Skip to main content

MNF SORKAR IN PAWISA AN SEM LO

 


Pathian ni kalta khan Presbyterian Kohhran chuan rualbanlote ni an hmang a, zan inkhawm thawhlawm hi an puala tih a ni bawk. Kohhran hrang hrang hian an kohhran chhunga rualbanlote chauh lo pawh harsatna dang nei te pawh hi an tanpui fo reng a ni. 


Pu Hruaia hi chhungkaw eizawng tu ber a ni a, tumkhat a hnathawhna ah chesualin a ke a ti tliak tlat mai. Hna a thawk thei tlatlo. A nupui lah a lo hrisel em em biklo nen. An fa naupang tê tê te enkawl chu thil hautak tak a tling.  Mahhse, an veng YMA hruaitute ten an harsatna hriain pawisa tihtham takin an rawn tanpui hlauh mai. YMA ho hian hetianga luanchhuah programme hi an hmang fo reng a ni.


Krismas vuakvetah tlawmngai pawl leh mimal thahnemngaiten mi harsa te an tanpuiin chawhmeh leh mamawh dang te an pe fo thin. Chutiang thilpek dawng ho te chuan an thilpek dawn te chu an ngaihluin an roh hle a, renchem taka hmangin an dimdawi hle thin.


Hetiang thil hi mi nazawngin an dawn ngawt a remlo a, dawng âwm tak an awm vek a ni. Congress President, Pu Lalsawta chuan 'ṭang puihna' tiin hmasawn tumte tan an sorkar chuan ruahmanna a siam a, term hmasa lamah NLUP nen ṭangin tun sorkar kallai pawhin SEDP hmangin mi ṭang leh hmasawn tumte an pui thin a nih hi. 


Mimal leh pawl ho bakah political party (sorkar) ten pawisa leh thil dang hmanga mi harsa te an tanpui hian an tanpuia te chu lawmin an zuang a ni ber thin.  Hetah tak hian kan dawnsawn dan hi uluk a tul hle mai. Min tanpui tu tiin kohhran, YMA leh mimal thahnemngai te kan sawi laiin sorkar lamin min puihna erawh 'sem' tih tawngkam kan hmang fo. Tanpuina theuh theuh kan dawnsawnna tawngkam hi uluk a tul hle mai.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more