Skip to main content

ILP CHECK

 

 

Phek hma lama tarlan ang hian kar hmasa Zirtawpni zan khan kumpuan sub-committee chu vai mistiri te Inner Line Permit endikin an thawkchhuak. 


ILP hi India sorkarin state hnufual bik te inhung bikna atana tih a niin hnamdang te duh duha kan ram (State) chhunga an lo lut tur venna a ni.

 

ILP hi chi thum a awm a, chung te chu :

1. Temporary ILP : Hei hi ni 7 chhung a nung a; State pawn mi, Mizorama lo lut tur ten Sorkarin dilna tur a ruahmanah an dil thei. He Temporary ILP hi sumdawnna atan dil theih a ni lova, zin veivahna atan chauh a tih a ni. Permit thih dawnah Mizoram a cham hun pawhsei a dil theih a ni.

2. Regular ILP: Hei hi thla ruk aia reilo a nung a, vawi hnih extend/pawh sei theih a ni thung.

  

3. Two Years ILP: Heihi sorkar hnathawk nghet leh nghet lo, State pawn miin amah leh in khata chenpui chhungkaw member ten an dil thei a; Mizorama hna an thawh hun chhung rei zawng ang zela pawhsei/extend theih a ni. 

ILP hi Mizoram a cheng nghet te chauhin an sponsor thei a, an  mawhphuhna pawh a sang hle. Sponsor tu chuan, ILP kaihhruaina dan a hre tur a ni a; a mi sponsor-a chuan dan a bawhchhiat chuan sponsor tu hian mawh a phur ang. A mi sponsor chu hna ṭula a chhawr tawh loh chuan a ILP thih hma pawhin ILP copy chu DC hnenah a surrender tur a ni. ILP thih hun ațanga ni 7 chhunga DC hnena a pe kir lo a niha amah pawh a thawn haw lo anih chuan mi pakhat zelah Rs. 1,000/- chawi theih a ni bawk.  


Khitiang khi ILP chungchang chu a ni a, a nihna takah chuan rampawna kan zin dawn a visa kan dil ang hi a ni mai awm e.  Tuna a lan danah chuan ILP neilo emaw thi tawha la awm zui an awm nual tih a lang a, sorkar/police lam hian YMA thawhpuiin endik hna a kalpui fo a, YMA lam pawh hian tul a tih dan a zir in endik hna hi a kalpui fo bawk. Mahse, YMA hi thutawp siam thei kan nihloh avang leh sum leh pai a hautak bawk si avangin duh anga chetvel a harsa ṭhin a, sorkar lam pawh an in enfiah deuh a pawimawh hle awm e.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more