Skip to main content

COMMITTEE KALPHUNG

 


Kar hmasa Zirtawpni zan khan Branch Executive Committee chu Conference hall-ah neih a ni a, Pu R. Lalsawmliana, Vice President chuan a kaihruai. Hemi tum hian member te rawtna angin thut dan thu-ah 'U' shape in thut a ni a ni a, committee boruak a ti danglam hle. Amaherawhchu, Committee kallo a tam zawk kan awm erawh a zialo khawp mai. 


Eng pawlah emaw tal Committee member nihna nei chu kan ni vek in a rinawm. Thenkhat chu sawm chuanga tel te pawh kan awm ngei ang. Committee Member tura ruat kan nih hian mi puitling a ngaia ruat kan ni a, kan pawl (chhungkua) inrelbawl dan tur sawiho tur a ni thin. Hetih laia ngaipawimawh lo kan awm fo mai hi chu a zialo thin khawp mai. Social media atang leh thiante hnena han pha hram hram kan awm a, phat tul ti lem lo kan awm bawk. 

A tlangpuiin tul pawimawh dang avanga pha kan ni hlawmin a rinawm. Peih  loh vanga chhuanlam siam a awm theih a, ngaih pawimawh loh vang a awm thei bawk ang.  


Sawi tak angin Committee member nihna engemawzat nei kan awm chuan Committee inrual a awm thei fo ngei ang. Chutiang hunah te chuan number one neih tlur pawh a fuhlo thei tih hria ila, hemi hun atana kan kalna awm zawk/kan pawimawhna zawk hriat a tul hle awm e. Tin, a kotu tan pawh mi thlabi Committee hi chu zahsak ta ila, kan ko dawn a nih pawhin 'an Committee hun a ni em?' tih ngaihchan hmasak a finthlak khawp ang. Mahni remchan huna koh ngawt a fuhloh chang a awm thei tihna a nih chu. 


Sawi tak angin Committee Member a ruat kan nih chuan chhungkaw rel fel thei chin tura ngaih kan ni a, kan pawimawhna leh ruat kan nihna hlut thiam a tul hle bawk ang.


Committee tura kan kalin kan ngaihtuahna seng taima ila, bul a mite lo biak emaw fon lo khawih emaw te hi tihloh theih a tha khawp ang.


Agenda kan hmu lawk ṭhinin a rinawm a, lo ngaihtuah lawk ve te hi a sawt hle. Mahni thurel tur pawh hrelo a kal ve mawp a awm theih a nia, chutiang mi chu nihloh hram i tum ang u. 


Agenda pakhata vawihnih vawithum ding hreh miah lo, ka senior (upa/tel rei) tawh tih vanga din sek tum a awm theih a, mi sawi zawh ve leh kan hmaa ding te kan chhang leh chak emaw tih mai tura ding nawn hreh lo leh mahni ngaihdan tluk loh hlauh vanga din nawn te pawh a awm thei ang. Hei hi chu Editorial hmasa lamah kan sawi tawh nghe nghe kha.


Mahni pawl hma ngai takin roreltu te i inngaihtuah harh ang u.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

BIBLE CHHIAR

Lehkhabu, a kawm dum, a changtupa thihna ‘Bible’ kan tih mai hi hi khawvela lehkhabu darh zau leh copy pawh tam ber a ni awm e.  He lehkhabu hi chatuan nunna kawng min kawhhmuhtu lehkhabu hlu tak a nih avangin chhiar ngei tur a ni a; a chhiar ve lo pawh chhiar tura in fuih a tul bakah hnam hnufual zawk te pawh chhiar tur chhawp chhuah sak theih hi a tul ngawt mai. Chutiang atana mi thahnemngai tlem azawng an awm pawh hi a tihzia e. Tunhma chuan nitina chhung inkhawm nei thin kan nia; (tunah erawh ‘tunlai chuan mihring kan tul tawh a’ tih chhuanlam tute zingah ka tel ve ta.) chu’ng lai chuan ka pa hian kumthar project-ah ka u hnenah Thuthlung Thar bu pumpui hi chhiar chhuak turin a tia;  kei Chanchin Tha bu li te, tin, ka naute pahnih chu Sam bu chhiar turin a ti bawk. Ka unau dangte khan ka pa  ngenna kha an ti hlawhtling ta em? ka hre ta chiah l’aw, kei erawh chuan ka tih hlawhtlin mai bakah Thuthlung Thar zawng zawng chu ka chhiar ta vek a, ka tui tak zel avangin Thu...
Post a Comment
Read more