1st. Monday : Tv Zothansanga s/o Lalhriatpuia, Dam Veng chuan SBI P.O a zawm fel ta. A hna hmasa ber tur hi Tinsukia, Assam-ah a niin hetah hian chawlhkar 14 a awm dawn a ni.
2nd. Tuesday : Missionary, R. Vanlalsiama h/o Lalhruaizeli, Kawnveng (te chhungkua) chu Bualpui-ah ran enkawl dan zir turin an lo chhuak.
3rd. Wednesday : Lalrinkima, kum 50 H/o Lalnunziri, Neihbawi chu 'Kal tha lo' avangin Synod Hospital, Durtlangah a boral.
4th. Thursday : Thlanmual tharah Venghlun lam rawlthar ten zu an in a, tuizema mi tui thalin YMA no an lo la hmang zui. A bulhnaia pa thenkhatin zilhin an haw tir nghal.
5th. Friday : Lalbiakchhungi memorial age level futsal tournament- 2024 Venghlun Futsal Ground-a
neihah Grace academy te chu U-13 leh Under-16 ah te an champion.
6th. Saturday : MHIP day a ni a, YMA hall-ah hlim taka hman a ni. He hun hi Lalthazuala Royte, MIFCO chairman chuan khuallian niin a hmanpui.
7th. Sunday : Sihphir khuaa kuhva ching zawng zawng, khawdang a ching te ho nen Pu Lalrinchhana S/o Khawlrimawia (L), Arpu te inah ang kalkhawm a, association din chungchang sawiin tun thla ni 19-ah Rohrenga hall a inthlan buatsaih an rel.
8th. Monday : Pu H. Lalnunzira, Neihbawi te motor chu hnamdang (Vai) in ruk an tuma, an thawm hriain a neitu te hian thenawma an chhungte punin fing takin an hual bet a, mi pahnih an man theih hlauh. Pakhat erawh a tlanbo hman thung. Police te hriattir nghal an niin, an rawn la nghal bawk.
9th. Tuesday : YMA comtittee chu conferance hall-ah neih a ni. Committee hi Vice President, Pu R. Lalsawmliana chuan a kaihruai.
10th. Wednesday : Sumo, MZ 01M 2684 Shillong lam atanga lo chho chu Mota lui thlangah kawngthlangah a tlanliama, thi leh hliam an awmlo hlauh. A thil phurh vel hi a bulhnaia hnathawk ten an dah fel sak nghal.
11th. Thursday : LIDCAS din champha vawi 11 na a ni a, hemi pual hian Neihbawi a hmun hrang hrangah chhinchhiahna an tar.
12th. Friday : V/C hnuaia animal control lam chuan ui chhuak a lo ziaawm nan ti in banner tar in an hnatlang.
13th. Saturday : Vanapa section YMA chu Neihbawi kawng dunga forest department thingphun bul ti faiin an hnatlang.
14th. Sunday : YMA chuan hun rei tak natna khuma mu tawh, Pu Vanlaltanpuia, Lalsangpuii pasal, Kawnveng chu an kalphung angin Rs 1,000/- in an kan a, committee member te thawhkhawm cheng engemawzat an pe tel bawk.
15th. Monday : African Swin Fever avangin Pu Pazawna, Zion veng te vawk chu a thi.
16th. Tuesday : UPHC-ah naupang Doctor a lo kal a, mi engemawzatin an rawn.
17th. Wednesday : Sakawrhmuituai tlângah Central YMA Science & Environment Sub-Committee leh Sihphir Branch YMA ṭang kawp chu thing ṭiak engmawzat phunin an hnatlang.
18th. Thursday : Vansangkimi h/o C. Lallianzuala, Venglai chu pum lam ṭhatlohna a vangin Durtlang damdawi Inah dah luh a ni.
19th. Friday : Tv.R Vanramnghaka s/o R. Vanrammawia, Arpu veng chu Mizoram Synod Choir member ruat tharah a tel. Sihphir khua aṭanga tel hmasa ber a ni.
20th. Saturday : Arpu Welfare chuan an huamchhunga ruihhlo zuar leh ti thin bakah hengte avanga harsatna tawk mek te chu YMA conf. hall-ah ko khawmin Pathian thu an hrilh bakah ruihhlo tih a hlauhawm zia an zirtir.
21st. Sunday : SR & AC chuan An room-ah
zû zuar kual thina puh, Lalthlamuankima (MK-a) h/o
Lalrindiki, Chhanhim vêng chu an ko. A hlawhfate in
tur chauh la thin niin a insawi a, ti tawh lo tura hrilh a ni.
22nd. Monday :
Vanlalṭanpuia, kum 44 H/o Lalsangpuii, Kawn veng chu 7th Day Adventist Hospital, Vaivakawnah ‘Thin tha lo’ avangin a boral.
23rd. Tuesday :
Rangkunga, kum 94 H/o Sawithangi, Tlang Veng chu an chenna Inah ‘Awmlai’ in a boral.
24th. Wednesday : Pu F.
Lalhmingliana h/o Zonunmawii, Dinthar Vêng dynamo rûk
tum, vai thirchhe zawng, Matab Uddin s/o Allah Uddin, Karimganj chu man a
ni.
25th. Thursday : Ni thum awh tur, rawlthar/tleirawl te pual camping chu Presbyterian Kohhran Sihphirah tan a ni. He hunah hian Speaker-ah T.Upa K.
Lalêngzama, Campaigner, Synod Social Front a ni ang.
26th. Friday : YMA kumpuan sub-committee chu vai mistiri ILP endikin ang kawl kual a, thalai hawklak vaiin an kal nghal bawk.
27th. Saturday : PES Sihphir Venglai Kohhran chuan High School teacher atan Lalremruati d/o Zothantluanga, Neihbawih leh General Teacher atan V. Remsangpuii d/o V. Vanneia (L), Damveng leh Lalhmingmawii d/o Rangthanga, Sihphir Venghlun te an la thar a. August ni 1, 2024 atangin an hna an zawm ang.
28th. Sunday : Tualchhung Presbyterian kohhran te chuan thlaithar thawhlawm inkhawm an hmang hlawm.
29th. Monday : Sihphir branch YMA leh Lungdai branch YMA chuan YMA hall-ah kan hma lawka Central YMA buatsaih, volleyball tournament lo awm tura in buatsaihna atan friendly match an khel a, hetah hian Sihphir branch lam chuan 3-2 in hnehna an chang.
30th. Tuesday : Emmanuel C. Ramengmawia s/o Lianrehlova, Kawnveng leh Lalruatfeli d/o Malsawmtluanga Pachuau, Damveng te chu Venglai kohhranah ang innei.
31st. Wednesday : YMA Conference Hall-ah AH & Vety Dept. te chuan vawk leh bawng vulhtu te hnênah an ran vulhte hri laka ven dan leh thil hrang hrang zirtirna an pe. He hunah hian sawm an nih angin VC leh NGO hrang hrang aiawhte pawh an tel a ni.
Comments
Post a Comment