Skip to main content

CHIEF MINISTER SIHPHIRAH

 


Tunkar chhung hian Chief Minister, Pu Zoramthanga chuan Sihphir khua tumhnih zet min rawn tlawh.


Thawhtanni khan Chief Minister hian

Sihphir leh Venghlun huamchhunga Agriculture Department hmalakna a siam kilometer 16.58 a thui Agriculture Link Road 8 bakah tuikhuah 39 te chu Rohrenga Hall atangin a hawng a. He hunah hian Agriculture Minister Pu C. Lalrinsanga chuan Chief Minister hi a tawiawm. 


Hawnna inkhawm Rohrenga Hall a neihah hian khuallian Pu Zoramthanga chuan thu sawiin kuthnathawktute tana hmasawnna hnathawh hrang hrang hawn theih a ni ta chu a lawmawm tak zet a ni, a ti a. Kuthnathawktute hmasawnna tura Agriculture Minister leh a thawhpuite hmalakna chu fakawm a tih thu a sawi bawk.


Agriculture Minister, Pu C. Lalrinsanga pawhin thu sawiin kuthnathawktute puala din hmasawnna ruhrel pawimawh tak tak te hawn theih a ni chu a lawmawm hle a ni, a ti a. A department chan Agriculture leh Irrigation & Water Resources hnuaia hmalakna hrang hrang te tarlangin Minister chuan Sihphir khuaah PMKSY ‘Har Khet Ko Pani’ scheme hmangin tuizem, mi 20 hnenah pek a nih thu te, RKVY hnuaiah Sihphirah Solar Cold Storage din a nih tur thu te, PM KUSUM hnuaiah kuthnathawktu ten tui pump-na khawl an neih thuai tur thu te a tarlang a. Tuihna humhalhna kawnga hmalakna kal zelah Dakla lui  chu Brahmaputra Board hnuaiah zirchian a nih tur thu a sawi bakah khawtlang mipuite chu Agriculture farm a OP-12 Biofertilizer buatsaih chu hmang tangkai turin a chah bawk.


Tin, nimin Zirtawpni khan Zoram hmun hrang hrangah Green Mizoram Day 2023 chu Environment, Forest & Climate Change Department buatsaihin hman a ni a, a hmanna pui ber, Sihphir a Rohrenga Hall-ah chuan, Chief Minister, Pu Zoramthanga chu khuallian niin EF&CC Minister, Pu T.J Lalnuntluanga chu khualzahawm a ni bawk.


Chief Minister, Pu Zoramthanga chuan kumin Green Mizoram Day thupui "Thing phun ila, enkawl zui ang u" tih chu pawimawh a tiin, thing phunah chauh duhtawk lova enkawl zui zel a tul thu a sawi. 


EF&CC Minister leh Green Mizoram Sub-Committee chairman ni bawk, Pu T.J Lalnuntluanga pawhin thu sawiin Green Mizoram Day kumtina hman chuan hmuh theih rah tha a chhuah ngei theih nan thing phun te hi a enkawl zui naah kan zavaia mawhphurhna kan lak tlan a pawimawh thu leh, environment humhalh kawnga sawrkar hmalakna hrang hrangte chu hlawhtling tur chuan mipui tawiawmna a tul thin thu a sawi.


He hunah hian District Level Fire Prevention Award, Village Level Fire Prevention Award leh Ramkang Awareness Video Clip siam competition lawmman te sem nghal a ni a, District Level Fire Prevention Award hi Lunglei District leh

Village Level Fire Prevention Award hi Kepran khua in  dawng in   

Ramkang Awareness Video Clip siam competition lawmman hi

Bethlehem North Branch KTP ten an dawng thung.


Rohrenga hall-a inkhawm a nih hnu hian

Sakawrhmuituai tlangah Chief Minister leh EF&CC Minister ho hian thingphun ho nghal a ni a. Pu Lalnunsanga Khawlhring DFO, Aizawl Forest Division chuan he hun hi a kaihruaiin ram zia mil turin  tlaizawng, vaube, kuangthli leh ngiau te phun tura thlan a nih thu a sawi.

Comments

Post a Comment

Popular posts from this blog

KUM ZA CHHUNGA MIZO HMEICHHIATE DINHMUN

 1. Tunhmaa an dinhmun : Kan pi pu te khan 'Hmeichhe finin tuikhur ral a kai lo', 'Hmeichhia leh uipui chu lo phun lungawi mai mai rawh se' tih leh 'Hmeichhe hna, hna ni suh, chakai sa, sa ni suh' tih te hi an ṭawng duh dan a ni a, hetaṭang hian hmeichhia te an dah hniam ṭhin zia a chiang viau awm e.  Nula in inleng a neihin an mi ngei zawng tak pawh ni se, biak chhiat an ngaitheilo a, ngaihtheih loh chu sawi loh, thianglo hialin an ngai a ni. Khawvar tirh aṭangin hna an ngah nghal hle mai a, tuichawi, buhden, ei rawngbawl, chawei siam leh a seng fel. An kuta awm vek a ni. Pi pute hunlai kha chuan an eizawnna hi a inang ṭhûma, lo neih a niin an feh tlut tlut ringawt mai ṭhin a, chuvangin, Mizo hmeichhia te chuan hetia'ng nikhua hian feh tur mamawh zawng zawng hi an tihtura ngaih vek a ni a, an emin an phurh vek a ngai bawk ṭhin. Mipa chuan iptepui an ak ve hram chauh a ni.  Feh haw'n kawngah lah hmeichhia chuan em khatin in lam mamawh an phur haw ...
Post a Comment
Read more

CHANCHINBU MAN KHAWN A HUN LEH DAWN TA

  Thlatina Inrinni hnuhnung ber hian chanchinbu man khawn a ni tlangpui a, thlathar Inrinni hmasa ber leh remchang danga khawn pawh kan awm zeuh zeuh bawk. Thla a lo tawp (Inrinni hnuhnung ber) leh takah hian chanchinbu man pek lamah tan i la teh ang u. Kan chanchinbu hi thla khat lak man cheng 30 kan ti a ni a, heti hian a mah leh a mah a intum tawk vel viau a ni. A man pawh a lut tha tlangpui a, a lawmawm. Chutihrualin, pek lam ngaihsak lutuklo kan awm leh zeuh thin erawh a zialo thin khawp mai. Chanchinbu hi naupang semtir thin a ni a, a man khawn thu-ah pawh anni hian an keng tlang mai thin. Naupang an nih avang tak hian thenkhat hian zahlo taka lo tawngkhum in 'min pe ngai silo a, a man khawn hre hlur ringawt mai' tih an hlawh fo niawm tak a ni.  Thenkhat chhiar duh si a man pe duh manglo te pawh an awm niin a semtute hnen atangin thu kan dawng fo. A zialo khawp mai. Tin, pe emaw intia pe silo te pawh a awm theih a nia. Naupang rilru thianghlim tak te an ni a, rilru sual ...
Post a Comment
Read more

THLAZING

  (Sawiremtlang editorial) August thla han hman meuh chuan chhum a zing phui chuai reng mai a, upa ten 'thlazing' an lo ti pawh hi a awm viau mai. Amaherawhchu, heta thlazing tih hi pi pu te thla hming pakhat emaw ti kan awm leh mai thin. Mizo thla chhiar danah chuan Thitin thla a ni tih i hria ang u khai. Hmanlai chuan mitthi te hi pialrala kal nghal mai loin kan velah hian an la tap thin a, August thla hian mitthi khua an pan thin nia an ngaih avanga thitin thla ti pawh an ni niin a hriat. Chuvangin, August thla hi Mizo thla chhiar dan chuan thitin thla tihna a ni a, thenkhat ten thlazing tia an sawi erawh thla hming ang niloin tun thla chu chhum a zing chuai reng mai an tihna a nih chu. Mizo thla chhiar dan hriat hi kan mawhphurhna ni ve in a langa, thla chhiar dan mai bakah an nunphung te pawh hi hriat ve hram hram I tum ang u. August thla chu a zo ruai chu a ni leh ta a, ni reilo te-ah Ber thla kan kan kai anga, derhken, nuaithang, anthur leh senhri nu ten par an chhuang l...
Post a Comment
Read more