalthansanga chuan khuallian niin a hmanpui.


16th. Sunday : 14 kham hnuai Quarry a thawk lai, Sangi, Venghlun lam ID nei chu a meichhem tur a inti kang palh a, a awm chin chunglam a kangin damdawi in panpui nghal a ni.


17th. Monday : V/C huaihawtin Rohrenga Hall-ah tlawmngai pawl leh kohhran hrang hrang te nen Joint meeting neih a ni a. He hunah hian chhiatni thatni atana inkaihhruaina tur thu tam tak an rel.


18th. Tuesday : YMA hnuaia Committee

peng pakhat, Environment & Forest Sub-committee chu Sakawrhmuituai tlangah thing phun bulvel sam faiin an hnatlang.

 

19th. Wednesday : Pu T Lalnghakliana, kum 80, Pu Thuamluaia u, Kawnveng chu chuap ṭhalo avangin an chenna inah a boral.

 

20th. Thursday : Mizoram sorkar a education department in zirtirtu (Primary, Middle leh High school) a lak thar result chu tih chhuah a ni a, hetah hian Sihphir mi pakua zet an tling.


21st. Friday : H Lungmuana, kum 70, w/o Thanchungnungi Arpu veng chu chuap ṭhalo avangin ZMC-ah a boral.


22nd. Saturday : Pu Lalrinawma, kum 52, s/o Roṭhuami, Tlangveng chu thinṭhalo avangin an chenna inah a boral.


23rd. Sunday : Venglai kohhran chuan chawhnu inkhawmah baptisma sakramen inkhawm an nei a, he hunah hian nausen 5 chu bialtu pastor, Rev H. Lalzuiliana chuan a baptist.


24th. Monday : Zolianmawii (Zawri) Kum 43, h/o K Lalnithanga, Arpu Veng chu Synod Hospital-ah thluaka thisen zam chat avangin a boral.


25th. Tuesday : Rohrenga hall-ah gram sabha neih a ni a, he hunah hian Village Employment Committee OB tur thlan nghal a ni. 

 

26th. Wednesday : Lalnunmawii, kum 44  h/o Lalhmachhuana, Tamloveng chu zingkarah thinṭhalo avangin a boral a, Tv Zarzokima, kum 35, s/o Chhanhima Kawnveng chu tlai lamah accident avangin a boral ve leh.


27th. Thursday : Pu Lalrohlua, Arpuveng, GovtM/S I-a Hindi zirtirtu chu tun thla tawphian Superanuation pension-in achhuak dawn, an school-ah thlahna hun hman a ni.


28th. Friday : R. Lalengmawii, kum 72, H/o C. Chhawnthanga,Biak In Veng chu  an chenna inah ‘Lungphuchawl’in a boral.  


29th. Saturday : RIA te chu kuang siamin an hnatlang a, he hunah hian kuang paruk zet an siam a ni. Kuang hi a hma aia danglam leh changkang deuhin siam a ni nghe nghe.


30th. Sunday : Ni hnih awh, Sihphir Pastor Bial Kristian ThalaiPawl

'Kum chanve Intawhkhawm' Venglai kohhran biakina hman chu a tiak ta. He hunah hian intawhkhawm thupui -'Ringtu nun' tih chu Knight for Christ

team (Synod Revival Team) Speaker,

Henry Lalhmingthanga chuan a sawi.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more