Skip to main content

TEHFUNG

  (Sawiremtlang editorial)


Pu Thanga te hi eizawnna kawngah vantlang chunglam an ni hauhlo. Chuti chung chuan motor an nei thar ve hlauh mai a, an chhungkua pawh an lawm tlang hle. An thenawm khawveng te erawh chuan mamawhin an lo hrelo khawp a, anmahni (Pu Thanga) erawh chuan 'ka pa hian a motor hi a awt em em thin a, a nei thei silo. Ka neih sak thei ta hi ka lawm khawp asin,' a ti thung. 


A ni lah taka motor neih hi Mizoramah chuan intih changkanna pakhat a ni miau a, chuvangin, a thei fa chuan neih hram kan tum thin a nih hi. Hausa tehfung pakhata kan hman miau avang hian a mawh hauhlo mai.


Heading a kan tarlan ang hian tunhnai-ah kan khawtlang hruaitu te chuan chhiatni thatni a kan in sawngbawl dan kawng hrang hrangah tih danglam deuh ngai awm nia hriain ro an rel a, thil tih awm tak pawh niin a lang. Amaherawhchu, a chunga motor chungchang kan sawi ang bawk hian mitthi puan leh pangpar te hi tehfunga kan hman miau avang hian thil tul leh pawimawh takah kan chhuah a ni ber tawh a, editorial hmasa lama kan sawi tawh ang khan tul vaklo a kan ngaih te pawh hi thenkhat tan a tul thei a, mitthi pangpar leh puan inpek te pawh hi miin kan dawn tlem viau mai chuan 'a àwm alawm, an chhungkua an chuti khati reng a ni' tih kan ching si. An dawn tlem chhan àwm rilru in a dapkual chiam mai thin a nih hi. Mi läwm tihna leh khawtlangin kan uizia lantirna kawng khata kan ngaih miau avangin pangpar leh puan inhlan vel pawh hi thil tul tak a ni thei mai awm e.


Kan khawtlang hruaitu ten  'chhiattawk kan awm a mitthi puana inkhuh tam ta chungchanga mitthi chhungte inhnemhnanna a nihloh avanga a tul leh ti tur bakin puan khuh tawhloh nise, an ti leh puana inkhuh aiin ralna lamah a theih anga tan lak ni se' an tih hi ngenna ang niloin thupek angah ngaihsak thei ila, a duhawm khawp ang.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more