1st. Monday : Pi Thanthluaii (63), Saron Veng, chu Covid-19 vangin LRM Hospital-ah a boral. October ni 29, 2022 hnua Covid-19 vanga thi kan neih leh hmasak ber a ni.
2nd. Tuesday : Er. Lalrinawma, Minister, Social Welfare & Tribal Affairs Department chuan Jordan Centre, Sețhawn thlawhin thawktute leh enkawl mekte nen an inkawm.
Social Welfare & Tribal Affairs Minister, Er. Lalrinawma chuan ruihtheih thil chu ram leh hnam hmelma hlauhawm tak a nih angin ruihhlo lak a fihlim tur a inenkawlna hmun, Jordan Centre kan neih chu țangkai tak a hman a țul thu a sawi. Jordan Centre, Sețhawnah hian February ni 7, 2022 ațang khan ruihhlo avanga harsatna tawk te enkawlna kalpui țan niin mi 402 enkawl an ni tawh a. Thla 2 chhung enkawlna kalpui țhin niin thawktu, Honorary Workers 41 leh thawktu nghet 15 an awm mek a ni.
3rd. Wednesday : Chief Minister, Zoramthanga chu a pisa-ah Mizoram University Vice Chancellor thar, Prof. Dibakar Chandra Deka leh a nupui chuan hmu in an inkawm.
Chief Minister chuan hmasawnna tura hmalakna hrang hrang a neih zingah mi thiamte nen a thawhho te, an thurawn mamawh changte a awm thu hrilhin VC hnenah chuan thawhhona tha tak neih zel a beisei thu a sawi.
4th. Thursday : Mizoram Baptist Kohhran hnuai-a Baptist Mipa Pawl din champha vawi 43-na a ni a. Hmun hrang hrangah vantlang tana thil ṭha tih nâna läwm a ni. BMP hi Thingsai khua-ah din hmasak ber niin, Pu B. Thankima kaltlanga din a ni.
5th. Friday : Central YMA Executive Committee thukhawm chuan, Manipur-a Zo hnahthlakte harsatna tawh mek chungchangah tanpuina pek dan tur a ruahman hrang hrang te a ruahman.
6th. Saturday : Chakma Autonomous District Council inthlan lo awm tura INC Party Campaign a kal lirthei hawlam chuanna LPK 407 Tripper chu Geraguluksora-ah a chesual a, mi 9 in nunna an chanin hliam tuar engemawzat an awm bawk. Motor-ah hian mi 40 chuang an chuang a ni.
7th. Sunday : Zaithiam, Joseph Zaihmingthanga chu LRM Hospital-ah lungphuchawl in a thi.
8th. Monday : Naktuk khi Chakma Autonomous District Council (CADC) inthlanpui hun a nih tak avângin campaign hun khar a ni ta.
Vote hi zing dar 7 atanga tlailam dar 5 thleng thlak theih a ni ang a. Vote tlate hi May ni 11-ah chhiar a ni ang.
9th. Tuesday : Chakma Autonomous District Council inthlanpui vawi 11-na neiin bial 19-ah vote thlak a ni.
10th. Wednesday : Covid - 19 hri kai 30 hmuh belh a ni a, mi 19 chhuahtîr an ni thung.
11th. Thursday : Mizoram Board of School Education (MBSE)-in pâwl 10 board exam result a tihchhuak a, exam zawng zawng 18102 zînga 12878 (71.14%) in an pass a; Mizoram pumah Cynthia Lalhlupuii Shangpliang, St. Paul’s HSS chuan mark 485 hmuin pakhatna a ni.
12th. Friday : Pu Liansânga, Sakawrtuichhûn chu Tlawng luiah a tla hlum.
13th. Saturday : Covid - 19 hri kai 12 hmuh belh a ni a, mi 1 chhuahtîr a ni thung. Hetih lai hian Covid - 19 avângin thi pakhat a awm bawk.
14th. Sunday : Nu te Ni (Mother’s Day) a ni a, hmun hrang hranga Nu te chu an fa ten lawmthu sawina leh chawimawina thilpek an pe.
15th. Monday :
Serchhip-a Excise and Narcotics Department te chuan Lalṭanpuia (38) S/o Lalengmawia (L) Chhim Veng, Serchhip hnen atangin damdawi, ruihhlo, heroin No.4, 12.58 grams
an man.
16th. Tuesday : Chhiahtlang atanga Serchhip lam, Chhiahtlang Chhim veng leh Bukpui inkar kawngthlang feet 60 velah Pu Sangzuala (31), Mission vengthlang ruang chhar a ni. A ruang atanga a lan danin mi kuttuar a nih rin a ni.
17th. Wednesday : Tunthla, ni 9 a Chakma Autonomous Dist Council (CADC) inthlanpui neih ruala BJP Candidate a thih vanga inthlanna neih theihlohna, Rengkhasya bialah boruak muanawm tak hnuaiah mipuiten vote an thlak. Rengkhasya MDC Constituency-ah hian polling station pathum awmin, bial pum puiah voter mipa 752 leh hmeichhia 659, an zavaiin voter 1,411 an awm a ni.
18th. Thursday : Chief Minister, Zoramthanga hovin CM cabinet meeting room-ah Council of Minister an thukhawm a, he hunah hian sorkar department hrang hrang atanga thuthlen 19 rawtna te pawmpui a ni.
19th. Friday : Mizoram Board of School Education chuan Higher Secondary School Examination 2023 result a tih chhuaka, 78.66% in an pass.
20th. Saturday : Aizawl khawpui chhunga Iron Rod, Cement leh Balu dawr, dan lova hnamdang mite thurualpuia siam nia hriatte chu Central YMA hruaituten an dawrah theuh kal chilhin, khar turin an ngen a, dawr engemaw zat khar a ni.
Central YMA chuan an Kumpuan "Ram leh Hnam Humhalh" kawnga an hmalakna kawng khat atan, Mizo hming hawha Hnam dang ten Irod & Cement dawr an hawnte, Mizo ten Hnam dang thurualpuia hetiang lama sumdawng kalpuite chu hun engemaw chen an zirchian hnuah list an siam chhuak a. All Mizoram Cement & Iron Rod Dealers Association (AMCIRDA) te zirchianna nena en kawp chungin, chung atanga rinhlelh kai dawr 91-te chu vawiin khan Central YMA in hnatlang kovin, thuang 5 a in sem darhin hmalakna hi kalpui a ni.
21st. Sunday :Durtlang to Sihphir kawng
laih zauh hna nikum lam daih atang ruahmanna awm tawh chu thawh tan a ni. Hna thawh nan hian cheng vaibelchhe 46.57/- ruahman a niin
10.25 km a thui tur a ni.
22nd. Monday : Environment, Forest and Climate Change Minister, TJ Lalnuntluanga chuan International Day for Biodiversity 2023, IASE Auditorium Republic Veng a neih chu a hmanpui.
Thu sawiin minister chuan International Biodiversity Day chu kan khawvel sik leh sa inthlak danglam chho zel leh nungchate dinhmun en hian Khawvel a hun pawimawh ber pawl a ni, a ti a. Khawvel ah thiamna a sang chho zel a, amaherawhchu kan environment lah nasa takin a inthlak danglam a, hei vang hian, hmasawnna leh environment humhalh hna chu in su buailo a, a kalkawp theih nan thiamna sang tak bakah moral dik kan neih a pawimawh a ni, a ti.
23rd. Tuesday : UPSC chuan Civil Services Examination (personal interview) result a chhuak a, mi 933 an tling. Mizoram atangin mi pahnihin interview hmachhawn mah se tling an awm lo thung.
24th. Wednesday :
State Level Anti-Narcotics Task Force (AN-TF) chu Aizawl Police Hqrs. a DGP Conference Hall-ah thukhawmin ruihhlo dona kawnga hmalak dan tur hrang hrang an sawiho.
25th. Thursday : Chief Minister, Pu Zoramthanga chu sorkar laipui hotute dawr turin New Delhi panin a thlawk.
26th. Friday :
Mizoram Football Association chu Aijal Club-ah hmalam pana an kal zel dan tur relin an thukhawm. He hunah hian MFA hruaitute bakah District FA hruaitute an tel a ni.
27th. Saturday : Mara Autonomous District Council-a Siaha East 1 bialtu MDC, (INC) Pu Hrângchuanga chu a boral.
28th. Sunday : Pentikost ni a ni a, Chief Minister, Pu Zoramthanga chuan a instagram page-ah Zoram mipuite Pentikost Pathian ni chibai bukna a tarlang.
29th. Monday : Khawlailungah Hrangturzo West Block Congress Conference neih a ni a. He hun hi party President, Pu Lalsawta chuan hmanpuiin Hrangturzo West Block huam chhunga Congress party zawm thar mi 106 a làwmlut nghal.
30th. Tuesday : Ni li awh tur, 7th. Kolasib District Inter Club Badminton Championship chu Hmarveng Badminton Hall leh Project YMA Hall-ah neih a ni. Championship-ah hian categories 24 ah in elna neih a ni ang a, club 14 atangin player 337 an tel dawn a ni.
31st. Wednesday : Rajya Sabha MP, Pu K. Vanlalvena chuan Champhai District a khaw thenkhat Vaphai, Farkawn leh Zawlsei te a tlawh a, Myanmar raltlante awmna leh an dinhmun te a en nghal. Heng khua-ah te hian thu sawiin Pu Vena chuan, MNF sawrkarin raltlante a lo tanpui chhan hi vote hmuh belh beisei vang ni lovin "kan unau ten tanpui an mamawh tih kan hmu a kan tan pui mai zawk a ni", a ti.
Comments
Post a Comment