Skip to main content

INKHAWMPUI TIH TLEM CHUNGCHANG

 

Kar hmasa Inrinni zan atanga Pathianni zan thleng khan Aizawl Hmar Presbytery KTP meet chu Sihphir kohhran biakinah neih a ni. He hunah hian kan news editor te zînga Tv H. Lalrindika chu meet chairman niin Inrinni zan inkhawm a hruai bakah Pathianni zanah Pathian thuchah a sawi bawk. 


Kum tina neih thin, KTP General Conference chu a hautak deuha hriatna a awm avângin kum 2004 hnu lam atang chuan kum khat dana neih rawtna a lo awm a, (Synod in kohhran hmeichhe inkhawmpui lian nen a inchhawka neih a, inkhawmpui neihloh kuma rorêl inkhawm neih a rel.) hei hi hria in Presbytery huap thalai intawhkhawmna neih rawtna bial engemawzat atangin a lut nghal a, 2007 Synod chuan KTP General Conference neihloh kuma Presbytery huap KTP meet neih chu remtiin kum 2009 atangin hei hi kalpui tan a ni. A hautak tih avanga kum khat dana neih rawtna awm na na na a kar laka meet hman lo chak tlat hi a mak a, remtih saktu Synod leh presbytery puipa te rorel dan a mak lehzual a tih theih awm e. 


KTP in kum khat dana inkhawmpui an hman takah chuan a tha hle a nia'ng chu YMA lam pawhin rawn chhunzawmin kum 1971 atanga kumtina neih thin (General Conference) chu kum

2016 atangin kum khat danah an nei ve ta thin bawk. Hetiang bawk hian kohhran pawl dang te pawhin hei hi entawnin kumtina inkhawmpui neih an ti tawp hlawm.


KTP leh YMA ten inkhawmpui ti tlem a, kum khat dana an nei ta hi a lawmawm viau rualin a tluk thuakin inkhawmpui neih loh kumah rorel inkhawm neih ziah an tum tho te hian kum tina neih hautak avanga kum khat dana neih awmzia a neih tir tamlo hle. Thu pawimawh a awm anih chuan Central Committee an awm tho a, heng ho kutah te hian dahthiam thei ila a duhawm ngawt mai. Hetih laia KTP lamin Presbytery huap neih zel an lo tum te phei hi chuan General Conference neih tlem awmzia a neih loh tir khawp in a lang. Kohhran pawl dang inkhawmpui tl tlem ho khan hei hi lo hria ula, inkhawmpui dang hi lo siambelh tawhlo hram teh u.


Engpawhnise, thil reng reng hian thatna a nei vek ang hian inkhawmpui lian tih tlem avanga a dang lo piang pawh hi a tha viau tho e. Kalpui a ni ta sa sa bawka, hlawk taka hman tum zel phawt mai ang.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more